logo

фарҳанг

РОМИШГАР

Ҳунари устои ромишгар Бегаҳмад аз доираи зодгоҳаш -  деҳаи Ёли ноҳияи Шӯрообод берун шуда, ба атрофу акноф паҳн гардидааст ва ӯро чун як ромишгари мумтоз ҳама мардуми ноҳия ва берун аз он медонанду мешиносанд.

Бояд гуфт, ки маҳбубияти мардум ба Бегаҳмад аз чанд ҷониб аст. Аввал ин ки ӯ навозандаи моҳир аст, дигар ин ки ӯ худ устои думбратарош аст. Воқеан, чунин ҳунармандон хеле ангуштшуморанд. Усто Бегаҳмад аз зумраи ҳамин гуна ҳунармандонест,  ки  дар офаридани асбобҳои мусиқии халқӣ чира гардидааст. Вале ҳунари ӯ аз ҳама бештар дар офаридани думбра сайқал ёфтааст. Маҳз думбра ӯро чун усто хеле машҳур гардондааст. Агар гӯем,  ки  ҳама сокинони ҷумҳурӣ аз садои думбраҳои усто Бегаҳмад бархӯрдоранд, ҳеҷ муболиғае нахоҳем кард. Зеро ҳамагон оҳангҳои ҷаззобу марғуби думбранавози мумтоз Рустами Абдураҳимро дар хотир доранд. Думбраҳои ин ромишгари бемисл маҳз маҳсули ҳунари дастони ин устоянд. Акнун бояд рӯшан шуда бошад, ки  ба хотири оҳангҳое,  ки аз думбраҳои сохтаи усто Бегаҳмад  берун гаштаанд, чӣ қадар касон кафкӯбиҳо кардаанд. Ҳарчанд ин кафкӯбиҳо на барои  думбра ва думбратарош, балки барои думбранавоз буданд, аммо дар ин муваффақиятҳо саҳми думбратарош низ кам набуд. Маҳз думбраҳои усто Бегаҳмадро баргузидани ромишгари нотакрор Рустами Абдураҳим бесабаб набуд.
Воқеан, ҳунари ромишгарии усто Бегаҳмад ба ҳунари думбратарошияш як таносуби ногусастание дорад. Ин ду ҳунарро ӯ бо ҳам тавъам намуда, басо нозукона истифода  мебарад. Шояд ҳама ҳунари ӯ маҳз дар ин ду фазилати волояш ниҳон бошад.
Бисёрҳо шудааст, ки усто аз думбратарошӣ монда мешавад ва маҳз дар ҳамин лаҳзаҳо думбраро ба даст мегирад ва ба навозиши оҳанги марғубе мепардозад. Чун аз ин амал комгор мешавад, боз рӯй ба коргоҳ меорад ва ҳунари хешро идома мебахшад. Гоҳи дигар, акси ин мешавад. Муддати мадиде дар маъракаҳо думбранавозӣ мекунаду боз рӯй ба коргоҳ меорад то думбрае офарад.
Инсон хостаҳояшро аз тариқи кору амал тавассути машғулияте сомон медиҳад, ки он муроди дили ӯст. Инчунин, ба ин васила даст ба эҷодгарӣ мезанад. Ин гуна ҳунармандонро ҳунарашон лоязолист. Вагарна аз думбра, ки худ чӯби хушк аст, бархостани ин қадар оҳангҳои марғубу дилошӯб аз куҷост? Оё як чӯби хушк бо доштани ду тор метавонад касро ин қадар мафтуну мутеъ ва сеҳру ҷоду намояд?
Усто Бегаҳмади Тагнобӣ каси одӣ нест. Ӯ дараҷа ва манзалати хоса дорад. Думбраҳои ӯро имрӯз дар бисёр хонаҳои мардуми кӯҳистони Шӯроободу Даштиҷум ва Муъминободу Кӯлоб пайдо кардан мумкин аст, ки ба рӯзгору зиндагии мардум зиннат мебахшанд. Қисмати дигаре аз ин думбраҳо бошанд, ба шаҳрҳои калону ҷойҳои дур  рафтаанду овозаи ҳунармандии усторо ба дуриҳои дур  бурдаанд.
Алихон ЗАРИФӢ


Баёни ақида (0)    Санаи нашр: 12.01.2016    №: 7    Мутолиа карданд: 462

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй


Дар сомонаҳои дигари Тоҷикистон хонед