logo

ҳуқуқ

ПУРСИШУ ПОСУХ

Ба саволҳо Айналишо Айналишоев, муовини сардори   Раёсати адлияи ВМКБ, Фарҳод Тоҳиров, адвокати Маслиҳатхонаи ҳуқуқии шаҳри Қӯрғонтеппа ва Ғуфрон Бойматов, узви мушовараи адвокатҳои вилояти Суғд ҷавоб доданд.
 Зимнан, агар хонандагони гиромӣ пурсише доранд, метавонанд бо телефони 238 - 54 -16 ба мо муроҷиат намоянд.

- Дар корхонае,  ки  молик  иваз  шудааст  оё  бе розигии корманд ӯро аз кор  озод кардан  мумкин аст? 
Зарина Неъматова,
 сокини ноҳияи Шуғнон

 - Моддаи  43 Кодекси меҳнати Ҷумҳурии Тоҷикистон  чунин муқаррар  намудааст: Ҳангоми иваз шудани молики ташкилот, ҳамчунин, аз нав ташкил кардани (якҷоя, ҳамроҳ, ҷудо шудан ва дигаргун сохтани) он муносибатҳои меҳнатӣ бо розигии корманд давом мекунанд. Дар ин маврид бо ташаббуси корфармо қатъ кардани шартномаи меҳнатӣ танҳо дар асоси Кодекси меҳнат ва бо риояи ҳатмии кафолатҳои муқаррарнамудаи он мумкин аст.
 Молики нав дар давоми шаш моҳи пайдо кардани ҳуқуқи молик ҳақ дорад шартномаҳои меҳнатиро, ки молики пештара бо роҳбарони ташкилот ва кормандон, ки вазифаҳои умумии идоракуниро дар ташкилот ба ҷо меоваранд, аз нав бандад ё бекор кунад. Аз тобеияти як мақом ба тобеияти мақоми дигар гузарондани ташкилот амали шартномаи меҳнатиро қатъ карда наметавонад.

 

- Дар асоси ҳалномаи суд маро ҳамчун узви оилаи молик дар манзили истиқоматии шавҳари собиқам маскун карданд, вале ман то ҳол дар қайди хонаи модарам мебошам. Оё шарт аст, ки худро дар манзили маскуншуда ба қайд монам? Ва агар чунин зарурат бошад, ба куҷо муроҷиат намоям?
 Нодира,
 сокини  шаҳри Қӯрғонтеппа 

- Тибқи талаботи қисми 1 моддаи 21-и Кодекси граждании Ҷумҳурии Тоҷикистон, истиқоматгоҳ маҳале эътироф мегардад, ки шаҳрванд доимӣ ё бештари вақт дар он истиқомат мекунад. Мувофиқи банди 20-и низомномаи «Низоми шиносномадиҳӣ дар Ҷумҳурии Тоҷикистон», ки бо Қарори Ҳукумати ҷумҳурӣ аз 15-уми июли соли 1997 тасдиқ шудааст, шаҳрвандон вазифадоранд дар маҳали зисти доимӣ худро ба қайд гузоранд.
Агар шумо дар манзили истиқоматии маскуншуда зиндагии доимӣ ихтиёр намоед, дар ин ҳолат ба ШВКД-и маҳали манзили маскуншудаатон бо ариза дар бораи ба қайд гузоштан бояд муроҷиат кунед. Шакли ариза дар мақомоти мазкур мавҷуд буда, ройгон ба шумо дода мешавад. Дар ҳолати пайдо шудани баҳс метавонед ба суд бо даъво муроҷиат намоед.

 

- Ҳамроҳи шавҳарам бо никоҳи ғайрирасмӣ оила бунёд намуда, се моҳ якҷоя зиндагӣ кардем. Дар моҳи чоруми оиладорӣ ӯ бо ҳукми суд ба муҳлати 3 солу шаш моҳ аз озодӣ маҳрум гардид. Айни замон ман дар моҳи 8-уми ҳомиладорӣ карор дорам. Оё имконияти ба таври қонунӣ ба расмият даровардани ақди никоҳамон вуҷуд дорад?

Малика, сокини шаҳри Хуҷанд

- Дар асоси аризаи шумо ва шавҳаратон, ки ба мақомоти САҲШ  пешниҳод мегардад, намояндаи ин ниҳод  метавонад дар муассисаи ислоҳӣ ақди никоҳро ба қайд гирад.

Шуъбаи ҳуқуқи рӯзномаи “Ҷумҳурият”


Баёни ақида (0)    Санаи нашр: 19.01.2016    №: 12    Мутолиа карданд: 597

13.11.2019


Дар Осетия пайкараи Абулқосим Фирдавсӣ гузошта шуд

Назарбоев: "Зеленский ба мулоқот бо Путин дар Қазоқистон ризоият дод"

Дания аз бозгашти террористони «худӣ» ба кишвар шод нест

Ҷаҳон дар як сатр

“Бункер” ба Фаронса меравад

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад

Таъкиди Путин аз зарурати арҷгузории арзишҳои оилаи серфарзанд

Сарвазири Афғонистон: "Натиҷа бояд ба раъйдиҳии воқеии халқи мо асос ёфта бошад"

Чин ба шарти бастани созишномаи тиҷоратӣ бо ИМА ба мувофиқа расид

Ҷаҳон дар як сатр

САМБО. Медалҳои биринҷии гӯштигирони тоҷик

08.11.2019


Давлаталӣ Саид бо Мансур бинни Зойид оли Наҳён вохӯрд

Баргузории конференсия оид ба саҳми диаспораҳо дар рушди кишвар

Масоили ҳамкории фарҳангӣ матраҳ шуданд

МАОРИФ. Медали тиллои хонандагони точик аз Туркия

07.11.2019


Гурӯҳи мусаллаҳ безарар гардонда шуд

БОКС. Медали тиллои муштзани тоҷик дар Россия

ФОРУМИ ПАНҶУМИ МИЛЛӢ. Пойгоҳе ки ҳуқуқшиносонро ба ҳам меорад

Ба Ингушистон суриёие омад, ки аспсавор ба дидори Путин раҳсипор аст

Эрдуғон аз боздошти ҳамсари сарвари "ДИ" Ал-Бағдодӣ хабар дод

Интиқоди ҳазорҳо олим аз беэътиноии сиёсатмадорон ба тағйири иқлим

Пойтахти Тоҷикистон мизбони ҷаласаи Шӯрои ҳамкориҳои ИДМ мешавад

Ҷаҳон дар як сатр

05.11.2019


Роҳҳои баланд бардоштани ҳифзи ҳуқуқҳои истеъмолкунандагони хизматрасониҳои молиявӣ баррасӣ шуданд

Ҳамоиш доир ба нақши ҷавонон дар тарғиби арзишҳои миллӣ


Дар сомонаҳои дигари Тоҷикистон хонед