logo

ҳуқуқ

САРКАШӢ АЗ АНДОЗ ГУНАҲГОРОНРО ПАСИ ПАНҶАРА БУРД

Қобили зикр аст, ки дар айни замон нақши соҳибкорони ватанӣ дар пешрафту шукуфоии кишвар, аз ҷумла бунёди даҳҳо иншооти иқтисодиву иҷтимоӣ, фарҳангӣ, гулгашту хиёбонҳои нав, чашмрас аст. Вале дар баробари соҳибкорони бонанг нафароне ҳастанд, ки танҳо манфиати шахсиро дар мадди аввал гузошта, аз иҷрои уҳдадории худ - пардохти маблағҳои андоз саркашӣ мекунанд. Ҳарчанд дар асоси моддаи 45 - и Конститутсия (Сарқонуни) Ҷумҳурии Тоҷикистон “додани андоз ва пардохтҳо, ки қонун муайян кардааст, вазифаи ҳар кас мебошад”.

Чунончи, санҷишу таҳлилҳои прокуратураи вилояти Суғд дар ин самт якчанд камбудиҳоро ошкор кард. Маълум шуд, ки баъзе аз соҳибкорони инфиродӣ ва шахсони ҳуқуқӣ ба воридот, харидуфурӯши молу маҳсулоти гуногун машғул шуда, манфиати хуби иқтисодӣ ба даст меоранд. Вале бинобар сари вақт пешниҳод накардани эъломияҳои андоз ба мақомоти андоз ва ё пешниҳод кардани маълумоти беасосу бардурӯғ оид ба даромаду хароҷоти маблағҳо, аз пардохти андозҳои миқдори калон ва махсусан калон саркашӣ карда, ба буҷети давлат зарари зиёди молиявӣ мерасонанд.
Соли 2015 аз тарафи прокуратураи вилоят якҷо бо мақомоти андоз 12 ҷинояти саркашии субъектҳои хоҷагидор ошкор шуд, ки аз пардохти андозҳо ба маблағи умумии 10,9 миллион сомонӣ саркашӣ намудаанд. Танҳо дар 5 ҳолат маблағҳои пинҳонкардашуда зиёда аз 1 миллион сомонӣ буда, нисбат ба онҳо парвандаҳои ҷиноятӣ оғоз шуд.   
Дар робита ба масъалаи мавриди назар, прокуратураи вилояти Суғд бо ҷалби мутахассисони Раёсати андози вилоят фаъолияти ҶДММ “Зубен Инвест”- и ноҳияи Ҷаббор Расуловро мавриди санҷиш қарор дод. Санҷиш нишон дод, ки З. Ниёзалиев бо таъсис додани ҷамъияти мазкур аз 7 августи соли 2012 фаъолияти худро оғоз бахшида, ба воридоту фурӯши маҳсулоти нафтӣ машғул шудааст. Ӯ огоҳона маълумоти бардурӯғро ба мақомоти андоз пешниҳод намуда, бо роҳи фиреб аз пардохти андоз ба маблағи 1, 3 миллион сомонӣ канораҷӯӣ кардааст. Оид ба ин ҳолат 31 марти соли 2015 аз тарафи прокуратураи вилоят нисбат ба З. Ниёзалиев ҷиҳати саркашӣ намудан аз пардохти андозҳо бо банди “б” қисми 2 моддаи 292 Кодекси ҷиноятии Ҷумҳурии Тоҷикистон парвандаи ҷиноятӣ оғоз ва мавриди тафтиши пешакӣ қарор дода шуда, ниҳоят бо ҳукми суди ноҳияи Ҷаббор Расулов ба муҳлати ду сол равонаи зиндон шуд.
Ҳамчунин, аз тарафи прокуратураи вилоят, якҷо бо ҷалби мутахассисони мақомоти андоз дар фаъолияти ҶДММ “Ободкор 88”- и шаҳри Хуҷанд санҷиши риояи қонунгузории андоз татбиқ гашт. Ошкор шуд, ки шаҳрванд Қодиров Фирӯз бо нияти фаъолияти соҳибкорӣ ҶДММ “Ободкор 88”- ро созмон дода, бо воридот ва фурӯши молу маҳсулот машғул мешавад. Вале ба мақомоти андоз умуман эъломияҳоро пешниҳод накарда, андозҳоро ба маблағи 1, 3 миллион сомонӣ напардохтааст. Оид ба ин ҳолат 18 марти соли 2015 аз тарафи прокуратураи вилоят дар асоси банди “б” қисми 2 моддаи 292 Кодекси ҷиноятии Ҷумҳурии Тоҷикистон парвандаи ҷиноятӣ оғоз гардида,  дар натиҷа бо ҳукми суди шаҳри Хуҷанд Қодиров Фирӯз 3 солу 6 моҳ аз озоди маҳрум гардид.
Ба ин монанд нисбат ба 10 субъекти хоҷагидор барои саркашӣ аз пардохти андозҳо ба маблағҳои калон ва махсусан калон бо моддаҳои 292 ва 293 Кодекси ҷиноятии Ҷумҳурии Тоҷикистон парвандаҳои ҷиноятӣ оғоз шуда, як қисми онҳо бо ҳукмҳои суд маҳкум ва қисми дигарашон дар марҳилаи тафтишоти пешакӣ қарор доранд.

Пардазода МАҲМАДАЛӢ,
сардори шуъбаи назорати иҷрои қонунгузории андоз
ва гумруки прокуратураи вилояти Суғд,
мушовири адлияи дараҷаи 2,
Ҷовиди АШТӢ, “Ҷумҳурият”


Баёни ақида (0)    Санаи нашр: 14.01.2016    №: 9    Мутолиа карданд: 676
16.07.2020


ТОҶИКИСТОН. АЗ COVID - 19 БОЗ 51 КАС ШИФО ЁФТ

САФАРИ ШИРИН ИСМАТУЛЛОЗОДА БА НОҲИЯИ ФАЙЗОБОД

ВОХӮРИИ СИРОҶИДДИН МУҲРИДДИН БО АБДУЛАЗИЗ МУҲАММАД АЛ-БОДИ

ЁВОН. КОНФЕРЕНСИЯ НАҲЗАТИЁНРО МАҲКУМ КАРД

АБДУЛМАҶИД МУМИНЗОД: «БОЛО БУРДАНИ НАРХИ СӮЗИШВОРӢ АСОС НАДОРАД»

ТАҚОЗОИ ЗАМОН. БОЯД БА ТИҶОРАТИ ЭЛЕКТРОНӢ ГУЗАРЕМ

ТАҶҲИЗОТИ ПАРМАКУНӢ ҚОНЕЪКУНАНДА НЕСТ

ДМТ. ТАҚСИМОТ МОҲИ СЕНТЯБР СУРАТ МЕГИРАД

ДДОТ. ҲАМКОРИҲОИ БАЙНАЛМИЛАЛӢ ГУСТАРИШ МЕЁБАНД

ЁВОН. ПУЛИ МОШИНГАРД БА ИСТИФОДА ДОДА МЕШАВАД

ҶОМИ ТОҶИКИСТОН – 2020

ҚАЗОҚИСТОН БА ТОҶИКИСТОН ДАСТГОҲҲОИ НАФАСДИҲӢ МЕФИРИСТАД

ҶАҲОН ДАР ЯК САТР

15.07.2020


ДАР ТОҶИКИСТОН АЗ КОРОНАВИРУС 5332 БЕМОР ШИФО ЁФТ

ХОРУҒ. ВУСЪАТИ БУНЁДКОРИҲО ДАР ПЕШОРӮИ ТАШРИФИ ПЕШВОИ МИЛЛАТ

ХАДАМОТ. ШАХСОНИ МАСЪУЛ БЕШ АЗ 300 ҲАЗОР СОМОНӢ ҶАРИМА ШУДАНД

КУМИТАИ РУШДИ МАҲАЛ. 11 112 ИНШООТ БА ИСТИФОДА ДОДА ШУД

МУҲИТИ ЗИСТ. 607 ҲОЛАТИ ВАЙРОН КАРДАНИ ТАЛАБОТИ ҚОНУНГУЗОРӢ

ПРОКУРАТУРАИ ГЕНЕРАЛӢ. ТЕЪДОДИ ҶИНОЯТҲОИ ВАЗНИН ВА МАХСУСАН ВАЗНИН КОҲИШ ЁФТ

НОҲИЯИ ДЕВАШТИЧ. ҶАМЪБАСТИ НАТИҶАҲОИ НИМСОЛА

ЛИГАИ БОНУВОН. «ЗЕБО» ВА «ХАТЛОН» ДАР САДРИ ҶАДВАЛ

14.07.2020


ТОҶИКИСТОН. ШУМОРАИ ШИФОЁФТАГОН АЗ КОРОНАВИРУС БА 80 ДАРСАД РАСИД

ХУҶАНД. КОРХОНАИ «СОМОН ГУРӮҲ» БА ФАЪОЛИЯТ МЕПАРДОЗАД

200 000 СОМОНӢ КУМАКИ БОБОИ МУҲИБ БА ТАБИБОНИ РАШТ

ЭНЕРГЕТИКА. НИЗОМИ МУОСИРИ НАЗОРАТ ВА ҲИСОБИ НЕРУИ БАРҚ

НИГАРОНӢ! 25 ҲОЛАТИ МАЙДААВБОШӢ ДАР ЯК РӮЗ

ВАЗОРАТИ АДЛИЯ БА 3916 ШАҲРВАНД ЁРИИ ҲУҚУҚИИ РОЙГОН РАСОНД

ЗАМИНА БА ТУХМИПАРВАРИИ ИБТИДОӢ

ТАДБИРҲОИ ЗАРУРӢ БАРОИ РАФЪ СОХТАНИ МУШКИЛИҲО

“ДАСТ БА ДАСТ”. ФАРДО АЗ ИМРӮЗ БЕҲТАР ХОҲАД БУД

ЛИГАИ ЧЕМПИОНҲО «МАНЧЕСТЕР СИТИ» ДАР ОН МЕМОНАД

РОССИЯ КАРАНТИНИ ҲАТМӢ БАРОИ ВОРИДШУДАҲОРО БЕКОР КАРД

ҶАҲОН ДАР ЯК САТР

ТОҶИКИСТОН. 5228 ГИРИФТОРИ БЕМОРИИ COVID – 19 ШИФО ЁФТ

ҚОҲИР РАСУЛЗОДА ДАР НОҲИЯИ ШАМСИДДИН ШОҲИН ВА ШАҲРИ КӮЛОБ


Дар сомонаҳои дигари Тоҷикистон хонед