logo

сиёсат

ВАҚТ ДОВАРИ ҲАҚИҚИСТ

Ё ИСЛОМ НИЁЗ БА ҲИЗБ НАДОРАД
Тоҷикон дар арсаи таърих ҳамеша кӯшиш ба харҷ додаанду ҳанӯз ҳам омодаанд, ки кишварҳои ҳамзабону ҳамдини хешро дар масири дӯстӣ қарор бидиҳанд, то ба эътимоду бовар ва муҳаббату самимияти тарафайн халале ворид нашавад, вале, мутаассифона, гоҳе иқдомоте дониста ва ё иштибоҳан сурат мегирад, ки ҷонибҳоро бетараф гузошта наметавонад. Набояд фаромӯш сохт, ки тамоми робитаҳои дӯстонаи устувору ташаккулёфтаи кишвари соҳибистиқлоли мо бо кишвари ҳамзабонамон Ҷумҳурии  Исломии Эрон дар заминаи таърихии ҳамон анъанаҳои неки ниёгонамон барқарор шудааст.
Вале ҳамкорӣ намудани тарафҳо бо ашхосу аҳзобе, ки фаъолияташон аз ҷониби қонунгузории ин ё он ҷониб маҳкум шудааст, метавонад боиси эҷод гардидани нобоварӣ миёни ду давлати бо ҳам дӯст гардад.
Тоҷикистон - ҳамчун ҷумҳурии демокративу ҳуқуқбунёд ва дунявӣ, ба тамоми асноди меъёрии ҳуқуқӣ ва қонунгузории кишварҳое, ки бо онон иртиботи сиёсиву иқтисодӣ ва илмиву фарҳангӣ дорад, аз ҷумла Ҷумҳурии Исломии Эрон, эҳтиром қоил аст, пас, ҳамин гуна муносибатро низ аз онҳо интизор аст.   
Аз санаи 27 то 29 декабри соли гузашта дар шаҳри Теҳрони Ҷумҳурии Исломии Эрон 29 - умин Конфронси байналмилалии ваҳдати исломӣ таҳти унвони «Буҳронҳои кунунии ҷаҳони Ислом» ба кори худ шурӯъ кард, ки дар он намояндагони зиёда аз 50 кишвари олам ширкат варзиданд. Аз ҷумла, бо даъвати ҷониби баргузоркунандаи конфронс ва бар хилофи тасмими Ҳукумати Тоҷикистон оид ба мамнӯъ гардидани фаъолияти ҲНИТ дар қаламрави ин кишвар ва ҳамчун ҳизби террористӣ эълон шуданаш, собиқ раиси ин ҳизб М. Кабирӣ низ дар кори конфронс иштирок намуда, худро «дувумин ҳизби муҳим дар Тоҷикистон» донистааст.
Ҷумҳурии Исломии Эрон ин конфронси байналмилалии «ваҳдати исломӣ»-ро дар вазъияте доир намудааст, ки дар кори он ба ҷуз намояндагӣ аз аҳзобу ҷунбишҳо, созмонҳои умури динӣ, вазорату идораҳо, ҳайате аз намояндагони собиқ ҳизби расман мамнӯъшуда ва террористӣ эълонгардидаи ҲНИТ, ки ҷиноятҳои содирнамудаи аъзояш ба ҳамагон маълум асту раҳбари он дар ҷустуҷӯи пулиси байналмилалӣ ба ҳайси ошӯбгар қарор дорад, бе назардошти манфиатҳои ду кишвари ҳамзабону бо ҳам дӯст, иштироку суханронӣ намуда, ҳамчунин дар ҳошияи конфронси мазкур бо иддае аз раҳбарони ҷаҳони Ислом дидору гуфтугӯҳо анҷом додааст.
Оё ширкати аҳзобу ҷунбишҳо ва созмонҳое, ки хусусияти ифротигароиву террористӣ доранд, дар чунин конфронсҳои сатҳи байналмилалӣ равобити дуҷонибаи кишварҳои ба ҳам дӯстро зери суол намебарад?
Агар ҳадаф аз баргузории конфронс танҳо ваҳдати исломӣ бошад, пас, даъвату дидорбинӣ ва гуфтугӯҳо бо аҳзобу ҷараёнҳо ва ҷунбишҳои ғайрирасмиву ғайриқонунӣ ба кадом мақсад аст?
Дар замони муосир муассисони аҳзобу ҷараёнҳои ба ном исломӣ комилан бо номи дину диндорӣ аз минбарҳо баромад намуда, худро ворисони ҳақиқии дини мубини Ислом мепиндоранд ва даъво мекунанд, ки аҳли дину диёнат буда, ҷуз онҳо касе вориси аслӣ намебошад. Онҳо мардумро бо таълимоти авомфиребона, шиорҳои зоҳирфиреб, ҳиллаву макри ошкору пинҳон, ваъдаҳои пуч дарунхолӣ саргарм намуда, дини мубини Исломро ҷомаи сиёсӣ пӯшонидан мехоҳанд.
Ба ҳамагон маълум аст, ки дар дини Ислом ҳизб вуҷуд надорад ва таъсисдиҳандаи он рӯзи Қиёмат дар назди Худованд пурсида мешавад. Худованд роҳи росту мустақими диндориро ба бандагонаш муайян карда, мефармояд: «Ва ин роҳи рости Ман аст, пас, онро пайравӣ кунед ва роҳҳои дигарро пайравӣ макунед, ки шуморо аз роҳи Худо ҷудо кунад. Ин аст он чи Худо шуморо ба он ҳукм фармудааст, то шояд, ки шумо парҳезгорӣ кунед»  (Сураи «Анъом», ояти 153).
 Ҳизбу ҳаракатҳои исломӣ роҳу равиши дурусти барномаҳои худро доранд, ки метавонанд боиси тафриқа ва аз роҳи Худо ҷудо кардани мусалмонон гарданд.
Агар шахсе дар методи корбурди Ислом навоварӣ намуда, Исломи бузургро бо таъсиси ҳизбу ҷараёнҳои динӣ ҷомаи сиёсӣ пӯшонад, яқин аз таълимоти ноби исломӣ хориҷ ва амалаш дар назди Паёмбар (с) мардуд радшуда мебошад. Ҳамчуноне ки Паёмбар (с) мефармояд: «Шахсе, ки дар шариати мо навоварӣ мекунад ва он чизеро, ки аз шариати мо нест, ба шариати мо ворид месозад, он чиз мардуд аст».
Яъне дин ва таълимоти динӣ аз ҷониби Худо ва Паёмбар (с) комил шудааст ва ҳама гуна илова ва изофаҳо мардуд мебошанд. Аз ҷумла, таъсис додани ҳизбу ҳаракатҳо ва ҷамоату тоифаҳои динӣ навоварӣ мебошанд, зеро Паёмбари Ислом (с) онро таъсис надоданд ва арзи вуҷуд доштанашонро ҳам тавсия накарданд, балки аз таъсису шомил гардидан ба онҳо ва тафриқаву парокандагӣ мардумро ҳушдор доданд.      
Қуртубӣ дар тафсираш роҷеъ ба лафзи гурӯҳ-гурӯҳ мегӯяд: «ба фирқаву аҳзоб тақсим шуданд». Инчунин Худованд мефармояд: «Аз онон, ки дини худро пароканда сохтанд ва гурӯҳ-гурӯҳ шуданд; ҳар гурӯҳ ба он чи назди ӯст, хурсанд аст» (Сураи «Рум», ояти 32).
Имрӯз хоҷагони хориҷӣ ҳаргиз намехоҳанд, ки Тоҷикистон кишвари озоду ҳуқуқбунёд бошад ва аз дунявияти он меҳаросанд, зеро ягона маҳаки ташвишдиҳӣ ва барҳам задани низоми давлатдории кишварҳои исломӣ ва мусалмоннишин, ё бо дину диндорӣ (масоҷиду ҷамъомадҳо) ва ё ин ки бо унсурҳои милливу қавмият сурат мегирад. Бозӣ кардан бо эҳсосоти миллӣ ва динӣ, анъанаи қадимаи хоҷагони хориҷӣ мебошад. Яъне маҳз ба торҳои ҳассоси миллӣ ва эътиқодии миллатҳо чанг задан бо шиори деринаи «Тафриқа андозу сиёсат кун!» ин хислати қадима ва ҳамешапойдори онҳост.
Мусалмонон бояд дар омӯзишу фаҳм ва дарку ташхиси моҳиятҳо неруи зеҳнии худро масраф кунанд. Кишварҳои мусалмононро зарур аст, ки барои иҷтиноб намудан аз бархӯрди ин гуна ҳиллагарон, дар масири зиндагӣ ва дар ҷодаи дин хеле эҳтиёт карда, роҳи тамаддунмеҳвариро пеша кунанд. Тамаддуни миллати мо аз арзишҳои инсонсози дини мубини Ислом берун нест. Дар тамоми минбару масоҷиди кишвар ҳарами манофеи миллӣ риоя ва қадр карда мешавад.
Вақт довари ҳақиқист, ки бо гузашти он, нақшаву ҳадафҳо новобаста аз мусбат ва ё манфӣ буданашон ошкор гардида, аз ҷониби Худованд ҳам дар ин дунё ва ҳам дар охират подош дода мешавад.  

Раёсат ва ҳайати устодону
кормандони ДИТ ба номи
Имоми Аъзам - Абуҳанифа


Баёни ақида (0)    Санаи нашр: 8.01.2016    №: 5    Мутолиа карданд: 676

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед