logo

сиёсат

ТЕРРОРИЗМ. АЗ МУБОРИЗА ТО МАНФИАТИ ҚУДРАТҲО

Хатари терроризму экстремизм ва мубориза алайҳи он ҳамоно аз мавзӯъҳои пурбаҳс дар ҷомеа аст. Дар ин робита, беш аз дигар ҳаракатҳои ифротӣ, амалҳои даҳшатафкании гурӯҳи террористии ба ном «Давлати исломӣ»  боиси нигаронии аҳли башар гардидааст. Бахусус, ҳаводиси хунини Париж, суқути ҳавопаймои мусофирбари A 321-и Русия дар нимҷазираи Синайи Миср, ки соли 2015 аз ҷониби ин гурӯҳи харобкор  анҷом  ёфт, чеҳраи аслии терроризмро бори дигар нишон дода, ҷомеаи ҷаҳонро дар мубориза бо ин вабои аср таҳрик бахшиданд.

Коршиносону таҳлилгарони тоҷик дар конфронси илмӣ-амалие таҳти унвони «Терроризм ва ифротгароӣ ҳамчун вабои аср ва роҳҳои пешигирии он», ки бо ташаббуси Ташкилоти ҷамъиятии байналмилалии фонди «Диалоги АвруОсиё» дар шаҳри Душанбе баргузор шуд, ин мавзӯъро мавриди баҳсу баррасӣ қарор доданд.
Дар ҳамоиш Хайринисо Юсуфӣ, муовини раиси Маҷлиси намояндагони Маҷлиси Олии Ҷумҳурии Тоҷикистон, бо нигоҳе ба вазъи печидаи ҷаҳони муосир изҳор дошт, ки бояд ба падидаҳое аз қабили терроризму экстремизм, ки суботи кишварҳоро халалдор намуда, ба ҳаёти башарият таҳдид менамоянд, таваҷҷуҳи бештар зоҳир гардида,  алайҳи онҳо тадбирҳои муассир андешида шаванд. Ӯ гуфт, ки «Сиёсати давлатии мо, дар муқовимат бо терроризм ва экстремизм мушаххас аст ва дар ин замина корҳои судбахш анҷом шудаанд. Пешвои миллат, Президенти Ҷумҳурии Тоҷикистон Эмомалӣ Раҳмон борҳо дар суханрониҳои худ, аз минбарҳои созмонҳои бонуфузи байналмилалӣ таъкид намудаанд, ки миллати тоҷик аз ибтидо дар тохту този таърих мавқеи размовар надошт ва пайваста бо истилоҳоти наҳсе, мисли терроризм ва экстремизм муқовимати шадид мекард».
Айни замон барои мубориза бо терроризм, ки дар меҳвари он «Давлати исломӣ» қарор дорад, эътилофҳои алоҳидаи байналмилалӣ вориди мубориза шуданд. Аз ҷумла, эътилофи таҳти раҳбарии Амрико бар зидди «Давлати исломӣ» дер боз вориди ҷанг аст, вале то кунун натиҷаҳои дилхоҳ ҳосил нашудаанд. Дар ҳамин ҳол, таҳлилгарони умури низомӣ, бахусус, низомиёни баландпояи амрикоӣ эътироф мекунанд, ки амалиёти Русия зидди «Давлати исломӣ»-ро, ки бо дархости расмии Ҳукумати Сурия аз 30 сентябри соли 2015 шурӯъ шуд, муассиртар медонанд. Гуфта мешавад, ки зарбаҳои ҳавоии неруҳои низомии ин кишвар иқтидори «Давлати исломӣ»-ро заиф намудааст.
Аммо, Ғуломҷон Мирзоев, дотсенти кафедраи фанҳои гуманитарии Донишкадаи молия ва иқтисоди Тоҷикистон, ба ин назар аст, ки қудратҳои ҷаҳони муосир дар мубориза бо терроризм, дунболи манфиатҳои худ ҳастанд ва  агар манфиати қудратҳо дар мубориза бо «Давлати исломӣ» дар хоки Ироқу Сурия аз ҳам тафовут намедошт, кайҳо ин гурӯҳи террористӣ аз байн бурда мешуд. Ба қавли ин таҳлилгар, агар садҳо миллиард доллари амрикоӣ, ки барои ҷанг дар Афғонистон, Ироқ, Либия ва манотиқи дигари олам сарф шудаву сарф мешаванд, барои муборизаи ҳақиқӣ бар зидди терроризм ихтисос дода шаванд, дар рӯи замин аз он осоре намемонад.   
Хайринисо Юсуфӣ аз кӯшиши ба ислом рабт додани амалҳои террористӣ аз сӯи расонаҳои бархе кишварҳо ибрози нигаронӣ намуда, аз ҷумла зикр кард, «вақте амалҳои террористӣ анҷом мешаванд, мутаассифона, аксар вақт таваҷҷуҳ ба иҷрокунандаи онҳо ҷалб мешавад, неруҳои аслӣ, ки ин амалҳои террористиро тарҳрезӣ ва маблағгузорӣ кардаанд, пушти парда мемонанд».
Зимнан, масъалаи ҷалби ҷавонон ба сафи ҷунбишу ҳаракатҳои ифротӣ ва гурӯҳҳои террористӣ ба яке аз масъалаҳои доғи ҷомеа табдил шудааст. Дар ҳоле, ки яке аз сабабҳои асосии гаравидани ҷавонон ба онҳо надоштани маърифати ибтидоии динӣ гуфта мешавад. Сайфулло Сафаров, доктори илмҳои сиёсӣ, ба ин бовар аст, ки маҳз ватандӯстӣ метавонад, дар муқобили терроризм ва экстремизм ба қувваи муҳофизатии Ватану таърихи он ва рӯҳияи бешикасти миллат табдил ёбад. «Касе дар Тоҷикистон ватандӯст буд, ҳатто дар замони ҷанги дохилӣ худро роҳат эҳсос мекард. Касе ватандӯст нест ҳоло ҳам, ки тамоми шароит барои зиндагии фаъолона ва бунёдкорона муҳайё гаштааст, аз худ ва Ватан норозӣ буда, туъмаи осони террористону тундгароён аст». Аз ин рӯ, ба таъкиди Сайфулло Сафаров вобаста ба равандҳои ҷаҳонишавӣ, шиддат гирифтани муборизаҳои иттилоотӣ, ҳамчунин воридшавии мафкураи бегона ба зеҳни ҷомеа мо, бояд ба таблиғи масъалаҳои худшиносиву худогоҳӣ, ҳифзи арзишҳои миллии таърихиву фарҳангӣ, тавсеаи ҷаҳонбинии демокративу дунявӣ, пойдории ваҳдат ва суботи ҷомеа таваҷҷуҳи бештар зоҳир намоем.

Фирӯзи РАҲМОНИЁН,
«Ҷумҳурият»


Баёни ақида (0)    Санаи нашр: 6.01.2016    №: 3    Мутолиа карданд: 577

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид


Дар сомонаҳои дигари Тоҷикистон хонед