logo

муҳоҷират

МУҲОҶИРАТИ КОРӢ КОҲИШ МЕЁБАД

Муҳоҷирати корӣ солҳои охир барои Тоҷикистон ба яке аз масъалаҳои муҳими дорои аҳамияти иҷтимоӣ, иқтисодӣ ва сиёсӣ табдил ёфтааст. Аз ин лиҳоз, таҳлил ва баррасии амиқи раванди муҳоҷират ва дарёфти роҳҳои ҳаллу фасли мушкилоти он амри зарурист.
 Асосгузори сулҳу ваҳдати миллӣ - Пешвои миллат муҳтарам Президенти кишвар, Эмомалӣ Раҳмон дар Паёми имсолаи худ ба Маҷлиси Олӣ таъкид намуд: «Бо дарназардошти вазъи имрӯзаи бозори меҳнати дохиливу хориҷӣ ва бо ҷойи кор таъмин кардани шумораи ҳарчи бештари шаҳрвандон Вазорати меҳнат, муҳоҷират ва шуғли аҳолӣ ва дигар вазорату идораҳо, роҳбарони вилоятҳо ва шаҳру ноҳияҳо, ташкилоту корхонаҳо, сарфи назар аз шакли моликияти онҳо, инчунин соҳибкорон, масъулони муассисаҳои таҳсилоти ибтидоӣ ва миёнаи касбиро зарур аст, ки бо истифода аз тамоми захираву имкониятҳо барои фароҳам овардани ҷойҳои нави корӣ чораҷӯӣ намуда, ҷиҳати таъсиси курсҳои таълими касбу ҳунар ва забономӯзии муҳоҷирони меҳнатӣ тадбирҳои иловагӣ андешанд».
Бино ба маълумоти Вазорати меҳнат, муҳоҷират ва шуғли аҳолӣ, соли 2015 аз ҷумҳурӣ зиёда аз 550 ҳазор нафар шаҳрванди кишвар ба хориҷи мамлакат ҳамчун муҳоҷири меҳнатӣ сафар намудаанд, ки аз онҳо 487 929 нафарашон мард мебошад. Дар муқоиса ба соли 2014  муҳоҷирати меҳнатӣ ба хориҷа 118 210 нафар  ё ин ки 18 дарсад коҳиш ёфтааст.
Масоили коҳиш ёфтани муҳоҷи-рати меҳнатиро вазири меҳнат, муҳоҷират ва шуғли аҳолии кишвар Тағойзода Сумангул зимни нишасти матбуотӣ дар таъсиси ҷойҳои зиёди корӣ дар дохили ҷумҳурӣ арзёбӣ кард.
Вале мушоҳидаҳо нишон ме-диҳанд, ки  омилҳои дигар - ба фиреби беъзе корфармоҳои қалоб гирифтор шудан  ва аз ҳаққи меҳнати худ бенасиб мондани муҳоҷирон низ метавонад сабаби коҳиши раванди муҳоҷират гардад. Бо дахолати кормандони намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Русия  соли 2015 беш аз 50 млн рубли русӣ музди меҳнати пардохтнашудаи муҳоҷирони меҳнатӣ - шаҳрвандони Ҷумҳурии Тоҷикистон аз  корфармоён рӯёнида шуд.
Коршиносон омилҳои ба фиреби корфармо гирифтор шудани муҳоҷирони кориро дар надонистани забони русӣ, қонунҳои амалкунанда ва дигар меъёрҳои ҳуқуқии марбут ба муҳоҷират арзёбӣ мекунанд.
Маҳз ҳаминро ба назар гирифта Президенти кишвар дар Паём ба мақомотҳои дахлдор ва масъулон дастур дод, ки барои муҳоҷирон курсҳои забономӯзӣ ва касбомӯзӣ ташкил карда шавад, то ин ки баъди вуруд ба Русия онҳо ба мушкилот рӯ ба рӯ нашаванд.
Ин нуқта, ба муҳоҷирон низ ҳушдор медиҳад, ки қабл аз сафар дараҷаи забономӯзӣ ва касбияти худро боло баранд.
Муҳоҷирати корӣ имрӯз дар ҷаҳон ба масъалаи нигаронкунанда табдил ёфтааст. Вале шумораи муҳоҷирони корӣ аз ҳисоби тоҷикон рӯз то рӯз коҳиш меёбад. Ин аз он гувоҳӣ медиҳад, ки дар кишвар ҷойҳои зиёди корӣ таъсис меёбанд. Танҳо соли равон муҳайё намудани 300 ҳазор ҷойи нави кор  дар назар аст.
Лашкар ШАРИФЗОДА «Ҷумҳурият»


Баёни ақида (0)    Санаи нашр: 27.01.2016    №: 18    Мутолиа карданд: 18553
29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ


Дар сомонаҳои дигари Тоҷикистон хонед