logo

фарҳанг

АЗ АНГУШТОНАШ НАВО МЕРЕХТ

Арбоби шоистаи санъати Тоҷикистон, барандаи Ҷоизаи давлатии ба номи Абуабдуллоҳи Рӯдакӣ Абдуфаттоҳ Одинаев дар Кангурт – мавзеи дорои суннатҳои бойи мусиқӣ чашм ба дунёи ҳастӣ во намудааст. Қобилияти дарки мусиқӣ дар вуҷуди ӯ хеле барвақт зоҳир гардида, садои най ва дутор, суруди ҳофизони мардумӣ дар хотири ӯ абадан нақш гузоштаанд.

Дар тақдири бачаи 11- сола вохӯрӣ бо ҳофизи маъруфи мардумӣ Акашариф Ҷӯраев нақши ҳалкунанда бозид. Вай истеъдоди нотакрори Абдуфаттоҳро дарк карда, ӯро ба Душанбе, ба мактаб - интернати ҷумҳуриявии бачагона меорад. Дар ин ҷо А. Одинаев ба навохтани асбоби мусиқии скрипка оғоз намуда, аввалин дарсҳои композитсияро низ аз композитори машҳур А.С. Ленский омӯхт. Имконоти фарохи ӯро дар ин самт дида, ба  шуъбаи композитории Консерваторияи давлатии  Москва ба номи П. И. Чайковский фиристодандаш. Абдуфаттоҳ гурӯҳи профессор А. Н. Александров таҳсил намуда, ба навиштани аввалин асарҳои мусиқии худ оғоз намуд.  А. Одинаеви табиатан хеле боистеъдод аз хурдтарин пйесаҳои фортепианӣ ва сурудҳои бачагона сар карда, ба зудӣ ва муваффақона ба эҷоди асарҳои бузург гузашт. «Увертюраи ҷавонӣ»  барои оркестр, кантатаи якқисма ва ниҳоят, симфонияҳо эҷод кардан гирифт.
Дар воқеъ, Абдуфаттоҳ Одинаев якумин композитори тоҷик аст, ки ба жанри мураккаби симфония рӯ овардааст. Тафаккури симфонии эҷодкор дар асоси хусусиятҳои миллӣ ва омезиш бо заминаи полифонӣ равшан падидор мегардад. Ҳамзамон, дар асарҳои симфонии ӯ оҳангҳои мардумӣ ҷозибаи худро нигоҳ медоранд. Достонҳои симфонии «Ленин дар Помир» ва «Ҳисори ман» асарҳое ҳастанд, ки бо сурудҳои мардумии тоҷикӣ алоқамандии зич дошта, дар барномаҳои консертӣ то ҳоло иҷро мешаванд.
А. Одинаев ҳамеша дар пайи такмили дониш, малака ва маҳорати эҷодии хеш буд. Пас аз хатми консерватория ба аспирантураи Донишкадаи давлатии мусиқӣ – омӯзгории ба номи Гнесинҳо дохил шуда, таҳти роҳбарии Н. И. Пейко операи «Парасту» - ро дар асоси достони Жола Бадеъ меофарад. Опера чанде пас (соли 1970) дар Театри академии опера ва балети ба номи С. Айнӣ ба саҳна гузошта шуд.
Мусиқии барои синамо офаридаи ӯ воқеан ҳам беҳтарин саҳифаҳои ин жанрро ташкил медиҳад. Бо истифода аз  оҳангҳои мардумӣ барои офаридани образҳои барҷастаи синамо хидмати босазо кардааст. Дар маҳбубият пайдо намудани филмҳои «Хиёнат», «Фошкунӣ» ва «Вохӯрӣ дар дараи марг» - и киностудияи «Тоҷикфилм» саҳми оҳангсози онҳо арзандаи таъкиди ҷудогона аст.
А. Одинаев ба жанри сюита низ таваҷҷуҳи хоса зоҳир менамуд. Асарҳои вокалӣ - симфонии ӯ «Чорзарб», «Ман доғ», вокалӣ - рақсии «Азизам  омад», «Суруди кӯҳсор», «Гулғунчаи баҳор», «Хуш набошад» бо истифодаи фаровони оҳангҳои фолклориашон фарқ мекунанд.
А. Одинаев беш аз 150 суруд эҷод кардааст, ки ҳар яке ҷаззобияти хоси худро дорад. Ӯ сарояндаву навозандагони хушовоз ва чирадастро хеле дӯст медошт. Аз ин рӯ, асарҳои зиёде барои ҳунармандони дилписандаш навиштааст.  Ҳини офаридани суруд барои ин ё он сароянда кӯшиш менамуд, ки оҳанги офаридааш  бо овозу услуби сароянда мутобиқат намояд. Ҳамин усулро ҳангоми офаридани оҳангҳои алоҳида барои навозандагон низ риоя мекард. Оҳангҳои офаридаи ӯ бо садои нотакрори булбулони Шарқ Аҳмад Зоҳир, Зоҳир Ҳувайдо, Нигина Рауфова ва Мастона Эргашева ҷӯр гашта, қалби ҳазорон шунавандаро тасхир намуда, дар ёдҳо ба таври абадӣ нақш бастаанд. Сарояндагони тоҷик Тоҷиддин Муҳиддинов, Нуқра Раҳматова, Майсара Дилдорова, Маҳбуба Боҳирова ва Сурайё Қосимова аз зумраи овозхононе ҳастанд, ки композитор махсус барои онҳо оҳангҳои рӯҳнаво офаридааст.  
Худи А. Одинаев муътақид буд, ки маҳз ҳамин гуна ҳамкориҳо санъати мусиқии касбиро рушд медиҳанду ҳаёти фарҳангии кишварро рангоранг месозанд, ҷомеаро ба сӯйи маънавиёти воло раҳнамоӣ мекунанд. Абдуфаттоҳ Одинаев тамоми умр аз рӯйи ҳамин принсип амал намудааст. Мутаассифона, на ҳамаи орзуҳову ниятҳои неки ин эҷодкори нотакрор ҷомаи амал пӯшид. Новобаста аз ин, садои қалби ноором ва рӯҳи беқарораш, ки бо садои рӯдҳо ва боди кӯҳсорони диёраш  ҳамнабз буда, зебогии онро тараннум менамояд, ҳамеша дар фазои кишвар танинандоз хоҳанд буд.

М. ТАБАРӢ, «Ҷумҳурият»


Баёни ақида (0)    Санаи нашр: 14.01.2016    №: 9    Мутолиа карданд: 642

20.11.2018


СУҒД. Оғози сохтмони раёсати маориф

ЛЕВАКАНТ. Конфронси илмӣ - назариявӣ ба ифтихори Иҷлосияи XVI

"Парасту" дар Тоҷикобод

Сарони кишварҳои Осиёи Марказӣ барои машварат дар Тошканд ҷамъ меоянд

Финляндия ҷонибдори ҳузури Россия дар Шӯрои Аврупо

Вазорати маорифи Афғонистон 30 ҳазор занро ба кор мегирад

Баррасии рушди инклюзивии иқтисоди қитъа дар Гвинея Папуаи Нав

Ҷаҳон дар як сатр

АНВАР ЮНУСОВ СОҲИБИ КАМАРБАНДИ WBF

"СОРО КОМПАНИЯ" ҒОЛИБИ ЛИГАИ КАСБИИ ФУТЗАЛИ ТОҶИКИСТОН

19.11.2018


ДЕВАШТИЧ. Авҷи созандагиҳо дар Ҷамоати деҳоти Яхтан

Артиши Сурия охирин истеҳкоми «ДИ» дар ҷануби кишварро зери назорат гирифт

Дар ҳама минтақаҳои Ӯзбекистон «мактаби президентӣ» месозанд

Роҳандозии барномаи махсуси давлатии ипотекӣ барои дӯзандагони Қирғизистон

Киштии зериобии «Сан Хуан» - ро дар уқёнуси Атлантика ёфтанд

Ҷаҳон дар як сатр

Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ


Дар сомонаҳои дигари Тоҷикистон хонед