logo

порлумон

БУНЁДИ КОРХОНАҲОИ БУЗУРГИ ИСТЕҲСОЛӢ ДАР ЁВОН

Дар ноҳияи Ёвон корхонаҳои истеҳсоли семент бо иқтидори солонаи 1,2 миллион тонна, гаҷкартон 1 миллион метри мураббаъ ва халтаи семент 8 миллион дона бунёд мегарданд.
Ин нукта зимни баррасии Созишномаи сармоягузорӣ байни Ҳукумати Ҷумҳурии Тоҷикистон ва Ҷамъияти дорои масъулияти маҳдуди «Ширкати байналмилалии истеҳсолии Чжунгтсай Моҳир Семент» оид ба сохтмон ва ба истифода додани корхонаҳои истеҳсоли семент, гаҷкартон ва халта дар ноҳияи Ёвони вилояти Хатлон дар ҷаласаи Маҷлиси намояндагони Маҷлиси Олӣ, ки 16 декабр баргузор гардид, таъкид шуд.
Лочин Файзуллозода, муовини якуми раиси Кумитаи давлатии сармоягузорӣ ва идораи амволи давлатӣ, зикр кард, ки ширкати мазкур барои бунёди ин корхонаҳо 145 миллион доллар сармоягузорӣ мекунад.
Корхонаҳои истеҳсолӣ бо истифода аз таҷҳизоти муосир ва риояи талаботи экологӣ бунёд гардида, 800 нафар коргари маҳаллиро бо ҷойи кор таъмин мекунанд. Дар баробари ин, дар коргоҳи истеҳсоли масолеҳи сохтмонӣ ва варақаҳои гаҷӣ ташкили 230 ҷойи корӣ пешбинӣ шудааст. Корхонаҳо дар давоми якуним сол бунёд гардида, ба кор оғоз хоҳанд кард.
Назар ба гуфтаи Лочин Файзуллозода, сармоягузор бо мақ-сади дастгирии соҳаҳои маориф ва тандурустӣ дар Ҷамоати деҳоти Даҳанаи ноҳия муассисаи таҳсилоти миёнаи умумӣ барои 640 хонандаро ба маблағи 13 миллион сомонӣ бунёд мекунад. Инчунин, ду автомашинаи муосири ёрии таъҷилӣ ба маблағи 600 ҳазор сомонӣ ба беморхонаи марказии ноҳия ба тариқи ройгон тақдим гардид. Амалишавии созишномаи мазкур ба рушди иқтисодӣ - иҷтимоӣ, ташкили ҷойҳои нави корӣ, баланд бардоштани иқтидори истеҳсолӣ ва содиротӣ, ҷалби сармоягузории мустақили хориҷӣ, воридоти техника ва технологияи нав мусоидат менамояд.
Ҷамшед Каримзода, муовини якуми вазири молия, зимни баррасии Созишнома оид ба пешниҳоди кафолат ба лоиҳаи «Кам кардани  талафоти неруи барқ дар вилояти Суғд» байни Ҷумҳурии Тоҷикистон ва Бонки аврупоии таҷдид ва рушд, иброз дошт, ки маблағи умумии лоиҳаи мазкур 21 миллион евроро ташкил медиҳад. Назар ба гуфтаи ӯ, дар доираи ин лоиҳа насби беш аз 97 ҳазор ҳисобгираки интелектуалии электронӣ барои нуқтаҳои ҳисобӣ ва техникӣ, 3,5 ҳазор трансформатори ҷараён, 200 трансформатори шиддат, 1400 сутуни  оҳану бетонӣ, 450 қуттии воридоти шиддат ва қисман таҷдиди хатҳои барқии кабелу ноқилҳои гуногун ба нақша гирифта шудааст. Татбиқи лоиҳа соли 2011 оғоз гардида, то соли 2017 идома меёбад.
Мирзо Иброҳим, раиси ширкати «Барқи тоҷик» ба саволҳои вакилон, аз ҷумла оид ба хариди трансформаторҳои ватанӣ, ки дар шаҳри Қӯрғонтеппа истеҳсол мегарданд, иброз дошт, ки дар давоми сол аз ин корхона 27 трансформатор гирифтанд. Азбаски  заводи мазкур ширкатро бо трансформатор таъмин карда натавонист, бинобар ин, онро аз тариқи озмуни тендерӣ аз Ҷумҳурии Қазоқистон ворид менамоянд.
Низомиддин Зоҳидӣ, муовини вазири корҳои хориҷӣ, зимни ташреҳи Шартнома оид ба шарикии стратегӣ байни Ҷумҳурии Тоҷикистон ва Ҷумҳурии Қазоқистон, гуфт, ки роҳандозии муносибатҳо байни ҳар ду кишвар дар фазои мутақобилан судманд ҷараён гирифта, ҷавобгӯи манфиатҳои сиёсӣ, иқтисодӣ ва фарҳангии ҷонибҳост. Мавсуф таъкид ба он дошт, ки шартномаи мазкур зимни сафари расмии Президенти Қазоқистон Нурсултон Назарбоев ба Ҷумҳурии Тоҷикистон, 14 сентябри соли 2015, ба имзо расида, муқаррароти он робитаҳои ду кишвари дӯстро ба сатҳи сифатан нав мебарорад.

Мунаввари САФАР, «Ҷумҳурият


Баёни ақида (0)    Санаи нашр: 19.12.2015    №: 253    Мутолиа карданд: 5494

21.08.2019


Путин 4 сентябр бо Сарвазири Ҳиндустон музокирот мегузаронад

Амири Қатар даъвати Путинро ба ФИБП пазируфт

Даҳ ҳазор нафар бинобар сӯхтор дар пойтахти Бангладеш бе сарпаноҳ монд

Токио имкони ба мадор баровардани радифҳои ҳарбиро баррасӣ дорад

Ҷаҳон дар як сатр

ШИНОВАРӢ. Варзишгарони тоҷик ба Чемпионати ҷаҳон рафтанд

19.08.2019


Баррасии асосноккунии техникиву иқтисодии роҳи Қалъаи Хумб – Ванҷ

Баргузории ҳамоиши "Ҷавонони эҷодкор – парчамбардорони миллат ва пайравони Пешвои миллат"

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал


Дар сомонаҳои дигари Тоҷикистон хонед