logo

фарҳанг

КОМПОЗИТОР ШАРОФИДДИН САЙФИДДИНОВ ДАРГУЗАШТ

25 декабри соли ҷорӣ дар синни 86 - солагӣ қалби Ҳунарпешаи халқии Тоҷикистон, барандаи Ҷоизаи давлатии ба номи Абуабдуллоҳи Рӯдакӣ  Шарофиддин Сайфиддинов аз тапидан боз монд.

Ш. Сайфиддинов фаъолияти худро дар санъати мусиқӣ ҳамчун скрипканавоз оғоз намуда, пас аз хатми омӯзишгоҳи мусиқии шаҳри Душанбе дар Консерваторияи Москва ба номи П. И. Чайковский ва Консерваторияи давлатии Тошканд ба номи М. Ашрафӣ таҳсил кардааст. Ҳанӯз дар давраи донишҷӯияш квартети торӣ ва асари калонҳаҷми вокалӣ – симфонӣ  кантатаи «Шукуфон бош,  Тоҷикистон» - ро иншо намуда буд.
Ӯ аввалин композитори тоҷик аст, ки ба жанри мураккаби мусиқӣ – саҳнавӣ опера даст задааст. Нахустин операи тоҷикро Ш. Сайфиддинов дар асоси асари Раҳим Ҷалил «Пӯлод ва Гулрӯ» соли 1951 офарида буд. Мусиқишиноси шинохтаи шӯравӣ Е. Андреева ба опера баҳои баланд дода, дар маҷаллаи «Советская музыка» чунин нигоштааст: «Опера аз ҳаводиси пуршиддати драмавӣ ва мазмуни таъсирбахшу дилчаспи мусиқӣ саршор аст. Мусиқии опера аз нигоҳи тарҳу хусусият хеле халқӣ мебошад».  Сипас, композитор операҳои «Рӯдакӣ» (соли 1975) ва «Айнӣ» - ро (соли 1978) меофарад, ки ҳар кадоме дар таърихи санъати мусиқии тоҷик мақоми хоса доранд. Достони симфонии «Қишлоқи тиллоӣ» - и Ш. Сайфиддинов (с. 1962) аз нигоҳи забони оҳанг ва тобишҳои оркестрӣ барҷаста ва дар санъати мусиқии тоҷик асари нодир ҳисобида мешавад. Фаъолияти Ш. Сайфиддинов дар эҷоди суруд ва романсҳо хеле самарабахш арзёбӣ шудааст. Дар байни сурудҳои композитор «Республикаи ман» шуҳрати хоса касб намудааст. Устод Мирзо Турсунзода дар замони хеш ба ин суруд баҳои баланд дода, чунин гуфта буд: « Дар байни тамоми сурудҳое, ки ҷумҳурии мо ва пойтахти он шаҳри Душанберо васф менамоянд, аз суруди «Республикаи ман», ки ба Шарофиддин Сайфиддинов шуҳрату маъруфият овардааст, беҳтару ҷаззобтар ва зеботар нест». Маҳз барои эҷоди ҳамин суруд Ш. Сайфиддинов барандаи Ҷоизаи давлатии ба номи Абуабдуллоҳи Рӯдакӣ (1970) гардид.
Асарҳои солҳои охир офаридаи композитор равияи ватандӯстии ашъорашро идома доданд. Инҳо кантата барои сароянда, хор ва оркестр «Сомониёнем» (шеъри Нурмуҳаммад Ниёзӣ), «Ба Тоҷикистон», «Бо роҳи ишқ» ва «Қасидаи Ватан» барои сароянда оркестри симфонӣ (шеъри Озарахш) мебошанд.
Ш. Сайфиддинов барои намоишҳои театрӣ ва кинофилмҳо мусиқии зиёд офаридааст. Мусиқии дилчаспи ба филми «Зумрат» офаридаи композитор ба комёбии ин асар мусоидат намуд. Пйесаҳо барои фортепиано офаридаи Ш. Сайфиддинов ба барномаи таълимии муассисаҳои таълимии мусиқии ҷумҳурӣ ворид карда шудаанд.
Ҳамчун профессори кафедраи инструментовка ва хониши партитураи Донишкадаи давлатии фарҳанг ва санъати ба номи М. Турсунзода  Шарофиддин Сайфиддинов дар тарбияи кадрҳои соҳа саҳми босазо гузоштааст.
Ёди неки ӯ дар дили дӯстон ва ҳаводорони ҳунараш ҳамеша боқӣ монда, оҳангҳои эҷодкардааш дар фазои Ватани азизаш танинандоз хоҳанд буд.            

 


Баёни ақида (0)    Санаи нашр: 29.12.2015    №: 258-259    Мутолиа карданд: 1841

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед