logo

фарҳанг

МАТБУОТРО ҲАМҚАДАМИ ЗАМОН МЕКУНЕМ

«Матбуот чашму гӯши халқ, муҳимтарин рукни ҷомеаи демократӣ мебошад ва ҷамъиятро аз бисёр нокомиҳо ва зуҳуроти зараровар раҳо карда метавонад».
Эмомалӣ РАҲМОН


Бо ибтикори раёсати Донишгоҳи миллии Тоҷикистон Конфронси ҷумҳуриявӣ таҳти унвони «Матбуоти даврӣ ва журналистикаи чандрасонаӣ: мушкилот ва дурнамо» баргузор гардид. Дар кори конфронс ректори Донишгоҳи миллии Тоҷикистон, академик Маҳмадюсуф Имомзода, профессорон Мурод Муродӣ, Маҳмадалӣ Муқимов, доираи васеи олимону унвонҷӯён ва рӯзноманигорону донишҷӯёни кишвар иштирок доштанд. Маърӯзаҳои ироашуда ҳозиронро бо таърихи пайдоиш ва инкишофи мултимедиа ва журналистикаи бисёррасонаӣ, мушкилоту бартариҳои сомонаҳои чандрасонаӣ барои рӯзноманигорон, нақши сомонаҳои интернетӣ дар матбуоти даврӣ ва муаммоҳои матбуоти маҳаллӣ ошно сохтанд.
Яке аз масъалаҳои муҳими баррасишуда ҳамсанги расонаву сомонаҳои электронӣ кардани матбуоти даврӣ дар фаврияти иттилоот буд. Имрӯз эҳсос мешавад, ки рӯзномаву ҳафтаномаҳо дар тайёр кардани матлабу матолиби фаврӣ ва дастрасии онҳо имконияти камтар, аммо аз назари фарогирии мавзӯъ, таҳлилу баррасӣ ва дурустии факту рақамҳо бартарӣ доранд.
Дар робита ба ин масъала Мурод Муродӣ, мудири кафедраи матбуоти донишгоҳ назарашро чунин иброз дошт: «Матбуоти даврӣ ҳамчун воситаи собиқадори ахбори омма дар муқоиса бо расонаҳои дигар умри тӯлонӣ ва таҷрибаи ғанӣ дорад, ки бо вуҷуди пайдоиш ва инкишофи васоити ахбори электронӣ мавқеи худро коҳиш надода, балки ба тақозои замон мувофиқ мешавад ва инкишоф меёбад. Журналистикаи чандрасонаии тоҷик дар замони соҳибистиқлолӣ дар муқоиса бо кишварҳои дигар бештар рушд намуд ва бо ҳама нуқсу камолаш ба манбаи муҳими ахбору иттилоот табдил ёфт».
Матбуоти даврӣ ва журналистикаи чандрасонаӣ ҳар ду якҷоя муҳиму муассир буда, таносуб ва таҷзияи байни онҳоро дуруст роҳандозӣ кардан, аз рӯзноманигорон дараҷаи баланди дониш ва касбият мехоҳад. Агар солҳои пеш рӯзноманигор ҳафтае як бор лавҳа, хабар ва ё гузорише омода мекард, имрӯз талабот тамоман тағйир ёфтааст. Рӯзноманигор акнун талаботи миллионҳо хонандаро ба инобат гирифта, дуруст, дақиқ, мӯъҷаз ва фаврӣ бояд нависад. Дар ин самт, мутаассифона, аксар рӯзномаҳо таваҷҷуҳи камтар доранд. Забони навишт ва маънову мантиқи матлабҳо гӯё дуюмдараҷа шудаасту фаврият ва диққатҷалбкунандагӣ дар мадди аввал.
Масъалаи муҳими дигар вобаста ба талаботи замон намоиш додани барномаҳои телевизионӣ буд. Вобаста ба ин мавзӯъ Ҷумъа Қуддус, сармуҳаррири маҷаллаи «Помир» аз ҷумла гуфт: «Телевизион ва журналистика тафаккури мардумро ба қолаб дароварда, бовару огоҳии шаҳрвандонро аз сиёсати пешгирифтаи Ҳукумати ҷумҳурӣ таъмин мекунад. Бавижа, барномаҳои телевизионӣ бояд мавзӯъҳоеро пайгирӣ намоянд, ки бо вуҷуди муосир будан, инчунин урфу одат, фарҳанг ва миллияти халқро таҷассум карда бошанд. Ҷустуҷӯи қаҳрамони рӯз дар намоишҳои саҳнавии телевизион метавонад таваҷҷуҳи ҷомеаро ба барномаҳои минбаъда бештар намояд. Яъне, бинанда дар симо ва кору пайкори қаҳрамони рӯз инсони наздик ва ё бахше аз рӯзгори худро дарёбад.
Мутахассисони соҳаи журналистика, аз ҷумла профессор Мурод Муродӣ масъалаи аз доираи пажӯҳиш дур мондани матбуоти маҳаллиро таъкид дошт: «Имрӯз матбуоти музофотии тоҷик, яъне сатҳу савияи ҳафтаномаҳои шаҳриву ноҳиявӣ аз назари илм дур мондааст. Барномаи мушаххас зарур аст, ки дар доираи он бурду бохт ва аҳамияту ҷойгоҳи онҳо ба риштаи пажӯҳиш кашида шавад. Дар ин бобат якҷо бо Академияи илмҳои Тоҷикистон лоиҳаи илмие таҳия намудаем, ки мувофиқи он дар оянда панҷсолаи омӯзиши матбуоти музофотиро ба роҳ хоҳем монд».
Мавриди зикр аст, ки кори муҳим ва саривақтӣ ҳар чӣ тезтар тартиб додан ва нашр намудани «Фарҳанги истилоҳоти рӯзноманигорӣ» аст, ки масъулияташро профессор Мурод Муродӣ ба зимма гирифтааст.
 Маърӯзаи дигар аз ҷониби аспиранти Донишгоҳи миллии Тоҷикистон С. Мардонов ироа гардид, ки дар он таносуби масъалаи оиладорӣ дар рӯзномаи «Ҷумҳурият» ва сомонаи он баррасӣ гашт. Ба гуфтаи ин олими ҷавон, муносибати нашрия ба воқеиёти иҷтимоӣ холисонаву касбӣ буда, фаъолияти он баҳри тадбиқи сиёсати бунёдкорона нигаронда шудааст.
Дар рафти конфронс масъалаҳои ташаккули шарҳнависӣ дар сомонаҳои интернетӣ, нақши интернет дар рушди ҳаёти шаҳрвандӣ ва ташкили телевизиони «Варзиш», муаммо ва дурнамои кори он матраҳ гашта, таъкид шуд, ки вазифаи нахустин ва асосии тамоми манбаъҳои иттилоотӣ, пеш аз ҳама, ба роҳи дуруст ва фардои дурахшон ҳидоят намудани мардум ва ба ёрирасону ҳамрози беминнати халқ мубаддал гаштани васоити ахбори омма аст.

Бузургмеҳри БАҲОДУР,
«Ҷумҳурият»


Баёни ақида (0)    Санаи нашр: 9.12.2015    №: 245    Мутолиа карданд: 667

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй


Дар сомонаҳои дигари Тоҷикистон хонед