logo

ҳуқуқ

БА КОНСТИТУТСИЯ ТАҒЙИРУ ИЛОВАҲО ВОРИД МЕГАРДАД

Дар ҷаласаи иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон даъвати панҷум, ки 22 январи соли равон таҳти раёсати Шукурҷон Зуҳуров, Раиси Маҷлиси намояндагон, баргузор гардид, пешниҳоди аъзои Маҷлиси миллӣ ва вакилони Маҷлиси намояндагони Маҷлиси Олии Ҷумҳурии Тоҷикистон «Оид ба тағйиру иловаҳо ба Конститутсияи (Сарқонуни) Ҷумҳурии Тоҷикистон» ва таъйини раъйпурсӣ мавриди баррасӣ қарор гирифт.

Аз рӯи ин масъала Ватанзода Маҳмадалӣ, раиси Кумитаи Маҷлиси намояндагон оид ба қонунгузорӣ ва ҳуқуқи инсон, иброз намуд, ки лоиҳаи мазкур бо риояи талаботи моддаҳои 58 ва 99 Конститутсияи (Сарқонуни) Ҷумҳурии Тоҷикистон, моддаҳои 9 ва 10 Қонуни конститутсионии Ҷумҳурии Тоҷикистон «Дар бораи раъйпурсии Ҷумҳурии Тоҷикистон» бо мақсади такмили меъёрҳои Конститутсияи (Сарқонуни) Ҷумҳурии Тоҷикистон аз ҷониби аъзои Маҷлиси миллӣ ва вакилони Маҷлиси намояндагон пешниҳод гардидааст.
Рушди муттаасил ва сатҳи имрӯзаи ҷомеа тақозо менамояд, ки меъёрҳои Конститутсияи (Сарқонуни) Ҷумҳурии Тоҷикистон пайваста баҳри таъмини инкишофи  бемайлони  сиёсӣ, иқтисодӣ ва иҷтимоӣ такмил дода шаванд. Мақсади пешниҳоди лоиҳа мушаххас намудани меъёрҳои Конститутсияи (Сарқонуни) Ҷумҳурии Тоҷикистон, аз ҷумла возеҳу равшан нишон додани шакли идораи Ҷумҳурии Тоҷикистон, шаҳрвандии Ҷумҳурии Тоҷикистон, фаъолияти иттиҳодияҳои ҷамъиятӣ, таҳкими масъулияти падару модар барои таълиму тарбияи фарзанд, талабот нисбат ба аъзои Маҷлиси миллӣ ва вакилони Маҷлиси намояндагони Маҷлиси Олии Ҷумҳурии Тоҷикистон, аъзои Ҳукумат, судяҳо, тартиби тафсири Конститутсия, мушаххас намудани салоҳиятҳои Президенти Ҷумҳурии Тоҷикистон иборат мебошад.
Аз ҷумла, пешниҳод мегардад, ки Президенти Ҷумҳурии Тоҷикистон, аъзои Маҷлиси миллӣ ва вакилони Маҷлиси намояндагони Маҷлиси Олиии Ҷумҳурии Тоҷикистон, аъзои Ҳукумат ва судяҳо танҳо шахсе буда метавонад, ки шаҳрвандии Ҷумҳурии Тоҷикистонро дошта бошад.
Бо назардошти таҳаввулоти босуръати рушди ҷомеа, татбиқи сиёсати давлатии  ҷалби бештари ҷавонон дар идоракунии давлатӣ пешниҳод мегардад, ки барои ишғоли мансаби Президенти Ҷумҳурии Тоҷикистон, аъзои Маҷлиси миллӣ, вакилони Маҷлиси намояндагони Маҷлиси Олии Ҷумҳурии Тоҷикистон ва дигар сохторҳои давлативу ҳукуматӣ шароит ва дастрасии беҳтар муқаррар карда шавад. Синни онҳо на кам аз 30 ва дорои таҳсилоти олӣ бошанд. Мувофиқи қисми 24 лоиҳа ба моддаи 65 қисми 5 илова карда шудааст, ки мутобиқи он маҳдудиятҳои дар қисми 4 моддаи 65 –и Конститутсия пешбинигардида, яъне маҳдудияти ду бор пай дар пай интихоб шудан ба мақоми президент нисбат ба Асосгузори сулҳу ваҳдати миллӣ - Пешвои миллат татбиқ намегардад.
Инчунин, мутобиқи қисмҳои 19, 27, 34 ва 36 лоиҳа тартиби савганд ёд кардани аъзои Маҷлиси миллӣ, вакилони Маҷлиси намояндагон, аъзои Ҳукумат, судяҳо ва судяҳои Суди конститутсионӣ пешбинӣ мегардад.
Ба моддаи 69 - и Конститутсия, ки салоҳияти Президенти Ҷумҳурии Тоҷикистонро муайян менамояд, тағйирот пешниҳод гардидааст, ки мувофиқи он сархати 12, яъне таъсиси Шӯрои адлия хориҷ мешавад. Вобаста ба барҳам додани Шӯрои адлия дар матни Конститутсия тағйироти дахлдор ворид мегардад.
Барои таъмини ваҳдату субот, ҳифзи арзишҳои миллӣ аз таъсири унсурҳои бегона, алалхусус равандҳои характери ифротгароиву бегонапарастидошта, ки дар шароити ҷаҳонишавӣ ба мафкураи ҷавонон таъсири манфӣ мерасонанд,  пешниҳод мегардад, ки фаъолияти ҳизбҳои сиёсии давлатҳои хориҷӣ, таъсиси ҳизбҳои хусусияти миллӣ ва динидошта манъ карда шуда, ба маблағгузории ҳизбҳои сиёсӣ аз ҷониби давлатҳо ва созмонҳои хориҷӣ, шахсони ҳуқуқӣ ва шаҳрвандони хориҷӣ роҳ дода нашавад.
Зарурати дигари ворид намудани тағйиру иловаҳо ба Конститутсия (Сарқонуни) Ҷумҳурии Тоҷикистон ин ба ҳам мутобиқ намудани меъёрҳои Қонуни асосӣ ва истилоҳоту меъёрҳои санадҳои ҳуқуқи байналмилалӣ мебошад. Тағйиру иловаҳои пешбинишуда имкон медиҳад, ки меъёрҳои Конститутсияи (Сарқонуни) Ҷумҳурии Тоҷикистон бо меъёрҳои ҳуқуқи байналмилалӣ дар ҳамбастагӣ амал намуда, инкишофу ҳамкориҳои байналмилалии Ҷумҳурии Тоҷикистон тавсеа ва рушд ёбанд.
Дар маҷмӯъ тағйиру иловаҳои пешниҳодгардида ба рушди ҷомеа мусоидат намуда, барои таҳким ва ҳимояи ҳуқуқу озодиҳои инсон ва шаҳрванд, мустаҳкам намудани асосҳои сохти конститутсионии Ҷумҳурии Тоҷикистон мусоидат менамоянд.
Ҳамин тариқ, бо қарори Маҷлиси намояндагони Маҷлиси Олии Ҷумҳурии Тоҷикистон пешниҳоди аъзои Маҷлиси миллӣ ва вакилони Маҷлиси намояндагони Маҷлиси Олии Ҷумҳурии Тоҷикистон „Оид ба тағйиру иловаҳо ба Конститутсияи (Сарқонуни ) Ҷумҳурии Тоҷикистон ва таъйини раъйпурсӣ“ барои муайян намудани мутобиқати тағйиру иловаҳои воридшаванда ба Конститутсияи (Сарқонуни) Ҷумҳурии Тоҷикистон ба Суди конститутсионии Ҷумҳурии Тоҷикистон фиристода шуд.

Мунаввари САФАР,
«Ҷумҳурият»


Баёни ақида (0)    Санаи нашр: 26.01.2016    №: 17    Мутолиа карданд: 664

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе

Ба иштирокчиёни ҶБВ кумаки моддӣ расонда мешавад

Нахустини Форум байналмилалии санъати мақом баргузор хоҳад гашт

ЛЕВАКАНТ. Тантанаҳои истиқлолият

ФАЙЗОБОД. Ҳиммати як соҳибкор

ИШТИРОКИ ТИМИ МИЛЛӢ ДАР МУСОБИҚАИ BANGABANDHU GOLD CUP"

«ДИ» тахрибкоронашро ба Русия, Аврупо ва Осиё мефиристад

ХФА: "Даромади «Давлати исломӣ» 10 маротиба коҳиш ёфт"

Чин барои рушди ҶАҶ $60 миллиард ёрии молиявӣ мерасонад

Таҳримоти ғарбӣ метавонанд садди барқарорсозии Сурия гарданд

ҶАҲОН ДАР ЯК САТР


Дар сомонаҳои дигари Тоҷикистон хонед