logo

ҳуқуқ

СУҒД: БЕШ АЗ 700 ГЕКТАР ЗАМИНИ ТОРОҶШУДА БАРҚАРОР ГАШТ

Соли 2015 дар вилояти Суғд 206 қарори раисони шаҳру ноҳияҳо дар бораи тақсими замин бекор гардид, ки дар натиҷа беш аз 700 гектар қитъаи замини дар истифодаи ғайриқонунӣ қарордошта ба ҳолати аввала баргардонда шуд.

Ин матлаб дар ҷаласаи васеи ҳайати мушовараи прокуратураи вилояти Суғд, ки бо иштироки Раҳмон Юсуф Аҳмадзод, Прокурори генералии Ҷумҳурии Тоҷикистон, доир шуд, баён гардид. Дар он натиҷаи фаъолияти мақомоти прокуратураи вилоят дар соли 2015 мавриди баррасӣ қарор гирифта, ҳамзамон вазифаҳо барои соли 2016 муайян шуданд.
Ҳабибулло Воҳидов, прокурори вилоят, изҳор дошт, ки дар давраи ҳисоботӣ аз ҷониби кормандони мақомоти мазкур зиёда аз 1100 санҷиши прокурорӣ амалӣ гашта, баҳри бартарафсозии қонунвайронкуниҳо беш аз 1600 парвандаи ҷиноятӣ оғоз шудааст.
Зикр шуд, ки дар асоси санадҳои прокурорӣ 5565 нафар ба ҷавобгарии маъмурӣ, 2098 нафар интизомӣ, 849 нафар ба ҷавобгарии моддӣ маҳкум гардидаанд. Дар ҳамин ҳол, маблағи зарар ба андозаи 115,1 миллион сомонӣ, аз ҷумла 51,9 миллион сомонӣ ба буҷети давлатӣ, 26 миллион сомонӣ ба манфиати корхонаҳо барқарор гардид.
Дар ҷаласа ҳодисаҳои даст ба худкушӣ задани шаҳрвандон яке аз масъалаҳои доғи ҷомеа арзёбӣ шуд. Бо нигаронӣ ба ин масъала зикр шуд, ки дар соли 2015 нисбат ба 15 нафар шахси гунаҳкор парвандаҳои ҷиноятӣ оғоз гардида, аксари гунаҳгорон бо ҳукми суд ба ҷазои маҳрум сохтан аз озодӣ маҳкум гаштанд.
Дар робита ба ҷиноятҳои коррупсионӣ, аз ҷумла гирифтани пора, тасарруфи маблағҳои давлатӣ ва саркашӣ аз пардохти андоз 189 парвандаи ҷиноятӣ оғоз ва амалҳои ғайриқонунӣ дар ин самт мавриди тафтиш қарор гирифтанд. Ҳамзамон, дар ҷаласа ба зуҳуроти номатлубе чун терроризму экстремизм таваҷҷуҳ зоҳир гардида, иттилоъ дода шуд, ки аз ҷониби мақомоти прокуратура ва дигар мақомоти ҳифзи ҳуқуқи вилоят дар маҷмӯъ 345 ҷинояти хусусияти террористию экстремистӣ дошта ошкор шудааст.
Зимнан, Прокурори генералӣ аз кормандони мақомоти прокуратура тақозо кард, ки баҳри пешгирӣ ва ошкор намудани ҷиноятҳои экстремистию террористӣ, гардиши ғайриқонунии маводи мухаддир, савдои одамон ва ҷиноятҳои коррупсионӣ, бахусус, гирифтани пора таваҷҷуҳи махсус зоҳир намуда, дар ҳамоҳангӣ бо дигар мақомоти ҳифзи ҳуқуқ ҳамкориҳои судманд ба роҳ монанд. Раҳмон Юсуф Аҳмадзод таъкид кард, ки арзу шикоят ва муроҷиати шаҳрвандон низ дар меҳвари таваҷҷуҳ қарор дода шуда, ҷиҳати барқарор намудани ҳуқуқу манфиатҳои поймолшудаи онҳо чораҳои қатъии қонунӣ андешида шаванд.

Ҷовиди АШТӢ,
«Ҷумҳурият»


Баёни ақида (0)    Санаи нашр: 9.01.2016    №: 6    Мутолиа карданд: 386

25.09.2018


Тавсеаи равобити байнипарлумонии Тоҷикистону Корея

Баргузории ҷамъомад оид ба пешгирии ҷинояткорӣ

Анҷоми марҳилаи якуми амалиёти «Кӯкнор-2018»

Гутерриш ба муборизаи фаъолтар алайҳи маводи мухаддир даъват сохт

Теъдоди қурбониёни садамаи киштӣ дар Танзания ба 225 нафар расид

Сеул барои дучандсозии теъдоди сайёҳон $640 миллион харҷ карданист

Фаронса қатораи дуошёнаи тезгард месозад

Ҷаҳон дар як сатр

Ҷом насиби кӣ мешавад?

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД


Дар сомонаҳои дигари Тоҷикистон хонед