logo

фарҳанг

ДАРУ ДАРВОЗАИ «НАВ» - И НУР ТАБАРОВ

«Вақти хеле зиёд ба кор омад, то ӯ вориди гулбоғи адабиёт ва билхоса, драматургия шаваду он ҷо муқимӣ гардад, - менигорад Ғулом Ҳайдар дар бораи дӯсташ Нур Табаров. – Вагарна чандин дафъа аз нависандагони корозмуд шунидаам, ки мегуфтанд: ин кас қалами бурро ва махсусан тасвирҳои зебо доранд, кай ба навиштани чизҳои гаронҳаҷму гаронвазн мепардохта бошад? Ба ин оҳанг хеле дақиқ баромад пешгӯии хушгуфторонаи устод Мутеулло Наҷмиддинов нисбат ба ин дастниҳолаш:
- Нури мо дару дарвозае мепӯяд, то ба мардум рӯшании бештаре дода бошад, чунон ки «Дарёи ман маҷро».
Он замон ин мазмун боиси хушҳолию хандаи аҳли нишасти хоса гардида буд, ҳоло он дар зеҳни ман чун як дуои хайри устоде нисбат ба шогирд ҷилва медиҳад. Ва рӯзгор ин пешгӯиро собит кард».
Нур Табаров тавассути театр ва драматургия ҳамон дару дарвозаеро ба рӯйи худ ва тамошобинон боз кард, ки аз он нур мебораду зарраҳои ҳикмат мерезад. Драматургияи ӯ аз публитсистикаю насраш дертар ташаккул ёфта бошад ҳам, бо онҳо дар як ҷараён инкишоф меёбад. Бисёр мавзӯву масъалаҳои дар драмаҳояш мавриди баҳсу талош қарордодаро ӯ аввал дар асарҳои публитсистиаш омӯхта, таҳлил карда баромадааст.
Масъалаҳои муҳими ахлоқии ҷомеа ба рӯйи саҳна омадани драмаи «Дар чорсӯ» оғоз гардида, дар асарҳо «Мусичаро напаррон», «Тарс», «Сӯробҳо» ва «Вагони охирин» идома ёфт. Зиёӣ ва мавқеи шаҳрвандию маънавии ӯ дар ҳаёти сиёсию иҷтимоии ҷомеа мавзӯи асосии адиб гардида, дар асарҳои ӯ таҳаввулоти бузурги равонию маънавии ҷомеа дар охири қарни гузашта ва оғози қарни навин тасвир шудаанд.        
Ин нукта қобили зикр аст, ки ӯ ба драматургия бо қадамҳои устувор, хеле ҷиддӣ ва донистани хуби ҷаҳони афкору андешаи муосиронаш ворид гашт. Аз ин лиҳоз асарҳои нахустинаш ҳам аз ҷиҳати муҳим будани мавзӯъ ва ҳам аз ҷиҳати фарогирии ҷаҳони маънавии муосирон ҷанбаъҳои пурқувватро фарогир мебошанд.
Бо мурури замон драматург драмаи публисистиро ташаккул дода, баробари дарки камбудҳои хеш, маҳорати ҳунарии худ ва имконоти жанрии онро васеъ кард. Аз драмаҳои  «Шикори аҷинаҳо» то драмаи таърихии «Маздак» мо шоҳиди ташаккули ҷаҳонбинӣ ва маҳорати ҳунарии эҷодкоре мегардем, ки бо дарки тамом ба кори мушкили дромнигорӣ даст зада, тавассути он мавқеи шаҳрвандӣ ва мароми инсонии хешро возеҳ баён намудааст.
Театри сиёсии тоҷик бо тамоми шаҳомат ва камбудию норасоиҳояш дар мисоли эҷодиёти Табаров мунъакис гардидааст. Нур Табаров ҷиҳатҳои мусбати театри сиёсиро аз бар намуда, дар инъикоси воқеии ҳаёт, гузоштану ҳалли масъалаҳои муҳими сиёсию фарҳангӣ ва иҷтимоӣ муваффақ гардидааст.
Ӯ ҳамеша ҳамқадами замон, ҳаммаслаку ҳаммароми ҳамзамонони худ дар роҳи такмили зиндагист. Воқеияти зиндагӣ, дигаргуниҳои замона ва вобаста ба инҳо дигар шудани рафтору муносибати инсон ба худ ва дигарон ҳамеша дар маркази диққати драматург аст.
Ба асарҳои драмавии адиб амиқ донистани зиндагӣ, дарки дурусти тамоюлҳои инкишофи ҷамъият, тасвири таҳаввулу рушди хислат, фикру зикр ва мафкураю ҷаҳонбинии одамон хос аст. Ӯ дар сохтани низоъҳою тарзи ҳалли онҳо, муколамасозиҳои моҳирона ва ҷамъбастҳои фалсафӣ усто аст.
Театр ба Нур Табаров он чизеро дод, ки дар журналистика ба он ноил нашуд. Тавассути театр адиб  тавонист рӯёрӯй бо тамошобин суҳбат ороста, аз минбари он афкору андешаи худро озодона ва доманадор ифшо намояд. Маҳдудияти чаҳорчубаи саҳифаи рӯзномаро саҳнаи театр шикаста, ба публитсист имкон фароҳам овард, ки зиндагиро пурратар - ба таври мукаммал ва ҳамаҷониба нишон бидиҳад.
Ҳунарманди мардумии ҷумҳурӣ, барандаи Ҷоизаҳои давлатии собиқ Иттиҳоди Шӯравӣ ва Тоҷикистон ба номи Абуадуллоҳи Рӯдакӣ – Ато Муҳаммадҷонов дар бораи нақши Сабуров аз рӯйи асари «Дар чорсӯ»-и офаридааш бо меҳру муҳаббати бепоён чунин ибрози ақида намуда буд: «Дар тӯли чанд соли дар театру кино нақши зиёдеро бозидаам, ки ҳар кадомаш бароям азизанд. Нақши муаллим Сабуров барои ман бештар азиз аст». 
Таҳиягарон Ҳабибулло Абдураззоқов ва Мирзоватан Миров дар пайравии андешаҳои драматург саҳнаҳое офаридаанд, ки дар лавҳи хотири тамошобинон нақш бастаанд.
Тамоми зиндагӣ ва фаъолияти эҷодию ҳирфавии Нур Табаров намунаи корнамоии шаҳрванд ва адиби сарсупурдаест, ки ҳастӣ, истеъдод ва ҳунари асили худро ба хидмати халқу Ватани азизаш бахшидааст.

М. ТАБАРӢ, «Ҷумҳурият»


Баёни ақида (0)    Санаи нашр: 13.01.2016    №: 8    Мутолиа карданд: 472

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр


Дар сомонаҳои дигари Тоҷикистон хонед