logo

паёмҳо

Паёми табрикотии Эмомалӣ Раҳмон, Президенти Ҷумҳурии Тоҷикистон, ба муносибати фарорасии Соли нави мелодии 2016

Ҳамватанони азиз!
Баъди чанд лаҳза соли 2015-ум анҷом меёбад ва Соли нави мелодии 2016 фаро мерасад.
Ба ин муносибат ҳамаи мардуми шарифи Тоҷикистон ва кулли ҳамватанони бурунмарзиамонро самимона табрик гуфта, барои ҳар як фарди Ватан саломативу хушбахтӣ, рӯзгори орому осуда ва дастовардҳои нав ба нав орзу менамоям.
Дар соле, ки сипарӣ шуда истодааст, бо вуҷуди торафт мураккабу ҳассос гардидани вазъи сайёра ва таъсири манфии омилҳои буҳрони молиявию иқтисодии ҷаҳонӣ, аз баракати сулҳу суботи комил ва бо азму иродаи қавии халқи азизамон, заҳмати фарзандони бонангу номус ва ҳимматбаланди кишвари маҳбубамон мо ба як қатор дастовардҳои назаррас ноил шудем.
Ба шарофати азму талоши ватандӯстона ва заҳмати аҳлонаи мардуми шарифи кишвар дар саросари мамлакатамон раванди неки бунёдкорӣ бомаром идома пайдо карда, даҳҳо корхонаву коргоҳҳои нави истеҳсолӣ бунёд гардиданд ва ҳазорон нафар ҳамватанонамон соҳиби ҷойи кори доимӣ шуданд.
Дар натиҷаи заҳмати софдилонаи кишоварзони асилу меҳнатқарини мамлакат таъминоти аҳолӣ бо маҳсулоти ғизоии худӣ нисбат ба солҳои пешин хеле беҳтар гардид ва вазъи бозори истеъмолии кишвар муътадил нигоҳ дошта шуд.
Соли гузашта боз аз он ҷиҳат хотирмон буд, ки аввали моҳи март яке аз чорабиниҳои муҳими сиёсӣ, яъне интихоботи вакилон ба мақоми олии қонунгузори мамлакат - Маҷлиси Олӣ ва маҷлисҳои маҳаллии вакилони халқ дар фазои орому осуда баргузор гардид.
Дар ин маъракаи муҳими сиёсӣ мардуми шарифи кишвар фаъолона иштирок карда, бори дигар собит намуданд, ки роҳи пешгирифтаи халқи мо бебозгашт аст ва Тоҷикистони соҳибихтиёр дар масири бунёди давлати демократӣ ва ҳуқуқбунёду дунявӣ устуворона пеш меравад.
Бовар дорам, ки мардуми шарифи Тоҷикистон минбаъд низ ба хотири ояндаи дурахшону ободи кишвари маҳбубамон бо масъулияти дучанд кору фаъолият намуда, барои таъмин кардани рушду тараққиёти мамлакат ва таҳкими иқтидори иқтисодии он саъю талоши бештар хоҳанд кард.
Дар соле, ки сипарӣ мешавад, як қатор чорабиниҳои муҳими давлативу байналмилалӣ ва илмиву фарҳангӣ, аз ҷумла таҷлили 700 – солагии шоир ва мутафаккири барҷастаи тоҷику форс Мир Сайид Алии Ҳамадонӣ ва ҷашни 3000 - солагии Ҳисори бостонӣ баргузор шуданд.
Дар бахшҳои соҳибкориву сармоягузорӣ, соҳаҳои саноату кишоварзӣ, илму маориф, фарҳангу тандурустӣ ва дигар ҷанбаҳои ҳаёти ҷомеа ислоҳоту навсозиҳо идома пайдо карданд ва робитаву ҳамкориҳои мутақобилан судманди Тоҷикистон бо кишварҳои гуногуни олам тавсеа ёфтанд.
 Ҳукумати мамлакат дар давоми соли 2015 чун ҳамеша тамоми саъю талоши худро ба он равона намуд, ки барои зиндагии шоистаи сокинони мамлакат шароити мусоид фароҳам оварда шавад.
Аз ин рӯ, ҷиҳати ҳалли масъалаҳои иҷтимоӣ, аз ҷумла дастгирии табақаҳои ниёзманду осебпазири ҷомеа, ҷалби ҳарчи бештари наврасону ҷавонон ба таҳсилоти босифат, тарбияи онҳо дар рӯҳияи ватандӯстиву ватанпарварӣ ва ҳисси баланди миллӣ, инчунин бо ҷойи кор таъмин намудани сокинони мамлакат як силсила тадбирҳои мушаххас амалӣ карда шуданд.
Мо азми қавӣ дорем, ки ба хотири таъмин кардани зиндагии осудаи халқамон ва ояндаи неки фарзандонамон ин сиёсатро минбаъд низ идома диҳем.
Дар соли нави мелодӣ, ки чанд лаҳза баъд оғоз меёбад, дар ҳаёти сиёсиву иҷтимоии Тоҷикистони маҳбуби мо на танҳо татбиқи силсилаи барномаҳои муҳими давлатӣ шурӯъ мешаванд, балки чандин чорабиниҳои пураҳамияти сиёсиву фарҳангӣ, аз ҷумла 25 - солагии Истиқлолияти давлатии Ҷумҳурии Тоҷикистон, баргузор мегарданд, ки ҳар кадоми онҳо дар таърихи давлатдории халқамон саҳифаҳои навро боз хоҳанд намуд.
Вазъи ҷаҳони босуръат тағйирёбанда, хатару таҳдидҳои муосир, проблемаҳои экологӣ, аз ҷумла тағйирёбии иқлим, пайи ҳам такрор шудани офатҳои табиӣ ва амсоли инҳо ҳар яки моро водор месозанд, ки беш аз ҳар вақти дигар муттаҳиду сарҷамъ бошем ва ҳушёриву зиракии сиёсиро аз даст надиҳем.
Мо бояд бо ҳисси баланди ватандориву худшиносӣ сарзамини биҳиштосоямонро аз ҳар гуна хатарҳо ҳифз намуда, барои ҳимояи сулҳу оромӣ, суботи сиёсӣ, таҳкими ваҳдати миллӣ талош намоем ва Ватанамонро боз ҳам ободу зебо гардонем.
Ин лаҳзаҳо ман бо эътимоди комил изҳор медорам, ки мо бо дастгирии мардуми фарҳангпарвару ободгари Тоҷикистон минбаъд низ мушкилоти дар ҳаётамон мавҷударо ҳаллу фасл намуда, зиндагии шоиставу пурсаодати халқамонро таъмин месозем.
Итминон дорам, ки Соли нави мелодии 2016-ум барои боз ҳам мустаҳкам гардидани пояҳои Истиқлолияти давлатӣ, таҳкими давлатдории миллӣ, ваҳдат ва суботи ҷомеа, инчунин ободу зебо гардидани кишварамон нақши муассир хоҳад гузошт.
Бо ҳамин нияту орзуҳои нек бори дигар ҳамаи сокинони ҳимматбаланду заҳматпеша, саодатманду сарбаланди кишвар, инчунин кулли ҳамватанони бурунмарзиамонро бо фарорасии Соли нави мелодии 2016 самимона табрик гуфта, барои ҳар яки шумо хонаи обод, ризқи фаровон, рӯзгори пурнишот, файзу баракати зиндагӣ ва ба Тоҷикистони азизамон сулҳу оромӣ ва ободиву пешрафт орзумандам.
Соли нави мелодӣ муборак, ҳамватанони азиз!


Баёни ақида (0)    Санаи нашр: 1.01.2016    №: 1    Мутолиа карданд: 14812

22.07.2019


МЕЪМОРӢ ВА СОХТМОН. Қонуншиканиҳо ҳанӯз зиёданд

ТАҲСИЛОТИ САЛОҲИЯТНОК ТАТБИҚ МЕГАРДАД

ЗАМИН. Камбуди оби полизӣ мушкили ҳалталаб боқӣ мемонад

Гилерми: «Тоҷикон соҳиби кишвари афсонавианд»

Швейтсария дар Тоҷикистон бонк мекушояд

Ҷаҳон дар як сатр

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад


Дар сомонаҳои дигари Тоҷикистон хонед