logo

сиёсат

ПЕШВОИ МИЛЛАТ ТАҚОЗОИ ТАЪРИХ АСТ

Мо, сокинони Вилояти Мухтори Кӯҳистони Бадахшон, бо камоли майл ва самимияти беандоза иқдоми вакилони Маҷлиси намояндагони Маҷлиси Олии мамлакат оид ба қабули Қонуни Ҷумҳурии Тоҷикистон “Дар бораи Асосгузори сулҳу ваҳдати миллӣ - Пешвои миллат” - ро ҷонибдорӣ намудем.

Агар аз рӯйи ҳақиқат ва мунсифона ба хидматҳои Эмомалӣ Раҳмон, Президенти Ҷумҳурии Тоҷикистон, баҳогузорӣ кунем, маълум аст, ки аз рӯзҳои аввали Сарвари давлат таъйин гаштанаш мақоми Пешвои миллатро дар миёни мардум касб карда буд. Пешвои миллат будани фарзанди фарзонаи миллати тоҷик, Ҷаноби Олӣ Эмомалӣ Раҳмон худ воқеияти таърихӣ ва талаботи замони муосир аст. Зеро сарсупурдагиву фидокории ин абармарди арсаи сиёсат барои халқу Ватан, истиқрори сулҳу ваҳдат дар таърих собиқа надорад.
Барқарор сохтани рукнҳои давлатдории миллӣ ва сохторҳои фалаҷгаштаи давлатӣ хиради воло ва ҷасорати бемислро мехост. Сарвари давлат дар кӯтоҳтарин вақту замон ниҳодҳои фалаҷгаштаи давлатиро аз нав эҳё намуда, сохти конститутсиониро барқарор сохт. Натиҷаи ҳамин хидматҳои беназир аст, ки имрӯз мардуми тоҷик дар фазои сулҳу ваҳдати комил зиндагии оромона доранд.
Дар ин радиф мо - сокинони Вилояти Мухтори Кӯҳистони Бадахшон низ ҳамеша даст ба дуо дорем, ки давлати тоҷикон пояндаву устувор бошад. Маҳз ба шарофати сиёсати дурандешона ва хиради волои ин фарди кабир роҳ ба сӯи вилояти мо барои ҳамеша боз гашт ва он аз бунбасти коммуникатсионӣ баромад. Ҳатто давлати соҳибқудрати Иттиҳоди Шӯравӣ бо тамоми захираю имкониятҳояш натавонист ин мушкилотро аз миён бардорад. Имрӯз шабу рӯз равуои мошинҳо дар ин роҳ ҷараён дорад. Дастрасии  васеъ пайдо  намудани мардуми  вилоят ба тамошои барномаҳои телевизионӣ, ки дар замони  шӯравӣ ғайриимкон маънидод мешуд,  низ меваи даврони Истиқлолияти давлатӣ ва файзи сиёсати бунёдгарои Эмомалӣ Раҳмон аст.
Ҳарчанд дар  солҳои душвори навадуми асри гузашта вазъ дар дигар минтақаҳои  кишвар  нисбатан ба эътидол омада бошад ҳам, ҳанӯз дар Бадахшон авзоъ хеле ҳассос буд ва дар чунин шароит касе ҷуръат намекард, ки ба вилоят сафар кунад. Пешвои миллат Эмомалӣ Раҳмон бо вуҷуди хавфу хатари ҷиддӣ ба сафари Вилояти Мухтори Кӯҳистони Бадахшон иқдом намуд. Бисёре аз силоҳбадастон назди  матонати Эмомалӣ Раҳмон - ин  сарсупурдаи миллат силоҳашонро  ба  замин  гузоштанд. Дарёфтанд, ки  ӯ  барои  манфиати  шахсиаш не, балки  барои  миллати  худ, кишвари  азизаш - Тоҷикистон  ҷоннисорӣ  дорад.
Сарвари давлат дар сафарҳои қаблии худ ба ин гӯшаи диёр гуфта буданд, ки «Бадахшон дарвозаи тиллоии Тоҷикистон хоҳад шуд». Дарвоқеъ, ҳоло  Бадахшон ба дарвозаи тиллоии Тоҷикистон мубаддал гашта истодааст, ки дар ин амр нақши Эмомалӣ Раҳмон мондагору таърихист.
Ҳамаи он дигаргуниҳои азимеро, ки ба шарофати сиёсати созандаю хирадмандонаи Пешвои миллат дар Бадахшон ба вуқӯъ омаданд,  ҳама бевосита бо чашми сар мушоҳида мекунанд. Агар ин ва дигар хизматҳои Президенти мамлакатро дар солҳои Истиқлолияти давлатӣ барои мардуми Бадахшон сарфи назар  намоем, фақат таваҷҷуҳ, лутфу марҳамат, дастгириву меҳрубониҳои падаронаи Сарвари  мамлакат  дар  рӯзҳои  душвортарин барои  ин  мардум- офатҳои табиӣ  басандаанд, ки  ӯро бо майли том ва самимона Пешвои  ҳақиқии худ  пазирем. Зеро, ба пиндори мо, Пешвои миллӣ як омили боз ҳам мустаҳкам намудани ваҳдат, сулҳу оромӣ ва истиқлолият аст. Ин як рамзи иттиҳод, ягонагии Тоҷикистон буда, халқро муттаҳид ва ҷомеаро ба сӯи рушду тараққиёт раҳнамун месозад.
Мо, сокинони  Вилояти  Мухтори  Кӯҳистони Бадахшон, ин рӯйдоди муҳими таърихӣ - расман эътироф гардидани Президенти Ҷумҳурии Тоҷикистон, муҳтарам Эмомалӣ Раҳмонро ба ҳайси Пешвои миллат бо эҳсоси баланди ватандорӣ пазируфта, ифтихор аз он дорем, ки таҳти сарварии чунин шахсияти нотакрор барои таъмини шукуфоии Ватани азиз - Тоҷикистони соҳибистиқлол талош меварзем.

Бо арзи эҳтиром ва самимият,
сокинони Вилояти Мухтори
Кӯҳистони Бадахшон


Баёни ақида (0)    Санаи нашр: 30.12.2015    №: 260    Мутолиа карданд: 532

23.04.2019


ДЗЮ – ДО. Медали нуқраи Темур Раҳимов аз Чемпионати Осиё

Тиб. Муваффақияти камназири ҷарроҳони рус

Пирӯзии Зеленский дар интихоботи Украина

Фоҷиа дар Шри-Ланка Теъдоди қурбониён ба 300 нафар расид

Лукашенко Россияро ҳомии истиқлолияти Беларус номид

Ёрии низомию техникии Қазоқистон ба Тоҷикистон

Ҷаҳон дар як сатр

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр


Дар сомонаҳои дигари Тоҷикистон хонед