logo

маориф

Нуробод: 595 духтар аз идомаи таҳсил бенасиб мондааст

Паёми Президенти Ҷумҳурии Тоҷикистон Эмомалӣ Раҳмон ба Маҷлиси Олии Ҷумҳурии Тоҷикистон омӯзгорон ва ҳамаи коркунони соҳаи маорифи ноҳияи Нурободро баҳри баланд бардоштани сифати таълиму тарбияи насли наврас рӯҳбаланд гардонд. Онҳо ин ҳуҷҷатро омӯхта, баҳри амалӣ намудани нишондодҳои он ҳамаҷониба кӯшиш карда истодаанд. Дар ин хусус мудири шӯъбаи маорифи ноҳия  Ҷумъа Насриддинов зимни сӯҳбат бо хабарнигорамон чунин иброз дошт:
- Чунон ки дар  Паёми имсолаи  Президенти Ҷумҳурии Тоҷикистон дарҷ гаштааст, «Дар ин давра дар соҳаи маориф ҷиҳати бунёди муассисаҳои нави таълимӣ ва таҷдиду барқарорсозии онҳо дигаргуниҳои зиёде ба амал омада, аз ҷумла 854 мактаб бунёд ва азнавсозӣ гардид, ки дар натиҷа 253 ҳазор ҷои нишаст фароҳам оварда шуд».
Дар ноҳияи мо низ дар давоми солҳои 2005-2008 39 мактаб мавриди истифодабарӣ  қарор гирифт,  ки 10-тои он аз ҳисоби фонди захиравии Президенти Ҷумҳурии Тоҷикистон сохта шуд. 12 мактаб аз ҳисоби буҷаи маҳаллӣ, 1 мактаб аз ҳисоби буҷаи ҷумҳуриявӣ, 10-тои он  аз ҳисоби маблағҳои грантӣ ва 6 мактаб бо маблағгузории Вазорати маорифи мамлакат бунёд гардид.
Чунон ки дар Паёми Президенти Ҷумҳурии Тоҷикистон омада: «Компютерикунонии муассисаҳои таълимии Вилояти Мухтори Кӯҳистони Бадахшон, ноҳияҳои водии Рашт, баъзе шаҳру ноҳияҳои вилоятҳои Суғду Хатлон ва шаҳри Душанбе ба анҷом расид». Хушбахтона, ноҳияи Нуробод аз ҷумлаи он навоҳие мебошад, ки ҳамаи мактабҳояш бо компютер таъминанд. Ҳамин тавр, миқдори компютер ба 269 расидааст.
Президенти Ҷумҳурии Тоҷикистон дар Паёми имсолаи худ ба Маҷлиси Олии Ҷумҳурии Тоҷикистон ҳамчунон дурнамои соҳаи маорифи мамлакатро хеле боварибахшу эҷодкорона муайян намудааст. Аз ҷумла дастур доданд, ки аз сентябри соли 2010 ба таҳсилоти ҳатмии даҳсола ва аз сентябри соли 2014 ба низоми нави таҳсилоти умумӣ гузашта, бо ин роҳ барои ҳамроҳ шудан ба фазои таҳсилоти ҷаҳонӣ  замина фароҳам оварда шавад. Гузаштан ба таҳсилоти ҳатмии даҳсола воқеан ҳам ба он мусоидат менамояд, ки кори таълиму тарбияи насли ҷавон беҳтар ба роҳ монда шуда, мамлакат дар ҳамаи соҳаҳо бо мутахассисони кордону варзида таъмин гардад. Хусусан барои таҳсилро давом додану соҳибкасбу соҳибмаълумот гардидани духтарони кӯҳистон заминаи пойдоре фароҳам менамояд. Айни замон бисёр духтарон баъди хатми синфи нӯҳ таҳсилро идома намедиҳанд. Соли хониши 2007-2008 синфи 9-уми мактабҳои ноҳияи Нурободро 740 духтар хатм намуд. Аз ин шумора дар соли хониши 2008-2009 танҳо 145 нафар таҳсилро дар синфи 10 идома доданд, ки ин камтар аз панҷяки шумори умумии толибагон аст. Аз ин лиҳоз боварии комил дорем, ки баъди ҷорӣ гардидани таълими ҳатмии даҳсола шумораи духтарон дар мактабҳои олии мамлакат хеле меафзояд.

Ҷ. ҚУВВАТ,
 «Ҷумҳурият»


Баёни ақида (0)    Санаи нашр:    №:    Мутолиа карданд: 645

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй

Таъсиси гурӯҳи корӣ баҳри иҷрои «Барномаи рушди иҷтимоию иқтисодии шаҳри Душанбе барои давраи то соли 2025»

Давлаталӣ Саид дар Корея

20-умин конфронси расонаҳои Осиёи Марказӣ дар Остона баргузор шуд

«Толибон» рӯйхати иштирокдорони мушовараи Москваро интишор дод

Таърихшиноси фаронсавӣ ба Макрон нақши Россияро дар наҷоти Аврупо хотиррасон кард

Ҷаҳон дар як сатр

"TASHKENT GRAND PRIX" ИШТИРОКИ ПАҲЛАВОНОНИ ТОҶИК ДАР ОН

"Истиқлол" бори ҳафтум чемпиони Тоҷикистон шуд!


Дар сомонаҳои дигари Тоҷикистон хонед