logo

ҳуқуқ

ПУРСИШУ ПОСУХ

Ба саволҳо Ғуфрон Бойматов, узви мушовараи адвокатҳои вилояти Суғд, Айналишо Айналишоев, муовини сардори   Раёсати адлияи ВМКБ ва Фарҳод Тоҳиров, адвокати Маслиҳатхонаи ҳуқуқии шаҳри Қӯрғонтеппа ҷавоб доданд.
 Зимнан, агар хонандагони гиромӣ пурсише доранд, метавонанд бо телефони 238 - 54 -16 ба мо муроҷиат намоянд.

- Дувоздаҳ сол пеш кӯдакеро ба фарзандӣ қабул кардам, ки айни замон  ба балоғат расидааст. Ӯ барои содир намудани ҷиноят ду маротиба бо ҳукми суд маҳкум гардида, айни замон муносибаташ бо ман он қадар хуб нест. Оё ҳуқуқи бекор кардани фарзандхондиро дорам?
Н. Ҷалилова,
сокини шаҳраки Сирдарё, шаҳри Қайроққум

- Мувофиқи моддаи 144 Кодекси оилаи Ҷумҳурии Тоҷикистон агар кӯдаки фарзандхондшуда то талаби бекор кардани фарзандхондӣ ба синни балоғат расида бошад, дар ин ҳолат бекор кардани фарзандхондӣ мумкин нест. Моддаи мазкур, ҳамзамон, ҳолатҳоеро пешбинӣ намудааст, ки маҳдудияти бекор кардани фарзандхондии кӯдаки ба балоғат расидаро истисно менамояд. Ин розигии байни шахси фарзандхондкарда ва кӯдаки фарзандхондшуда, инчунин розигии волидони кӯдак (агар онҳо аз ҳуқуқи падарию модарӣ маҳрум нагардида бошанд ва ё бо қарори суд ғайри қобили амал эътироф нашуда бошанд).
Дар сурати розӣ будани кӯдаки фарзандхондшуда ва волидонаш (агар онҳо дар қайди ҳаёт буда, аз ҳуқуқи падару модарӣ маҳрум нашуда бошанд) шумо метавонед оид ба бекор кардани фарзандхондӣ ба суд муроҷиат намоед.

 

- Шавҳари ман дар ягон ҷо кор намекунад. Вай  худашро ҳамеша  аз ман дур мегирад,  то  ки барои таъмини писарамон  пул  напурсам.  Оё имкони муқаррар намудани  маблағи  устувор, ки ҳар моҳ аз ҷониби шавҳарам пардохта шавад,  вуҷуд дорад?
Сайлона Хосабекова,
 сокини ноҳияи  Ишкошим

- Бале, чунин   имкон вуҷуд дорад. Тибқи моддаҳои 81 - 83 Кодекси оилаи  Ҷумҳурии Тоҷикистон аз падару модаре, ки ҳамроҳи фарзандашон зиндагӣ намекунанд ё ин ки зиндагӣ  мекунанд,  вале   дар   таъминоти моддии  кӯдакон  ҳисса намегузоранд, алимент талаб  карда мешавад.  Падар ва модар, новобаста аз он ки  даромади  мунтазам доранд ё не, уҳдадории таъмини  фарзанди худро  ба  зимма доранд. Барои ин бояд  ба суд  бо аризаи даъвогӣ муроҷиат кард. Суд андозаи алименти пардохтшавандаро бо маблағи  устувор , ки аз волидайн ҳар моҳ  барои таъмини кӯдак  ситонда мешавад, муайян менамояд.

 

- Вақтҳои охир дар бозори амволи ғайриманқул пешниҳоди харидани манзилҳои аз қарздорон мусодирашуда аз тарафи бонкҳо афзудааст. Оё чунин манзилҳо барои харидор мушкилот пеш намеоранд?
А. Олимов,
сокини шаҳри Қӯрғонтеппа

- Манзилҳои истиқоматие, ки бонкҳо ба фурӯш мегузоранд, дорои таърихи ҳуқуқии беиллатӣ мебошанд. Аммо, бо вуҷуди ин, навъҳои дигари таваккал ба вуҷуд меоянд. Масалан, ҳатто дар манзили истиқоматии тибқи тартиби судӣ мусодирашуда ва ё ситондашуда низ мумкин аст молики пешина ва ё шахсони сеюм (аз ҷумла, ноболиғон, нафақахӯрон ва ё маъюбон)  зиндагӣ дошта бошанд.  Дар ин ҳолат ба харидор лозим меояд, ки ба тариқи судӣ онҳоро аз қайд барорад (дар бисёр ҳолат бонк ин корҳоро ба зимма мегирад). Пас аз он, агар сокинон ихтиёран холӣ кардани манзилро рад намоянд, он гоҳ ҳалномаи суди иловагӣ дар бораи хонаи дигари истиқоматӣ надода кӯчондан бояд қабул шавад.
Тавре таҷриба нишон медиҳад, соҳибмулкони пештара бисёр вақт аз худашон дар намуди андоз, пардохтҳои бо қонун муайяншуда ва ҳаққи хизматрасониҳои коммуналии пардохтнагардидаро «мерос» мегузоранд. Ғайр аз ин, ҳолатҳое маълуманд, ки баъди фурӯхтани манзилҳои истиқоматӣ аз тарафи соҳибмулкони пештара ба ҷавобгарии бонкҳо талаботи даъвогӣ пешниҳод мегарданд ва баҳри таъмини даъвоҳо дархости ба ҳасб гузоштан ва манъ кардани гузарондани амалиёти бақайдгирӣ ва нотариалиро то моҳиятан ҳал шудани баҳс пешниҳод мекунанд. Аз ин хотир, зарур аст, ки дар вақти харидани чунин манзилҳои истиқоматӣ талаботи меъёри қонун оид ба додугирифти амволи харидашуда иҷро шуда, харидор бояд пас аз пардохти арзиши амвол моликиятро қабул намояд. Ин ба он хотир аст, ки вайроншавии ҳуқуқ ва амалҳое, ки ҳуқуқро вайрон мекунанд ё барои вайрон кардани он таҳдид менамоянд, пешгирӣ гарданд.

Шуъбаи ҳуқуқи рӯзномаи “Ҷумҳурият”


Баёни ақида (0)    Санаи нашр: 23.12.2015    №: 255    Мутолиа карданд: 678

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр


Дар сомонаҳои дигари Тоҷикистон хонед