logo

фарҳанг

ЧАРО ҒАЛАТ МЕНАВИСЕМ?

Чандин сол боз  ҳангоми навиштани номаҳо, посухҳо, вокунишҳо ва таълифи мақолаҳо дар номҳои мақомотҳо, идораву ташкилоту муассисаҳо, мансабҳову  вазифаҳо ба хатоҳои зиёд роҳ медиҳанд. Баъзе аз ин хатоҳо агар аз надонистани қоидаҳои имлои забони тоҷикӣ роҳ ёбанд, қисме қасдан ба амал меоянд. Ин ҳақиқатро бархе аз масъулон худ изҳор доштаанд, аммо роҳи пешгирии мушкилоти мазкур ва ҳалли ин масъалаҳоро мисли ин ки пайдо карда натавонистаанд.

Дар ин гуна таълифот «раисон»-и кумитаҳо, иттифоқҳо, хоҷагиҳоро бо «р»-и калон менависанд. «Вазирон»-ро низ бо «в»-и калон китобат мекунанд. Ректорону директорони муассисаҳои таълимӣ ҳам дӯст медоранд, ки ҳарфи аввали мансабу вазифаашон калон навишта шавад. Агар ҳам нафаре, ки қоидаҳои имлои забони тоҷикиро медонаду аз рӯи он ариза, дархост, нома ба номашон бинависад, сахт меранҷанд ва ё мепиндоранд, нависанда бесавод мебошад. Бархе аз масъулон таъкиду хоҳиш ҳам мекунанд, ки ҳарфи аввали мансабу вазифаи роҳбарашонро калон бинависанд. Гӯиё бо ин амал эҳтироми роҳбару сарвар ба ҷо оварда мешавад ва шукӯҳу шаҳоматаш коста намегардад.
Аз рӯи дастури «Қоидаҳои имлои забони тоҷикӣ», ки бо қарори Ҳукумати Ҷумҳурии Тоҷикистон аз 4 октябри соли 2011, № 458 тасдиқ шудааст, дар мавриди ин номҳои мақомоти олии давлатӣ, мансабҳои олӣ, аз қабили бо ҳарфи калон навиштани Президенти Ҷумҳурии Тоҷикистон, Раиси Маҷлиси миллии Маҷлиси Олии Ҷумҳурии Тоҷикистон, Раиси Маҷлиси намояндагони Маҷлиси Олии Ҷумҳурии Тоҷикистон, Сарвазири Ҷумҳурии Тоҷикистон, Маҷлиси миллии Маҷлиси Олии Ҷумҳурии Тоҷикистон, Маҷлиси намояндагони Маҷлиси Олии Ҷумҳурии Тоҷикистон, Ҳукумати Ҷумҳурии Тоҷикистон бояд бо ҳарфи  калон навишта шаванд. Инчунин дар ин қоида эзоҳ дода шудааст, ки номи вазифа, мансаб, унвон, рутбаҳои давлатӣ ва ҳарбӣ, аз ҷумла  вазири маорифи Ҷумҳурии Тоҷикистон, генерали артиши миллӣ, бо ҳарфи хурд навишта мешаванд.
Ба ҷуз ин эзоҳ дода шудааст, ки номи муассисаҳои таҳсилоти миёнаи умумӣ, муассисаҳои таҳсилоти ибтидоии касбӣ ва миёнаи касбӣ, номи факултету кафедраҳо, шуъба ва бахшҳои муассисаҳои илмӣ, маъмурӣ ва монанди инҳо бо ҳарфи хурд навишта мешавад».
Ба пиндори ин ҷониб зарур аст, ки масъулон «Қоидаҳои имлои забони тоҷикӣ»-ро китоби рӯимизии худ қарор бидиҳанд ва талаботи онро риоя бинамоянд. Беҳтар мебуд, ки ба хотири беғалат навиштан дар ин гуна идораву ташкилоту муассиса ва мақомот барои мутахассисон, яъне филологҳо як воҳидӣ ҷойи корӣ таъсис бидиҳанд.

Абдулқодири РАҲИМ,
«Ҷумҳурият»


Баёни ақида (0)    Санаи нашр: 14.01.2016    №: 9    Мутолиа карданд: 589

22.07.2019


МЕЪМОРӢ ВА СОХТМОН. Қонуншиканиҳо ҳанӯз зиёданд

ТАҲСИЛОТИ САЛОҲИЯТНОК ТАТБИҚ МЕГАРДАД

ЗАМИН. Камбуди оби полизӣ мушкили ҳалталаб боқӣ мемонад

Гилерми: «Тоҷикон соҳиби кишвари афсонавианд»

Швейтсария дар Тоҷикистон бонк мекушояд

Ҷаҳон дар як сатр

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад


Дар сомонаҳои дигари Тоҷикистон хонед