logo

сиёсат

ҲАҚИҚАТИ ТАЪРИХӢ ВА ҲИКМАТИ ВАТАНДОРӢ

Таърихи башарият дар паҳнои густардаи хеш шахсиятҳои тобнокеро, ки ба нафъи ҷомеа хидматҳои бунёдӣ кардаву ба сурати табиӣ соҳиби нуфузу эътибор гардидаанд, ҳамеша дар ёд дорад. Ва таҷрибаи инсонӣ нишон медиҳад, ки нуфузи фаромиллии як шахсияти сиёсӣ ё арбоби илму ҳунар дар шинохти давлату миллат, фарҳангу тамаддуни халқаш аз сӯи аҳли башар таъсиргузор аст.

Таҷрибаи зиндагӣ ва кору пайкори чунин фарзандони соҳибноми Ватан, ки фарогири ҳазорон қиссаву достон ва ёдномаву хотираҳост, ҳамчун саҳифаи сабақомӯзу ибратбахш барои наслҳои имрӯзу оянда хоҳад  буд. Фарзанди шарафманди миллати тоҷик, Президенти Ҷумҳурии Тоҷикистон Эмомалӣ Раҳмон аз зумраи ҳамин гуна шахсиятҳои беназири сиёсӣ мебошад, ки дар бунёдгузории таърихи навини  миллати мо дар замони Истиқлолияти давлатӣ  нақши ногусастанӣ дорад. Аз ин рӯ, дар робита ба хидматҳои бунёдии Президенти маҳбуби мо Эмомалӣ Раҳмон қабули Қонуни Ҷумҳурии Тоҷикистон “Дар бораи Асосгузори сулҳу ваҳдати миллӣ - Пешвои миллат”, ки бо иродаи халқ аз ҷониби Маҷлиси намояндагон қабул ва аз сӯи аъзои Маҷлиси миллии Маҷлиси Олӣ якдилона ҷонибдорӣ шуд, воқеан ҳақиқати таърихӣ ва ҳикмати ватандорист. Зеро дар низомҳои гуногуни сиёсиву ҳуқуқӣ борҳо ин амр санҷида шуда, он барои бедории миллӣ ва рушди давлатдорӣ таъсири бевосита дорад.
Чунонки борҳо таъкид шуд, дар шароити ҳассоси ҷаҳони имрӯз доштани пешвои сиёсӣ барои миллати тоҷик, ҳамчун рамзи иттиҳоди халқ аҳамияти вижаи таърихӣ дорад. Ин аст, ки барои бозкушоии чунин як саҳифаи тозаи таърихи давлатдорӣ, пеш аз ҳама, мардуми қадршиноси тоҷик иқдом кард ва баъдан он аз ҷониби вакилони халқ ба расмияти таърихӣ дароварда шуд. Албатта, далели ин иқдомҳо дар мавриди қабули қонуни мазкур фаъолияти содиқонаю созандаи Сарвари давлат Эмомалӣ Раҳмон дар роҳи расидан ба сулҳу субот ва бунёди давлату эҳёи фарҳанги миллат аст.
Маҳз ҳамин сиёсатмадори тавоно тавонист, ки ҷанги шаҳрвандиро дар  Тоҷикистони соҳибистиқлол бо талошҳои пайгиронааш хотима бахшида, ба мардуми олам собит созад, ки миллати тоҷик собиқаи тӯлонии хирадпешагӣ, оштипазирӣ, таҳаммулгароиву сулҳовариро дорост. Ҳақиқати бебаҳс аст, ки дар ҳамин даврони тақдирсоз ба сари қудрат омадани Эмомалӣ Раҳмон хости Худованд буд, зеро маҳз ин сиёсатмадори пурҷасорат бори гарони он рӯзҳои барои миллат душворро ба дӯш гирифта, барои расидан ба сулҳу субот иршодгари воқеӣ шуд. Дар баробари роҳандозиву пойдор намудани сулҳу осоиштагӣ ва ҳифзи якпорчагии сарзамини аҷдодӣ Сарвари давлат зуҳуроти номатлуби ҷудоиандозӣ ва маҳалгароиро барҳам зада, худшиносиву созандагиро ҳамчун омили пойдории давлату миллат таҳким бахшид.
Таъмини сулҳу ваҳдати воқеӣ, ки ҳосили талошҳои созандаи Президенти мамлакат аст, ба оғози бунёдкориву созандагӣ ва рушди давра ба давраи иқтисоди миллӣ шароит фароҳам овард. Бо бунёди иншооти бузургу чашмгир дар пойтахти мамлакат- шаҳри Душанбе ва дигар шаҳру ноҳияҳои кишвар, сохтмони роҳҳои мошингарду оҳан, пулу нақбҳои ҷавобгӯ ба талаботи муосир Тоҷикистони азизро дар чашми хориҷиён чун кишвари рӯ ба тараққӣ ҷилвагар намуд. Гузашта аз ин, нуфузи бештар касб кардани Тоҷикистон ҳамчун кишвари соҳибистиқлол дар мамолики олам ба ташаббусҳои ҷаҳонии Эмомалӣ Раҳмон робитаи мустақим дорад. Зеро даъватҳои Президенти Ҷумҳурии Тоҷикистон ҷиҳати муборизаи муштараку қотеъона алайҳи терроризму экстермизм, гардиши ғайриқонунии маводи мухаддир, гармшавии иқлим, ҳамкорӣ дар соҳаи об мавриди таваҷҷуҳи ҷомеаи ҷаҳон ва сиёсатмадорону коршиносон қарор дошт.
Шинохти дурусти талошҳои Перзиденти мамлакат дар эъмори ҷомеаи солим, истеҳкоми пояҳои давлатдорӣ, низоми сиёсиву ҳуқуқӣ ва ҷойгоҳи муътабари ӯ дар миёни халқ моро дар ростои ин андеша қарор медиҳад, ки воқеан ҳам Пешвои миллӣ будани Эмомалӣ Раҳмон як воқеияти таърихӣ ва дарси ватандорист.

Абдулфаттоҳ РАҲИМОВ,
муовини ректори Донишгоҳи
давлатии Хуҷанд ба номи
академик Бобоҷон Ғафуров


Баёни ақида (0)    Санаи нашр: 8.01.2016    №: 5    Мутолиа карданд: 558

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд


Дар сомонаҳои дигари Тоҷикистон хонед