logo

ҳуқуқ

ДИҚҚАТ, ҶАНГОВАРОНИ БАШАРДӮСТ ПЕШНИҲОД МЕНАМОЯНД

Чанде пеш дар Муассисаи давлатии «Китобхонаи миллии Тоҷикистон» ҷаласаи Иттиҳоди интернатсионалистони собиқадори Ҷумҳурии Тоҷикистон баргузор гашт. Дар он раисони намояндагиҳои иттиҳод аз шаҳру ноҳияҳои кишвар иштирок доштанд. Шавкат Мирзоев, раиси Иттиҳоди интернатсионалистони собиқадори Ҷумҳурии Тоҷикистон, фаъолияти ташкилотро дар соли равон мавриди баррасӣ қарор дод. Бино ба гузориши ӯ, иттиҳод дар ин давра ҳамкориро бо вазоратҳои мудофиа, корҳои дохилӣ, Сарраёсати Қӯшунҳои сарҳадии Кумитаи давлатии амнияти миллӣ, Ташкилоти ҷамъиятии мададгори мудофиа, пойгоҳи низомии 201 - и Русия ва сафоратҳои Русияву Қазоқистон дар Тоҷикистон васеъ ба роҳ мондааст. Бавижа, дар замони муосир, ки ҷомеаи ҷаҳониро хатарҳои глобалӣ, аз қабили терроризм, экстремизми байналмилалӣ ва гурӯҳҳои ифротгароии динию иртиҷоӣ таҳдид мекунанд, иттиҳод дар назди худ мақсад гузоштааст, ки дар баробари пешгирии чунин зуҳуроти номатлуб бо истифода аз таҷрибаи андӯхтаи аъзо баҳри тарбияи насли наврас дар рӯҳияи ватандӯстӣ, зиракии сиёсӣ, худшиносӣ ва худогоҳии миллӣ, инчунин ободию шукуфоии Тоҷикистони азиз, саҳми боз ҳам бештар дошта бошад.
Дар баррасии суханронии Шавкат Мирзоев раисони намояндагии Иттиҳоди интернатсионалистони собиқадори Ҷумҳурии Тоҷикистон дар шаҳри Қӯрғонтеппа С. Давлатов, минтақаи Кӯлоб С. Исмоилов, ноҳияҳои Қумсангир А. Моисеев ва Восеъ Қ. Ғаниев иштирок карданд. Онҳо иштирокдорони ҷаласаро бо натиҷаи фаъолияти намояндагиҳо дар минтақа ва ноҳияҳо шинос намуда, саҳми босазои фаъолони иттиҳодро дар ободонии маҳалҳо, расондани ёрӣ ба оилаҳои интернатсионалист, мулоқоту вохӯриҳо бо хонандагони мактабҳо, гузарондани чорабиниҳо оид ба таълиму тарбияи ватандӯстӣ ва омодагӣ ба хизмати Ватан - Модар тазаккур доданд. Аъзои иттиҳод дар барқарорсозии сохти конститутсионӣ ҷонбозиҳо кардаанд. Ба ҷуз ин, онҳо то имрӯз ҳангоми рух додани воқеаҳои Рашт ва рӯйдодҳои моҳи сентябри соли ҷорӣ дар кишвар намояндагони худро дар шаҳрҳои Душанбеву Ваҳдат ва манотиқи дигар фаъол гардонда, дар пешгирии амалҳо ва дастгир кардани ҷинояткорони гурӯҳи террористӣ саҳми худро гузоштанд. Аъзои нисбатан ҷавони иттиҳоди мазкур имрӯз ҳам дар сохторҳои қудратӣ кору фаъолият дошта, намунаи барҷастаи нангу ном ва шарафу масъулияти ватандориянд.
Аксари онҳо аз ҳамкориҳои муфиди мақомоти маҳаллӣ бо намояндагиҳои иттиҳод изҳори қаноатмандӣ намуданд. Аммо маълум гардид, ки дар баъзе маврид мақомоти маҳаллӣ нисбат ба интернатсионалистон хунукназарона рафтор карда, имтиёзҳои қонунии онҳоро сарфи назар менамоянд.
Ба таъкиди Г. Сафаров, барои беҳтар намудани вазъи иҷтимоии интернатсионалистон дар дармонгоҳҳо бояд табобати бепул ба роҳ монда шавад, додани қарзҳои бефоиз ё имтиёзнок дар бонкҳо ҷорӣ гардад. М. Қодиров, муовини раиси намояндагии иттиҳод дар ноҳияи Ҷалолуддини Румӣ, иброз дошт, ки барои кор бо оилаҳои интернатсионалисти фавтида ва эҳёву обод намудани қабрҳои онҳо аз буҷети маҳаллӣ ва шахсони хайрандешу саховатманди ноҳия маблағ ҷудо карда шавад.
 - Ба манфиати кор мебуд, агар Иттиҳоди интернатсионалистони собиқадори Ҷумҳурии Тоҷикистон ба Шӯрои ҷамъиятии Ҷумҳурии Тоҷикистон шомил гардида, ба ин васила бо иштироки фаъолона ва ташаббусҳои созанда баҳри беҳдошти зиндагии собиқадорон ва корҳои ободонию созандагии кишвари азизамон ҳиссагузорӣ намояд. Инчунин, иттиҳод агар идораи худро доштаву бо танзиму тадвини рӯйхати ҷанговарони башардӯст ва китобу ёддоштҳо машғул бошад, барои ҷовидонагии ному нишон ва мардонагиву ҷасорати падару бобоёнашон барои насли оянда мусоидат мекард, - изҳор дошт С. Исмоилов, раиси иттиҳоди интернатсионалистони собиқадори шаҳри Кӯлоб.
Аксари вакилон пешниҳодҳои раиси иттиҳод Шавкат Мирзоевро дар мавриди муттаҳид намудани созмонҳои гуногуни интернатсионалистони ҷумҳурӣ, ворид намудани тағйиру иловаҳо ба Қонуни Ҷумҳурии Тоҷикистон "Дар бораи ветеранҳо", Рӯзи иди касбӣ эълон кардани 15 феврал (рӯзи баромадани ҷузъу томҳои маҳдуди Қувваҳои Мусаллаҳи Иттиҳоди Шӯравӣ аз Афғонистон), ки қаблан низ баррасӣ шуда буд, ҷонибдорӣ намуданд.
- Аз ин лиҳоз, аз Ҳукумати ҷумҳурӣ эҳтиромона хоҳиш дорем, ки ба Қонуни нави Ҷумҳурии Тоҷикистон «Дар бораи собиқадорон» бо назардошти пешниҳодоти иттиҳод (Муроҷиатнома – мактуби кушода аз 06. 04. 2012 № 135 ба Ҳукумати Ҷумҳурии Тоҷикистон) тағйиру иловаҳо ворид намуда, ба порлумон пешниҳод намояд, - гуфт Шавкат Мирзоев.
 Бузургмеҳри БАҲОДУР, «Ҷумҳурият»


Баёни ақида (0)    Санаи нашр: 15.12.2015    №: 249    Мутолиа карданд: 573
07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"

ПУТИН: «РОССИЯ БАРОИ РУШДИ ИҚТИСОД НИЁЗ БА МУҲОҶИРОН ДОРАД»

ҶАҲОН ДАР ЯК САТР

03.07.2020


ХУҶАНД. ИФТИТОҲИ ГУЗАРГОҲИ ЗЕРИЗАМИНӢ

ЗАРУРАТИ ТАВСЕАИ ҲАМКОРИҲО ТАЪКИД ГАРДИД

ДАР ТОҶИКИСТОН АЗ КОРОНАВИРУС 4690 БЕМОР ШИФО ЁФТ

ДЗЮДО. КУРСИ ТЕХНИКӢ БАРОИ МУРАББИЁН

АЛЕКСАНДР ЛУКАШЕНКО: «БЕЛАРУС БАР КОРОНАВИРУС ҒОЛИБ ОМАД»

ҶАҲОН ДАР ЯК САТР

02.07.2020


77 ДАРСАДИ БЕМОРОН ДАР ТОҶИКИСТОН СИҲАТ ШУДАНД

КУМАКИ ШИРКАТИ “ПОМИР ЭНЕРҶИ” БА НИЁЗМАНДОН

ҚАРИБ 650 ШАҲРВАНДИ ТОҶИКИСТОН АЗ РОССИЯ БАРГАШТ

ҶАҲОН ДАР ЯК САТР

01.07.2020


ҚАРОР ДАР БОРАИ ТАЪЙИН ВА ПАРДОХТИ КУМАКПУЛИИ ИҶТИМОӢ

4568 МУБТАЛОИ COVID – 19 ДАР ТОҶИКИСТОН ШИФО ЁФТ

ҶАЛАСАИ ШӮРОИ ИҚТИСОДИИ ИДМ

НИШАСТИ САТҲИ БАЛАНД ДАР ҚОЛАБИ С5+1

ЛИГАИ ОЛӢ. ЭҲСОН ВА ВИТАЛИЙ БЕҲТАРИНҲОИ МОҲИ ИЮН

НАҚШАИ РУШДИ ИДМ БО НАЗАРДОШТИ COVID-19 ТАТБИҚ МЕШАВАД

ҶАҲОН ДАР ЯК САТР

30.06.2020


МУРАШКО: «РОССИЯ ОМОДА АСТ, ВАКСИНАҲОИ КОРОНАВИРУСРО БА БОЗОРИ ҶАҲОНӢ ВОРИД СОЗАД»

ҶАҲОН ДАР ЯК САТР

26.06.2020


75 ДАРСАДИ СИРОЯТЁФТАГОНИ COVID – 19 ДАР ТОҶИКИСТОН ШИФО ЁФТАНД

БОХТАР. ХИЗМАТЧИЁНИ ДАВЛАТӢ САВГАНД ЁД КАРДАНД

ФУТБОЛ. БОЗИИ РАФИҚОНАИ ДУ КИШВАРИ ДӮСТ

СУТ ХУРУҶИ НАВИ КОРОНАВИРУСРО ДАР АВРУПО ТАСДИҚ НАМУД


Дар сомонаҳои дигари Тоҷикистон хонед