logo

фарҳанг

КАШФИ ГАНҶҲОИ НУҲУФТА КАШФИ ТАЪРИХИ МИЛЛАТ АСТ

Соли ҷорӣ ба шаш адад ёдгории таърихӣ иҷозатнома барои анҷом додани корҳои ҳафриётӣ дода шуд. Яке аз ёдгориҳои нодири таърихӣ дар ноҳияи Ховалинг ҷойгир мебошад, ки дар он давоми чор сол корҳои кофтукови бостоншиносӣ ҷараён дорад.

Бостоншиносони Академияи илмҳо дар яке аз мавзеъҳои ноҳияи Данғара 72 зарфи сафолӣ пайдо намуданд, ки ба асрҳои XIII  ва XI  пеш аз милод мансуб аст. Саидмурод Бобомуллоев, бостоншинос мегӯяд, ки бозёфтҳои нодир бо маҳорати баланди касбӣ сохта шуда,  қимати зиёд доранд. То ҳанӯз аз ягон мавзеи Хатлонзамин чунин бозёфт кашф нагардидааст. Шералӣ  Ҳоҷаев, сардори шуъбаи ҳифз ва истифодаи мероси фарҳангию таърихии Вазорати фарҳанг мегӯяд, ки дар ноҳияи Данғара Институти таърих, бостоншиносӣ ва мардумшиносии ба номи Аҳмади Дониши Академияи илмҳо ва бостоншиносони олмонӣ тарҳи иморатеро ёфтаанд, ки таърихи 5 - ҳазорсола дорад. Ҷоми сангин, маъбади офтоб, расадхона ва дигар бозёфтҳои бостоншиносӣ солҳои охир кашф гардидаанд. Дар ошкор кардани маконҳои таърихӣ аҳолӣ ҳамкории хуб дорад. Ҳатто бо ёфтани одитарин зарф ё бино ҳатман ба муаррихон муроҷиат мекунанд. Солҳои қаблӣ баъзе аз мавзеъҳои бостонӣ ба қабристон, чарогоҳ ва киштзор табдил ёфта буданд. Имрӯз атрофи ин мавзеъ пӯшонда шудааст ва корҳои ҳафриётӣ идома дорад.
Бино ба иттилои  Вазорати фарҳанг то ба имрӯз 2020 феҳристи ёдгориҳои таърихӣ - бостонӣ ба қайд гирифта шудааст, ки хазинаи тиллоии миллатро ташкил медиҳад. Соли ҷорӣ дар деҳаи Қамбари шаҳри Турсунзода хумдони сафолпазии мутааллиқ ба асри X ва XI ба қайд гирифта шуд. Дар Ҷамоати деҳоти Пушёни ноҳияи Восеъ панҷ ёдгории таърихии меъморӣ ёфт гардид, ки ба асрҳои миёна тааллуқ доранд.
Масъуди Миршоҳӣ, роҳбари маркази фарҳангии Рӯдакӣ дар кишвари Фаронса, ки ба мавзеъҳои бостонии Тоҷикистон ва Осиёи Марказӣ алоқамандии зиёд дорад, мегӯяд, ки дар Тоҷикистон мавзеъҳои таърихии бостонии зери хок хобида зиёд аст ва онҳо ба тадқиқоти ҷиддӣ ниёз доранд. Мавзеъҳои таърихӣ шиносномаи ҳар як миллатанд.
Моҳи августи соли ҷорӣ кормандони Осорхонаи миллӣ дар ноҳияи Шаҳринав корҳои археологӣ анҷом дода, қубурҳои обгузари асримиёнагиро дарёфт намуданд.
Ҳифз ва таҷдиди ёдгориҳои таърихӣ яке аз самтҳои сиёсати фарҳангии Ҳукумат ба ҳисоб меравад. Бахусус, сол то сол ҷудо гардидани маблағ аз ҳисоби буҷети давлатӣ барои таъмиру ҳифзи мавзеъҳои таърихии кишвар далели ин гуфтаҳост. Ҳукумати кишвар дар муддати даҳ соли охир танҳо барои таъмиру таҷдиди ёдгориҳои таърихӣ  ҳудуди  3 миллиард сомонӣ равона карда, аксари осорхонаҳо, қасру марказҳои фарҳангӣ, қалъаву шаҳрҳои бостонӣ, мақбараҳои шахсиятҳои таърихиву ирфонӣ ва дигар мероси моддиву маънавӣ азнавсозӣ шуданд. Дар баробари ҳифзи мавзеъҳои таърихӣ,  ҳамзамон бояд ба наврасон муҳимияти мероси мазкурро омӯзонда, ба оянда ин ганҷро амонат гузорем. Зеро дар ҷаҳони имрӯз мавзеъҳои бостонӣ на танҳо таърихи миллат ва давлатҳоро муаррифӣ менамояд, балки ба манбаи даромад дар бахши сайёҳӣ ҳам табдил меёбанд.
 
C. ҲАРАМГУЛ,
«Ҷумҳурият»


Баёни ақида (0)    Санаи нашр: 23.12.2015    №: 255    Мутолиа карданд: 573

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд


Дар сомонаҳои дигари Тоҷикистон хонед