logo

фарҳанг

ҚАЛАМКАШОНИ МИНТАҚАВӢ ЧӢ ҲОЛ ДОРАНД?

Чуноне ки маълум аст, барои пешравӣ ва баланд бардоштани обрӯю эътибори Иттифоқи журналистони Тоҷикистон бояд фаъолияти шуъбаҳои минтақавии он ҷоннок карда шаванд.
Бинобар иттилои Илҳом Ҷамолиён, раиси шуъбаи  Иттифоқи журналистони Тоҷикистон дар вилояти Суғд, шуъба 486 аъзо дорад. Дар вилоят мақомоти иҷроияи маҳаллии ҳокимияти давлатӣ ва сохторҳои тиҷоратӣ барои рушди матбуот, дастгирии моддии расонаҳо лоиҳаҳои муҳимро амалӣ менамоянд. Бунёди Кохи матбуот бо таҷҳизоти замонавӣ, ҷудо намудани қитъаҳои   замин барои манзил ба журналистон қобили дастгирӣ мебошанд. Дар вилоят барои сайқал додани малакаю маҳорати касбии журналистон озмунҳои “Хомаи созанда”, ”Атласи Хуҷанд”, ”Шоҳроҳи абрешим - шоҳроҳи Ваҳдат” гузаронида мешаванд. Фаъолияти васоити ахбори оммаи хусусӣ низ дар вилоят хуб ба роҳ монда шудааст. Аз 18 ширкати радиову телевизионӣ 11 - тоаш дар вилояти Суғд амал мекунанд.
Шуъбаи иттифоқи журналистони Вилояти Мухтори Кӯҳистони Бадахшон 237 нафар аъзо дорад. Ташкили “Марафони сулҳ”, боздиди 23 нафар журналист аз Бадахшон таҳти сарпарастии мақомоти иҷроияи ҳокимяти давлатии вилоят ва Минтақаи озоди иқтисодии Ишкошим, фестивали ҳунарии “Бидуни марз”, ҳамоиши иқтисодии байналхалқии ”Бадахшон - дарвозаи тиллоии Тоҷикистон”, ”ВАО ва мушкилоти тиҷорати наздимарзӣ” аз ҷумлаи корҳои шоёни ба сомонрасонидаи шуъба маҳсуб мешаванд.
Мутаассифона, шуъба ва журналистони маъруфи Бадахшон ҳанӯз ҳам дар муқобили журналистикаи ғайриҳирфаӣ, ғайбатҳои сиёсӣ, провокатсияҳои сиёсӣ, кӯшишҳои ноором намудани вазъи сиёсӣ, хусусан дар давраи воқеаҳои солҳои 2012, 2014 оҷиз мебошанд.
“Фазои иттилоотӣ низ талаботӣ аҳолиро таъмин карда наметавонад. Тибқи омори мавҷуда ба ҳар сар аҳолии вилоят то 3 саҳифа рӯзнома рост меояд. 9 нашрияи ноҳиявӣ, 1 нашрияи вилоятӣ бо тиражи умумии 6 ҳазор нусха эҳтиёҷоти маънавии мардумро қонеъ карда наметавонанд”, - бо таассуф иброз медорад журналисти шинохта Наҷмуддини Шоҳинбод.
Дар вилояти Суғд агар Кохи матбуот сохта бошанд, шуъбаи иттифоқи журналистони вилояти Бадахшон 9 сол як ҳуҷраи корӣ надошт. Танҳо моҳи ноябри соли гузашта ин масъала бо роҳбарияти вилоят матраҳ шуда, ҳалли худро пайдо намуд.
Раёсати иттифоқи журналистони вилояти Хатлон 470 аъзо дорад. Вале дар муддати 5 сол раёсат ягон маротиба ба аъзо ёрии методӣ нарасонидааст. Аъзои раёсат дар ҳайати гурӯҳҳои кории дигар сохторҳо ба ноҳияҳои Балҷувон, Муъминобод, Ҷалолиддини Румӣ, Қубодиён сафар намудаанд, вале бевосита худашон чунин сафару машваратҳоро ташкил накардаанд.
Алҳол дар вилоят 24 нашрияи шаҳрию ноҳиявӣ, ду нашрияи вилоятӣ, 1 нашрияи хусусӣ ва Агентии иттилоотии “Хатлон - пресс” амал мекунанд. Имкониятҳои иқтисодӣ ва иҷтимоии вилояти Хатлон аз дигар вилоятҳо кам нест. Барои дастгирӣ ва инкишофи матбуот мақомоти иҷроияи ҳокимияти давлатии вилоят ҳам барои ҳамкорӣ омодааст. Аммо худи роҳбарияти раёсат дар ҳалли ин масъалаи муҳим саҳлангорӣ менамояд.
Фаъолияти шуъбаи минтақавӣ дар шаҳри Кӯлоб нисбат ба шаҳри Қӯрғонтеппа беҳтар мебошад. Дар шаҳри Кӯлоб ва ноҳияҳои наздики он чорабиниҳои шавқовар гузаронида мешаванд. Журналистони ин минтақа дар чорабиниҳои сиёсӣ низ фаъолона ширкат меварзанд, аммо шуъбаи минтақавӣ созмондеҳ ва сарвари хуб надорад.
Ҷумъа Қувват, сарвари шуъбаи минтақаи Рашти иттифоқ, иттилоъ дод, ки он 180 аъзо дорад. Бо ибтикори шуъба дар ноҳияҳои Рашт, Ҷиргатол, Тоҷикобод ва Тавилдара чорабиниҳои оммавӣ доир шуда меистанд.
Дар ин минтақа муҳимтарин иншооти стратегии мамлакат - Неругоҳи барқи обии Роғун ҷойгир аст. Вале шуъба, ба ақидаи иҷрокунандаи вазифаи раиси иттифоқ Ёқуби Исмоилзода, ба ин иншооти муҳим аҳамияти ҷиддӣ намедиҳад. Дар зарфи панҷ сол танҳо се чорабинӣ бо иштироки намояндагони вазорату идораҳо доир гардидаасту халос. “Дар ин самт мо ҳатто дастуру ҳидоятҳои Президент, Ҷаноби Олӣ Эмомалӣ Раҳмон оид ба сафарҳои эҷодӣ ба иншооти муҳими мамлакат ва эҷоди асарҳои баландғоя оид ба синфи коргар, заҳматкаши деҳотро сарфи назар намудаем”, - бо таассуф иброз медорад Ё. Исмоилзода.
Дар маҷмӯъ, фаъолияти раёсату шуъбаҳои иттифоқ дар минтақаҳо қаноатбахш нест.  Дар анҷумани пешин бо мақсади зиёд намудани масъулият ва боло бурдани обрӯю мақоми иттифоқ ба раисони шуъбаҳо салоҳияти бештар дода шуда буд. Аз ҷумла, онҳо муовинони раиси Иттифоқи журналистони Тоҷикистон таъйин гардиданд. Вале ин таҷриба самараи дилхоҳ надод. Таҳлили фаъолияти шуъбаҳои минтақавӣ низ дар анҷумани навбатии Иттифоқи журналистони Тоҷикистон дар назар аст. Умед аст, ки он ба фаъолияти шуъбаҳои минтақавӣ таккони бештаре дода, рушди бемайлони матбуотро дар тамоми манотиқи кишвар таъмин менамояд.

М. ТАБАРӢ,
“Ҷумҳурият”


Баёни ақида (0)    Санаи нашр: 16.01.2016    №: 11    Мутолиа карданд: 583

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд


Дар сомонаҳои дигари Тоҷикистон хонед