logo

фарҳанг

ВАССОФИ ДИЁРИ МАҲБУБ

Нақибхон Туғрал ба мардуми равшанфикр, ҳамдеҳагони фарҳангдӯсти худ низ робитаи қавӣ дошта, бо онҳо маҳфилҳои адабӣ ташкил карда, доимо дар атрофи адабиёт, фарҳанг, худшиносию ватандӯстӣ, ҳақгӯиву ҳақпарастӣ, ободию шукуфоии диёри азизи худ суҳбатҳои гарму ширин менамуд  ва ин хислатҳои неки инсониро дар ашъораш низ тараннум мекард. Марди заковатманду фарҳангдӯст Шоҳиброҳими Шаваткӣ аз қабили он ҳамсуҳбатон ва ҳамақидагони Туғрал буда,  бо ӯ муносибату равобити қавии дӯстию фарҳангӣ доштааст.

Дар деҳаи Шаватки поёни ноҳияи Айнӣ, аз рӯйи ёддоштҳои куҳансолони деҳ,  зиёда аз 70 нафар муқими ин деҳа хатмкардаҳои мадрасаҳои Бухорову Самарқанд  маҳсуб меёфтанд, ки дар шаҳрҳои гуногун кору фаъолият мекардаанд. Ҳоҷӣ Нодир, муфтӣ Шоҳиброҳим Қорӣ Ниёзбадал аз дӯстони наздики Нақибхон Туғрал будаанд, ки шоир ба онҳо таваҷҷуҳи хоса доштааст ва дар маҳфилҳои адабӣ ва ҳалқаҳои илмии якдигар ширкат меварзиданд.
Ривоят мекунанд, ки замоне муфтӣ Шоҳиброҳим мадрасаи Бухороро хатм карда, ба зодгоҳаш меояд. Туғрал дар яке аз суҳбатҳои аҳли фазл ба дониши ӯ  баҳои баланд дода, чунин ситоишаш намудааст:  «Шоҳиброҳим ними илми Бухороро фаро гирифтааст». Чун хабари вафоти нобаҳангоми дӯсташ Шоҳиброҳимро мефаҳмад, ниҳоят муттассир мегардад ва бо афсӯсу ҳасрат марсияи зеринро дар ҳақи шахси барояш азизу гиромӣ  мебахшад, ки аз  забони пирамардони деҳа китобат шуда,  порае аз онро ба ҳайси намуна мисол меоварем:
Ҳай дареғо, дӯстон, муллои хушдастор рафт,
Зеби маҷлис, зеби минбар – соҳиби гуфтор рафт.
Буд Шоҳиброҳим андар мулки Тӯрон садри илм,
Қозии аҳли фақирон, олими афкор рафт,
Дар ғами ҳиҷрони ӯ борид ғам аз дидагон,
Аз миёни сад ҳазорон уштури пурбор рафт.
Ҷамъи олимҳо шунида даст бар сар мезаданд,
Ҳай дареғо, сад дареғо, олими асрор рафт.
Туғрали Аҳрориям, эҷод кардам марсия,
Андалеби бӯстон – он муфтии мухтор рафт.

Бояд гуфт, ки ин марсия алъон дар китобҳои нашршудаи Туғрал оварда нашудааст  ва гумон мекунем, ки ба осори шоир ворид намудани он тақозои замон аст. Мисолҳои овардашуда гувоҳи он аст, ки шоир асарҳояшро дар ҳалқаҳои аҳли илму адаб, дар иҳотаи ҳамдеҳагони заҳматқарин, ҳақгӯю ҳақпараст ва хайрхоҳу инсондӯсташ меофарид, меҳру муҳаббат ба Ватан ва халқи диёр ҳамеша илҳоми ӯро  ба ҷӯш меовард. Вай чӣ дар суҳбатҳо ва чӣ тавассути ашъораш мардумро пайваста ба ҳаёти осоишта, покизагии қалбу рӯҳ, оштинопазир будан ба бадхоҳон ва дигар хислатҳои ҳамида даъват мекард.
Мардуми зодгоҳи шоир ҳар гоҳ аз Туғрал бо некӣ ёд карда, аз таваҷҷуҳ ва арҷгузории баланди Ҳукумати ҷумҳурӣ  дар ҳаққи ин абармарди халқи тоҷик бо ифтихори бепоён сухан меронанд. Сарвари давлат дар маросими ифтитоҳи маҷмааи шоир ва Қасри фарҳанги ноҳияи Айнӣ ба сокинони  мавзеи бостонии Айнӣ муроҷиат намуд, ки «акнун меросбарони шоири бузург ва сокинони ноҳияро зарур аст, ки ин ёдгории нодирро эҳтиёт карда, барои ҷамъоварии дигар ёдгориҳои нодир ва намунаҳои таърихиву фарҳангии минтақа кӯшиш намоянд».  Тибқи чунин дастуру супоришҳои раҳнамунсоз  ҳамдеҳагони шоир якдилона бар он ақидаанд, ки ёдгориҳои хаттӣ, китобҳои нодир, унсурҳои фарҳангии куҳани тоҷикон, маҳсули навъҳои гуногуни ҳунармандии минтақаро чун сарвати бебаҳои халқ гирдоварӣ ва нигоҳдорӣ намоянд.

Зафар ШАРИФОВ,
Маҳмадалӣ НАЗАРОВ,
омӯзгорони мактаби таҳсилоти
умумии № 23 -и ноҳияи Айнӣ


Баёни ақида (0)    Санаи нашр: 18.12.2015    №: 252    Мутолиа карданд: 574

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров

GLOBE SOCCER AWARDS. Беҳтаринҳоро муайян кард

ҶАҲОН ДАР ЯК САТР

Дар Пекин музокироти тиҷоратии ИМА ва Чин мегузарад

Эрдуғон пирӯзӣ бар террористони «Давлати исломӣ» - ро эълом дошт

Разведкаи Сурия дар ҳафт сол 80 саркардаи исломиро нест кард

Сарвари ҶХД Корея ба Чин бо ташрифи серӯза омад

Танзими нархи дорудар Қазоқистон

04.01.2019


Парвози чартерӣ дар масири Душанбе - Шарм-уш-шайх

ҶАҲОН ДАР ЯК САТР

Ҳалокати зани тоҷик ва се фарзандаш дар Магнитогорск

Ваколати нави намояндаи Тоҷикистон дар СҲШ

Аз Сурия баромадани артиши амрикоӣ оғоз ёфт

Зонди чинии "Чанъэ-4" дар Моҳ


Дар сомонаҳои дигари Тоҷикистон хонед