logo

фарҳанг

БАЗМИ РАҚС

Чанде пеш дар Донишкадаи давлатии фарҳанг ва санъати Тоҷикистон ба номи Мирзо Турсунзода аз Азиза Азимова бо шукӯҳ ва шаҳомати хоса ёд карданд.

Таҳти унвони «Нақши профессор Азиза Азимова дар рушди санъати рақси касбии тоҷик» Конфронси ҷумҳуриявии илмию эҷодӣ баргузор гардид. Дар он гузоришу маърӯзаҳои илмии устодон, ҳамкорон ва шогирдони Ҳунарпешаи халқии Тоҷикистон, асосгузори кафедраи хореографияи донишкадаи мазкур А. Азимова шунида шуд.
Дар доираи чорабинӣ, ҳамчунин, дар толори «Арғунун» - и донишкада бо иштироки шогирдони Азиза Азимова ва ихлосмандони  хореография «Базми рақс» ташкил карда шуд. Дар он намунаҳо аз рақсҳои иҷронамудаю таҳиякардаи Азимова ва беҳтарин намунаҳои ҳунари рақси миллӣ  намоиш дода шуданд. Ансамбли рақсии «Бунафша» - и ДДФСТ, ки асосгузори он низ профессор А. Азимова мебошад, дар консерт рақсҳои «Кабӯтар» (дар иҷрои гурӯҳи духтарони ансамбл), «Калтакбозӣ» (гурӯҳи мардонаи ансамбл), «Базми бадахшӣ», «Тӯёна», «Кадрил», «Мавригӣ» ва ҳиндугиву афғониро пешкаши тамошобинон намуд. Дар базми рақс, ҳамчунин, барномаи рангини ҳунарии дастпарварони коллеҷи хореографии ба номи Малика Собирова ва мактаб – интернати махсуси санъати ба номи Миратулло Атоев намоиш дода шуд. Рақсҳои таҳиянамудаи шогирдони Азиза Азимова, ки аз ҷониби дастаҳои рақсии «Ҷаҳоноро», «Гулрез», «Лола», Иттиҳодияи консертии «Базморо» ва Филармонияи давлатии Тоҷикистон ба номи Акашариф Ҷӯраев иҷро шуданд, бозгӯи он гардиданд, ки шогирдони устоди номвар анъанаҳои неки ӯро идома дода истодаанд.
Бояд ёдовар шавем, ки Азиза Азимова фаъолияти эҷодии худро пас аз хатми омӯзишгоҳи омӯзгории занонаи Бухоро (соли 1927) дар ҳайати Театри сайёри коргарии Тошканд оғоз намуда, сипас ба дастаи навтаъсиси Театри драмаи тоҷик пайвастааст (соли 1932). Дар саҳнаи ин театр ӯ нақшҳои Ширин аз намоиши «Мубориза» - и А. Усмонов, Раъно («Раъно» - и С. Саидмуродов) ва Аделмаро («Малика Тӯрондухт» - и К. Готси) бо маҳорати том офарид. Дар ҳамин солҳо маҳорати хоси раққосагии ӯ ошкор гардида, дар намоишҳои «Гулсара» - и К. Яшен, «Розия» - и Ё. Яъқубҷонов ва Н. Зелеранский рақсҳои нотакроре меофарад. Рақсҳои наҷиби ӯ нахустин операҳои миллиро аз қабили «Шӯриши Восеъ» ва «Коваи оҳангар» - и С. Баласанян, «Тоҳир ва Зуҳро» - и А. Ленскийро  оро додааст.
Азиза Азимова яке аз нахустин раққосаҳои тоҷик аст, ки техникаи мушкили балетро аз бар намуда, дар иҷрои партияҳои Нозгул аз балети «Ду гул» - и А. Ленский, Мария аз «Фаввораи Боғчасарой» - и Б. Асафйев муваффақ гардидааст. Соли 1950, пас аз хатми шуъбаи балетмейстерии Донишкадаи давлатии санъати театрии Москва ба номи А. Луначарский (ГИТИС) ба Театри академии опера ва балети ба номи Садриддин Айнӣ баргашта дар он балетҳои «Гули сурх» ва «Доктор Айболит» - ро рӯйи саҳна меорад.  Солҳои зиёд дар Филармонияи давлатии Тоҷикистон ва театри Кобул ба сифати балетмейстер ва устоди рақс фаъолият намудааст. Аз соли 1967 устоди Донишкадаи давлатии омӯзгории Тоҷикистон (ҳоло Донишгоҳи давлатии омӯзгории Тоҷикистон ба номи С. Айнӣ) шуда кор кардааст. Аз рӯзҳои нахустини таъсис ёфтани Донишкадаи давлатии фарҳанг ва санъати Тоҷикистон ба номи М. Турсунзода дар он фаъолият намуда, кафедраи хореографияро асос мегузорад. 

Муҳаммадуллоҳи ТАБАРӢ,
«Ҷумҳурият»


Баёни ақида (0)    Санаи нашр: 17.12.2015    №: 251    Мутолиа карданд: 649

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед