logo

сиёсат

ЭҲЁГАРИ ДАВЛАТДОРИИ МИЛЛӢ

Сазовор гардидани Президенти кишварамон муҳтарам Эмомалӣ Раҳмон ба мақоми арзандаи Пешвои миллат як амри таърихиест, ки он подоши хизматҳои бузурги ӯ ба миллат мебошад. Агар хизматҳои Эмомалӣ Раҳмонро бо шуҷоату истеъдоди сарвариаш зам намоем, пеш аз ҳама, қобилияти баланд ва касбияти сиёсии ӯ ҳамчун пешвои сиёсӣ пеши назар меояд, ки ин боиси дастгирӣ ва эҳтирому ифтихор аст.
Дар фаҳмиши илмҳои сиёсӣ пешвои миллат сарвари сиёсиест, ки роҳбарии ҳокимияти давлатӣ ба дӯшаш гузошта шудааст. Ҳамзамон, ин як намунае аз нуфузҳои иҷтимоӣ мебошад, ки дар он пешво ҳамкории мардумро барои пайдо намудани ҳадафҳои миллӣ тақозо менамояд. Рисолати пешвои миллат дар он аст, ки ӯ ҳамчун сарвари сиёсӣ барои пешрафту мутараққӣ гардидани миллати худ ҷонбозиҳо намояд ва аз тамоми имконияти мавҷуда истифода барад. Дар ҷомеаи дунявии ҳуқуқбунёд нисбат ба чунин мансабу унвону ҷойгоҳ андешаҳои гуногун пайдо мегарданд, ки шарҳу эзоҳи онҳо бештар ба маҳбубият ва арзанда будани шахсият вобастагӣ дорад. Дар ин росто, Президенти Ҷумҳурии Тоҷикистон - Эмомалӣ Раҳмон пешвои эътирофгашта, кафили сулҳу ваҳдати тоҷикон, эҳёгари саҳифаҳои азёдрафтаи таърихи миллат аст.
Президенти кишари мо аз зумраи чунин сарваронест, ки дар байни мардум эътибор, ҷасорат ва рӯҳи қавӣ доштанашро эътироф менамоянд.
Бузургии чунин шахсиятҳо бештар дар фаъолияти кориашон ҳувайдо мегардад. Барои мисол як вохӯрии Президенти кишвар, муҳтарам Эмомалӣ Раҳмонро дар Хосдеҳи Афғонистон пеши назар меорем, ки ин намунаи олии ҷасорат ва худгузаштагии як фарди тоҷик буд. Як нафаре, ки бо рӯҳи қавӣ дар масири соҳибистиқлолӣ мушкилии зиёдро ба дӯши худ гирифта, ҳамватанони моро аз ғурбат ба Ватан баргардонда тавонист. Аз ин лиҳоз, Эмомалӣ Раҳмон на танҳо Президенти эътирофшудаи халқ ва меъмори сулҳу ваҳдати тоҷикон, балки шахсиятест, ки дар ҳалли низоъҳои минтақавӣ ва пешниҳоди масъалаҳои байналмилалӣ дар ҷаҳон нақши махсус дорад.
Сарвари муаззами кишвар Эмомалӣ Раҳмон ҳамчун асосгузори сулҳ ва ваҳдат, пеш аз ҳама, қобилияти дурусти баҳо додани ҳолатҳои ғайричашмдошт ва ба таври фаврӣ андешидани чораҳои муассирро дорад. Пешвои сиёсие, ки мисли ӯ рӯҳи қавӣ ва ҷасорати миллӣ дошта бошад, ҳатто ҳузураш аллакай рӯҳияи мардуми ноошноро ҳам ба худ ҷазб мекунад. Қобилияти рӯҳи қавии сарвар, пеш аз ҳама, бовар доштани ӯ ба худ мебошад. Сарфи назар аз риштаи тахассус масъулияти сарварӣ ва ғайрату матонати шахсӣ муҷиби он мегарданд, ки роҳбар аз дигарон бофаҳмтару қавитар гашта, сифатҳои бештари сарвари хирадмандро дар бар мегирад.
Метавон гуфт, ки дарёфти асрори падидаи пешвои сиёсӣ ҷанбаҳои нуҳуфтаи зиёде дорад, ки аз қобилияти шахс, таълиму тарбия ва муҳити зиндагии инсон сарчашма мегирад. Дар асри XXI Пешвои сиёсӣ будан ба Президенти кишварамон Эмомалӣ Раҳмон боз як масъулияти наверо вогузор менамояд, ки бештар хусусияти геосиёсию геостратегиро дорост. Ҳамзамон, бо боварии комил гуфта метавонем, ки дар вазъияти пуртазоду зудтағйирёбандаи ҷаҳони имрӯза, интихоби муҳтарам Эмомалӣ Раҳмон ҳамчун асосгузори сулҳу ваҳдати миллӣ - Пешвои миллат барои мо зарурияти таърихию сиёсӣ дошта, барои таъмини амнияти кишвар ва ҳимояи манфиатҳои ҳаётан муҳим аҳамияти бузург дорад. Пешвои миллат будани Президенти кишварамон имрӯз имтиҳону ифтихор ва вазифаи таърихиест, ки барои ояндаи давлатдории миллӣ хеле муҳим аст.

 Абдураҳмон МАҲМАДОВ,
директори Институти фалсафа, сиёсатшиносӣ ва ҳуқуқи ба номи
А. Баҳоваддинови Академияи илмҳои Тоҷикистон, доктори илмҳои сиёсӣ,
профессор


Баёни ақида (0)    Санаи нашр: 7.01.2016    №: 4    Мутолиа карданд: 662

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад


Дар сомонаҳои дигари Тоҷикистон хонед