logo

мулоқотҳо

СОХТМОНИ КАСА - 1000 ОҒОЗ МЕЁБАД

Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон Эмомалӣ Раҳмон 12 декабр дар Қасри миллат вазири федеролии захираҳои об ва энергетикаи Ҷумҳурии Исломии Покистон Хоҷа Муҳаммад Осифро, ки бо ҳайати расмӣ ба Тоҷикистон ташриф овардааст, ба ҳузур пазируфт.

Хадамоти матбуоти Президенти Ҷумҳурии Тоҷикистон дар ин робита иттилоъ медиҳад, ки дар мулоқот маҷмӯи васеи масоили кунунӣ ва дурнамои муносибатҳои ҳамкории Тоҷикистону Покистон баррасӣ шуд. Бино ба гузориши манбаъ, дар ҷараёни суҳбат Президенти Ҷумҳурии Тоҷикистон зикр кардааст: «Мо нисбат ба ояндаи муносибатҳои дӯстӣ ва ҳамкории судманди миёни Тоҷикистону Покистон хушбин ҳастем ва тамоми талоши заруриро барои рушду тавсеаи онҳо ба харҷ хоҳем дод».
Зимни суҳбат таъкид гардид, ки оғози татбиқи лоиҳаи дорои аҳамияти минтақавӣ -  сохтмони хати интиқоли барқи КАСА-1000 нақши ҳалкунанда дорад ва Тоҷикистон барои густариши ҳамкории зич ва ҷалби сармояи покистонӣ, қабл аз ҳама дар соҳаи инфрасохтор ва гидроэнергетика, ҳамаҷониба омода аст.
Хоҷа Муҳаммад Осиф, вазири федеролии захираҳои об ва энергетикаи Ҷумҳурии Исломии Покистон, баъд аз дидору гуфтугӯ бо Президенти Ҷумҳурии Тоҷикистон дар суҳбат бо хабарнигорон натиҷаҳои ин мулоқотро судманд арзёбӣ кард. Ба қавли ӯ, ҷонибҳо фаъолияти босамари Гурӯҳи кории муштараки Тоҷикистону Покистон оид ба ҳамкорӣ дар соҳаҳои энергетика ва инфрасохтор, ки бо қарори якҷояи роҳбарони ду давлат таъсис шудааст, амри зарурӣ донистанд.
Бино ба гуфтаи Хоҷа Муҳаммад Осиф, ба тавсеаи ҳамкориҳо вобаста ба сохтмони роҳҳои автомобилӣ, оҳан ва барқарор кардани парвозҳои мустақим байни ду кишвар, иштироки ширкатҳои Покистон дар сармоягузории лоиҳаҳои гуногуни энергетикӣ, ҷалби ширкатҳои Тоҷикистон ба татбиқи лоиҳаҳои мухталиф дар Покистон таваҷҷуҳ зоҳир шуд.
Тибқи изҳороти ин мақоми баландпоя, қарор аст, дар маросими расмие бо ҳузури роҳбарони давлатҳои иштирокдори лоиҳа  моҳи майи соли ҷорӣ дар Тоҷикистон корҳои сохтмонии лоиҳаи минтақавии КАСА-1000, ки тавассути он интиқоли неруи барқ аз Тоҷикистону Қирғизистон ба Покистону Афғонистон пешбинӣ мешавад, оғоз гардад.
Дар ҳамин ҳол, Хоҷа Муҳаммад Осиф дар ҷараёни ин сафар ёрии башардӯстонаи Покистон ба маблағи 1 миллион доллари амрикоиро, ки  барои зарардидагони заминларзаи соли гузашта дар Бадахшон ҷудо гардидааст, пешниҳод намудааст.

Фирӯзи РАҲМОНИЁН,
«Ҷумҳурият»


Баёни ақида (0)    Санаи нашр: 13.01.2016    №: 8    Мутолиа карданд: 2822

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед