logo

сиёсат

ПУШТИБОНОНИ СОБИҚ ҲНИТ МАВРИДИ ЭЪТИМОД НЕСТАНД

Тавре аз матбуот огоҳ шудем, 27-28-уми декабри соли гузашта дар шаҳри Теҳрони Ҷумҳурии Исломии Эрон конфронси байналмилалии «Ваҳдати исломӣ» баргузор шуд. Дар он Ҷумҳурии Тоҷикистонро раиси Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон Сулаймон Давлатов, раиси Шӯрои уламо Саидмукаррам Абдулқодирзода, раиси Маркази исломшиносии Тоҷикистон Файзулло Баротзода намояндагӣ намуданд. Ҷойи нигаронӣ буд, ки мақомоти Эрон раиси собиқ ҲНИТ Муҳиддин Кабириро, ки дар ҷустуҷӯи байналмилалӣ қарор дорад, ба ин ҳамоиш даъват ва дар канори намояндагони расмии кишвари мо шинонданд. Ин амали ғайридипломатӣ андешаеро тавлид кард, ки мақомдорони Эрон ва масъулони ҳамоиш паёме бо худ доранд, ки барои мо норӯшан аст.

Чунин бархӯрди кишвари ба мо дӯст хилофи оинҳои суннатӣ дар равобити ду кишвар аст, зеро Тоҷикистон солҳост, ки Эронро ба ҳайси шарики муҳими хеш меҳисобад. Мусаллам аст, ки дар кишвари мо, ба нақши Эрон дар амалӣ намудани лоиҳаҳои калонҳаҷме, назири неругоҳи барқи обии «Сангтӯда - 2» нақби мошингузари «Истиқлол» ва дигар пружаҳои дорои аҳамияти иқтисодӣ эҳтиром мегузоранд. Вале амалкарди ахири мақомдорони ин кишвар, ки бе ҳеҷ шубҳа огоҳона буд, Тоҷикистонро ҷиддан нигарон ва умед ба тавсеи равобити дӯстонаро ба шиддат коҳиш додааст. Ин рафтор ба маънои пуштибонӣ аз ҳизбест, ки дар Тоҷикистон амалҳои зиёди тахрибкорӣ анҷом додааст.
Мулло Абдураҳим Каримов, ки дар гузашта яке аз таъсисдиҳандагони ин ҳизб ба шумор мерафт ёддоштҳояшро чунин баён кардааст: «ҲНИТ аз ҷумлаи аҳзоби сиёсии динӣ ҳаст, ки баъди пошхӯрии Иттиҳоди Шӯравӣ нахустин шуда, аз ҳастии худ дар қаламрави Осиёи Миёна хабар дод. Яъне, ҲНИТ аз фаъолияти пинҳонӣ ба фаъолияти ошкоро гузашт. Мутаассифона, бисёре аз аъзо ва роҳбарони бахшҳои ҲНИТ, аз ҷумла банда дар бораи барномаи сиёсии пинҳони ҲНИТ огоҳӣ надоштем. Аслан ҳизб барои ислом бегона аст. Бунёд кардани ҳизби исломӣ дар Тоҷикистон, ки қариб сад дар сади сокинони он мусулмон ҳастанд, худ тафриқа андохтан миёни мардуми кишвар мебошад. Аз ин ҷост, ки мардуми мусулмон, аз ҷумла рӯҳониёни машҳури тоҷик ҲНИТ - ро намепазируфтанд ва онро дастгоҳ ва манбаи идеологияи ваҳҳобия дониста, фаъолияташро номашрӯъ ҳисобиданд. Аммо ҲНИТ иродаи мардуми мусалмон ва рӯҳониёни мазҳабиро сарфи назар карда бо кумаки хоҷагони пасипардагии худ арзи вуҷуд намуд. То имрӯз ин рақобати рӯҳониёни исломи асил бо ҲНИТ боқӣ мондааст ва онро онҳо эътироф намекунанд».
Мардуми тоҷик ба хубӣ медонанд, ки солҳои 90 - уми асри гузашта ҷонибдорони собиқ ҲНИТ дар як тарафи ҷанги шаҳрвандӣ қарор доштанд. Дигар касе намехоҳад, ки он ҳодисаҳои нангину даҳшатбор дар мамлакат такрор шаванд. Аз ин рӯ, пазироии кишвари дӯст аз ҲНИТ барои мардуми мо ҳанӯз ҳам норушан боқӣ мемонад.
Сафири Ҷумҳурии Исломии Эрон дар Тоҷикистон Ҳуҷҷатулло Фағонӣ 14 - уми январи соли ҷорӣ ҳангоми мулоқот бо вазири корҳои хориҷии Тоҷикистон Сироҷиддин Аслов таъкид намуд, ки «Оромиш ва таҳкими ваҳдати миллӣ дар Тоҷикистон ва ҳамкорӣ барои ҷилавгирӣ аз рушди ифротгароӣ дар минтақа хостаи мост. Мо, ҳамон гуна, ки дар солҳои гузашта ва дар шароити сахт бо ҳадафи ҳифзи оромиш ва ваҳдат дар канори миллат ва давлати Тоҷикистон будем, дар шароити ҳассоси кунунӣ ҳам барои муқобила бо рушди ифротгароӣ дар ин кишвар ва кули минтақа омодаи ҳамкорӣ ҳастем».
Умедворем, ки ҷониби Эрон тибқи ин гуфтаҳо амал намуда, ба арзишҳои дӯстиву ҳамзабонии мо эҳтиром мегузорад. Зеро тибқи суннати ниёгоннамон дӯст ҳеҷ гоҳ хилофи раъйи дӯст рафтор намекунад.
Хайрулло САЛИМЗОДА,
 сокини шаҳри Душанбе


Баёни ақида (0)    Санаи нашр: 22.01.2016    №: 15    Мутолиа карданд: 610

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе

Ба иштирокчиёни ҶБВ кумаки моддӣ расонда мешавад

Нахустини Форум байналмилалии санъати мақом баргузор хоҳад гашт

ЛЕВАКАНТ. Тантанаҳои истиқлолият

ФАЙЗОБОД. Ҳиммати як соҳибкор

ИШТИРОКИ ТИМИ МИЛЛӢ ДАР МУСОБИҚАИ BANGABANDHU GOLD CUP"

«ДИ» тахрибкоронашро ба Русия, Аврупо ва Осиё мефиристад

ХФА: "Даромади «Давлати исломӣ» 10 маротиба коҳиш ёфт"

Чин барои рушди ҶАҶ $60 миллиард ёрии молиявӣ мерасонад

Таҳримоти ғарбӣ метавонанд садди барқарорсозии Сурия гарданд

ҶАҲОН ДАР ЯК САТР


Дар сомонаҳои дигари Тоҷикистон хонед