logo

фарҳанг

ДАРҲОИ МО ҲАМЕША БОЗАНД

Маркази кӯдакон ва наврасони шаҳри Душанбе яке аз аввалин муассисаҳои корҳои беруназмактабӣ дар ҷумҳурӣ маҳсуб ёфта, фаъолияти асосии  он аз фарогирии насли наврас  ба таҳсилоти иловагӣ иборат мебошад. Бо ҳамин мақсад дар ин марказ   зиёда аз  30 маҳфил ташкил шудааст, ки  ҳамасола дар онҳо наздики  1500 таълимгиранда ҷалб карда мешаванд. Ба таълимгирандагон дар маҳфилҳо аз рӯйи равияҳои техникӣ, бадеӣ, забономӯзӣ, ҳунарӣ ва варзишию сайёҳӣ омӯзгорони  соҳибтаҷриба ва мутахассисони ҷавони соҳибкасб дарс мегӯянд.
Марказ дорои шароити хуби таълиму тадрис буда, дар баробари синфхонаҳои таълимӣ он аз устохонаву синфхонаҳои компютерӣ, китобхона, толори калони фарҳангӣ, толори рақс ва дигар утоқҳои ёрирасон иборат аст. Майдони «Боғи кӯдакон» низ барои баргузории чорабиниҳои фарҳангиву оммавӣ ба марказ дода шудааст.  
- Дар чорабиниҳои фарҳангии пойтахт ва ҷумҳурӣ бачаҳои мо бо  ҳунару истеъдоди худ фаъолона иштирок менамоянд, -  мегӯяд Нигора Нурматова, муовини директори Маркази кӯдакон ва наврасони шаҳри Душанбе оид ба таълим ва тарбия. - Дар назди марказ ансамбли «Шукуфаҳои пойтахт» амал менамояд. Гурӯҳи навозандагони асбобҳои зарбӣ ва нафасии ансамбл дар Ҷашнвораи байналмилалии эҷодиёти мусиқии кӯдакон «Замин – хонаи ҳамаи мо», ки дар  Екатеринбург (соли 2014) баргузор гардид, соҳиби ҷоиза шуд. 
Соли гузашта аъзои маҳфили «Рӯзноманигорони наврас» - и ин марказ  дар доираи Барномаи байналмилалии «Мероси фарҳангӣ»  аз курсҳои фотожурналистикаи созмони «EARN»  бомуваффақият гузаштанд. Дар ин курсҳои таъсисдодаи созмони «EARN»  Умеда Нуралиева барои акси беҳтарин ба гирифтани  Дипломи Барномаи байналмилалии «Мероси фарҳангӣ» сазовор дониста шуд.                      
Порсол рассомони наврас дар озмуни «Мо тарзи ҳаёти солимро интихоб менамоем» амалҳои худро ба маърази тамошо гузоштанд. Ин озмунро  Агентии назорати маводи нашъаовари назди Президенти Ҷумҳурии Тоҷикистон  эълон намуда буд.
Шоҳмотбозони наврас бошанд, иштирокчии фаъоли на танҳо мусобиқаҳои ҷумҳуриявӣ,  балки байналмилалӣ низ ҳастанд. Моҳи марти соли 2015 дар шаҳри Тошканди Ҷумҳурии Ӯзбекистон  мусобиқаи байналмилалӣ оид ба шоҳмот баргузор гардид. Дар ин мусобиқа дар байни 90 нафар собиқадори бозии шоҳмот Негмат Зиёев, омӯзгори ҳамин марказ,  ғолиб баромада, соҳиби медали тиллоии «Ёдгории Агзамов» шуд.
Маҳсули ҳунари чеварони маҳфилҳои дӯзандагиву гулзанӣ ва попурдӯзиву зардӯзӣ намоишгоҳҳои  ҳунарҳои мардумиро оро  медиҳанд. Бар замми ин, аксари он либосҳои саҳнавии бабаркардаи ҳунармандони  касбӣ ҳам маҳсули дастранҷи онҳо мебошад.
Марказ тасмим гирифтааст, ки бо мақсади кашфи истеъдодҳои наврас ва дастгирии  рушди ҳунару эҷоди онҳо баргузории фестивал – озмуни истеъдодҳои наврасро бо номи «Шукуфаҳои пойтахт» ба роҳ монад.
Дар баробари чорабиниҳои фарҳангиву фароғатӣ марказ, инчунин,   дастаҳои ихтиёриёни «Патрулони сабз» - ро ташкил намудааст.
Соли хониши  марказ аз 15 сентябр шурӯъ ва 1  июн ҷамъбаст мегардад.   Дар ин давра маҳфилҳо дар ду баст  амал менамоянд. Дар давраи таътили тобистона низ дарҳои мо барои бачаҳо бозанд. Яъне мо бидуни таътилу истироҳат, дар вақти барои бачаҳои пойтахт мусоид фаъолият менамоем.
 
Иронбӣ МӮСОЗОДА,
   «Ҷумҳурият»


Баёни ақида (1)    Санаи нашр: 15.12.2015    №: 249    Мутолиа карданд: 469

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд


Дар сомонаҳои дигари Тоҷикистон хонед