logo

фарҳанг

ШАМЪИ РӮШАНИ СУЛҲ

Шеъри ҳар шоир аз фазои маънавии ӯ ҷудо нест ва дар ҳамон фазо худро шакл медиҳад. Чунин аст, ки шеър  дар хонанда ҳамон ҳисро бедор  месозад, ки шоир дар худ онро дорад. Шеър ба гунаи дигар сурати дигари шоир аст, ки дар рангҳои гуногун худро нишон медиҳад ва аз фарозу фуруди маърифати шоир ба хонанда ҳикоят мекунад. Ҳикояти шеъри ҳар шоир мутобиқ ба ҳамон фазо, гоҳе ширину шод ва гоҳe низ ғамбор ва талх аст, дар ҳамин ҳолатҳо он барои хонанда азиз аст. Устод Ашӯр Сафар аз чунин шоироне буд, ки фазои зиндагии худро барои хонанда самимона, соф ва бидуни тамаллуқу риё пешниҳод мекард. Аз ин ҷост, ки дар ҳар маҳфиле, ки ҳузур пайдо мекард, он маҳфил рангу бӯи дигар мегирифт ва хандаву шеър беҳтарин армуғон барои ҳозирон мешуд. Устод рисолати худро дар шеъру шоирӣ бисёр хуб дарк мекард. Ӯ ҳамин рисолати маънавии худро дар давоми зиндагӣ самимона нисори мардум намуда, танҳо барои мардум шеър сурудааст:

Гул саҳар лаб во кунад аз хандаҳои офтоб,
Мекушояд сафҳаҳои фикри одамро китоб.

Рӯзгори одамӣ пур аз фарозу шебҳост,
То ба баҳре рӯд резад, ҳаст дар ранҷу азоб.

Матлаи ғазал бо ҳамон содагӣ ва покиву меҳрубонӣ, ки инсон ба он ҳамеша ниёз дорад, шурӯъ мешавад. Хонанда дар фазои пур аз рангҳо, зиндагии саршор аз зебоиро, ки дар хандаҳои офтоби саҳар тасвир шудааст, мебинад. Тасвири шукуфтани гули саҳар дар хандаҳои офтоб мутобиқ ба фазои зиндагии шоир аст ва ӯ ин манзараро на танҳо дида, балки дар он зиндагӣ карда ва ҳамин зиндагиро хубу зебо дар ғазал ба наққошӣ гирифтааст.
Устод Ашӯр Сафар ба ҳақ худ мисли борони баҳор нарму меҳрубон бо мардум канор меомад. Шодиҳои худро бо онҳо тақсим мекард, аммо дарду ғам ва андуҳи худро аз дӯстону пайвандон пинҳон медошт, зеро дӯст намедошт мардумро озурда ва ғамнок бубинад. Вожаи дигаре, ки ба номи китоб, ба фазои шеър ва зиндагии устод бисёр мувофиқ аст, ҳидоят мебошад. Ӯ ҳамеша бо ҳамин калима зиндагӣ кардааст ва бо ин калима шеъри худро сурудааст:

Чӣ ғам, вақте ки дил бар дил қарин аст,
Вафои ин ба ону он ба ин аст.

Нахандад духтари ҳамсоя аз ғам,
Даме ҳамсояаш зору ҳазин аст.

Дар шеърҳои ин суханвар дӯстиву ростӣ, муҳаббат, озодиву озодагӣ бештар аз ҳар мавзӯи дигар тасвиру тавсиф шудааст. Ӯ бо истифода аз ин калимаҳои пурмоя шеърҳои худро ҳусн ва қурб додааст. Барои ӯ ҳар калима чун миное мебошад, ки дар он бодаи андешаи худро рехта ва бетардид соғари андешааш аз бодаи маърифат оганда ва дили хонандаи худро метавонад ба ҷӯш биёварад.
Яке аз мавзӯъҳо, ки дар осори шоир мақоми махсус дорад, мавзӯи сулҳ мебошад, ки ӯ вуҷудашро ба он таслим кардааст ва ҳастии миллатро танҳо дар он медонад. Аз нигоҳи шоир, агар сулҳ пойдор бошад, зиндагӣ, муҳаббат, маърифат ва миллат низ пойдор хоҳад буд.

Ҷомаи сулҳ ба тан омадаӣ,
Ба даҳан қанди сухан омадаӣ.

Ба замин не, ба ҳаво не, ба куҷо
Сар - сари дидаи ман омадаӣ…

Ба ақидаи ӯ ҳар яке аз мо, агар шамъе аз муҳаббат ва сулҳ барои Ватан равшан кунад, ин Ватан бештар шукӯҳ ва шаҳомат мегирад.

То шамъ насӯзад, нашавад гӯшае равшан,
Сар хам накунад шоха, дар он гар самаре нест…
    
Устод Ашӯр Сафар ин гуна шеър замзама мекард, рисолати шеър ва шоириро чун  дар пеши миллат ва Ватан ба хубӣ эҳсос мекард.
                   
Муҳаммадалии АҶАМӢ


Баёни ақида (0)    Санаи нашр: 23.12.2015    №: 255    Мутолиа карданд: 657

22.02.2019


Ҷаласаи Комиссияи сетарафаи танзими муносибатҳои иҷтимоию меҳнатӣ

Забони тоҷикӣ таърихи зиёда аз чорҳазорсолаи хату алифбо дорад

ББТ барои фаъолияти оператори низоми пардохтии “Осон” иҷозатнома гирифт

МАВСИМИ НАВИ ЛИГАИ ОЛӢ МОҲИ АПРЕЛ ОҒОЗ МЕГАРДАД

Путин самтҳои асосии сиёсати хориҷии Россияро тавзеҳ дод

Хадамоти вижаи 7 кишвари ИДМ машқи "Арарат-Антитеррор" мегузаронанд

Чин дар кайҳон неругоҳи барқи офтобӣ месозад

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид


Дар сомонаҳои дигари Тоҷикистон хонед