logo

фарҳанг

ИЖТ - РО ИМТИҲОНИ ГАРОН ДАР ПЕШ АСТ

Дар  Анҷумани  навбатии  Иттифоқи   Журналистони Тоҷикистон се масъала баррасӣ мешавад. Нахуст  ҳисоботи  иҷрокунандаи раиси ИЖТ Исмоилзода Ёқуби Борон оид ба ҷамъбасти фаъолияти панҷсолаи иттифоқ шунида хоҳад шуд. Ҳисоботи сардори  бахши тафтишот ва интихоби раиси нави ИЖТ масъалаҳои дигари рӯзномаи анҷуман мебошанд. Дар анҷуман иштироки беш аз 200 вакил дар назар аст.
Дар арафаи анҷуман бо чанд тан аз аъзои иттифоқи мазкур вохӯрда андешаҳояшонро доир ба фаъолияти он пурсон шудем.

- Иттифоқи журналистони Тоҷикистон аз созмонҳои асосӣ ва собиқадори журналистии кишвар ба ҳисоб меравад, - мегӯяд Сангини Гулзод, мудири кафедраи журналистикаи байналхалқии ДМТ. - Ин созмон дар таърихи 57 - солаи хеш роҳи пурпечутоб, аммо пурифтихореро тай кардааст. Ва дар ҳар давру замон вобаста ба вазъияти рӯз фаъолият дошт. Агар дар замони шӯравӣ вазифаҳои дигаргунае дошту роҳбаронаш аз чеҳраҳои пурнуфузи доираҳои журналистӣ буданд, пас дар ибтидои истиқлол ин созмон нуфузу эътиборашро қариб пурра аз даст дод. Бо интихоб шудани шодравон Акбари Саттор ба ҳайси раиси ИЖТ дар фаъолияти он таҳаввулоти созандае ба миён омад. Имрӯз ҷойи Акбари Саттор холист ва касе ба ҳайси роҳбар меояд, барояш дар ибтидо душвор хоҳад буд.
Иттифоқи журналистони Тоҷикистон танҳо як созмони журналистӣ нест, балки фаротар аз он аст. Зеро дар Тоҷикистон бо шарофати истиқлол ва сиёсати дар самти озодии баён ба роҳ мондаи Президенти мамлакат, Ҷаноби Олӣ Эмомалӣ Раҳмон даҳҳо созмони дигари журналистӣ арзи вуҷуд карданд ва имрӯз фаъолият доранд. Аммо бо вуҷуди ин ҳама созмонҳо мақому мартабаи ИЖТ болотар аст. Ин созмонест, ки ҷомеаи журналистони тоҷикро муаррифӣ мекунад, фаъолияти он як навъ бозгӯйи вазъи журналистикаи тоҷик, озодии баён дар кишвар аст.
Иттифоқи журналистони Тоҷикистон метавонад фаъолияти боз ҳам муассиртаре дар ҷомеаи журналистони тоҷик дошта бошад. Бахусус, дар тарбияи рушди касбиву эҷодии журналистон, масъулиятшиносӣ, муттаҳидии онон нақши боризе дошта бошад. Ва дар ин самт аз имконоти мавҷуда ва имтиёзоти давлату Ҳукумати кишвар истифода бурдан ба обрӯву нуфуз, маҳорату ташкилотчигии роҳбарияти ояндаи он вобаста аст.
- Шахсоне ба узвияти ин созмон қабул шуданд, ки аслан арзанда набуданд, - мегӯяд Алӣ Ҷӯра, муҳаррири масъули ҳафтаномаи “Минбари халқ”. - Онҳо аз шаҳодатномаи узвият сӯистифода мекарданд.
Бунёди осорхона ва дигар нақшаҳое, ки  шодравон Акбари Саттор дошт, мутаассифона, бо сабаби бевафоии умр амалӣ нашуд. Бовар дорем, ки дар барномаи фаъолияти роҳбарияти нав ин нақшаҳо ҷой доранд.
Бисёр мехоҳем, ки Иттифоқи журналистон ба ҳайси мақоми олии журналистӣ бинои алоҳидаи худро барои нишастҳо, вохӯрию маҳфилҳои касбӣ дошта бошад. Ин имкон медиҳад, ки  фаъолияти касбии журналистон баланд бардошта шавад. 
Дар аҳди шӯравӣ Иттифоқи журналистон ба ҳайси як шохаи ҳокимияти давлатӣ имкон дошт, ки ба манфиати иҷтимоии рӯзноманигорон ҷиҳати соҳиб шудан ба манзил, роҳхатҳои истироҳатӣ ва амсоли ин  расидагӣ кунад. Имрӯз низ ҳимояи манфиатҳои иҷтимоии  журналистон бояд аз ҳадафҳои асосии ин созмон бошад.
- Воқеан ҳам, дар давраи раёсати марҳум Акбаралӣ  Сатторов фаъолияти ИЖТ дар муқоиса бо давраи пешин як андоза беҳтар шуда буд, - иброз дошт узви ИЖТ Носирҷони Маъмурзода.  - Аъзои ИЖТ аз сари нав ба қайд гирифта шуданд. ИЖТ ҳамчун як созмони касбии журналистон бо мақсади дифоъ аз ҳуқуқи хабарнигорон чанд баёния низ нашр кард. Хуллас, то ҷое боварӣ ҳосил шуда буд, ки ин созмони журналистӣ дубора эҳё гардидааст. Аммо, фаъолияти назарраси намояндагиҳои  ИЖТ - ро дар солҳои охир, бахусус дар сатҳи маҳалҳо чандон эҳсос намекунем. Дар чорабиниҳое, ки аз ҷониби раҳбарияти ИЖТ  доир  мегардид, хабарнигорони маҳаллӣ – аъзои ИЖТ аз шаҳру ноҳияҳо тақрибан даъват намешуданд. Намедонистем, ки маъмурияти ИЖТ барои тақвияти кори созмонҳои ибтидоии хеш чӣ кореро ба анҷом мерасонад. 
Ҳамчун узви ИЖТ интизории банда аз анҷумани навбатии он зиёд аст. Орзумандам, ки ИЖТ ҳамчун як ташкилоти таъсиргузор, маърифатомӯз ва соҳибобрӯ шинохта шавад. Фаъол гардидани сомонаи  ИЖТ дубора хеле хуб хоҳад буд. 

Ҳ. САНГОВА, «Ҷумҳурият»


Баёни ақида (0)    Санаи нашр: 16.01.2016    №: 11    Мутолиа карданд: 631

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"


Дар сомонаҳои дигари Тоҷикистон хонед