logo

сиёсат

БАШОРАТ

АЗ РОҲСОЗӢ ТО АФЗОИШИ ТЕЪДОДИ ЗАНОНИ СОҲИБКОР ДАР БАДАХШОН

Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон Эмомалӣ Раҳмон ба Маҷлиси Олиро дар Вилояти Мухтори Кӯҳистони Бадахшон низ мардум аз тариқи расонаҳои иттилоотӣ тамошо карданд. Васоити чопии ахбор, бахусус рӯзномаи «Ҷумҳурият», ки Паёмро нашр карданд, таъҷилан ба Бадахшон расонда шуданд.

Дар Паёми имсола оид ба оғоз бахшидани бунёди қитъаи мушкилтарини роҳи Кӯлоб-Шӯрообод дар масофаи 32 километр ва Шкев- Қалъаи Хумб дар фосилаи 26 километр, шоҳроҳи байналхалқии автомобилгарди Душанбе - Кӯлоб - Дарвоз - Хоруғ - Мурғоб- Қулма муждаи фараҳбахш расид. Ин хушхабарро на танҳо сокинони Дарвоз, балки мардуми Бадахшон хуш пазируфтанд. Азнавсозӣ ва таҷдиди қитъаи роҳи дигари мушкилгузари 110 километраи Қалъаи Хумб - Ванҷ - сарҳади ноҳияи Рӯшон низ ба маблағи 2 миллиард сомонӣ дар меҳвари таваҷҷуҳи Ҳукумати кишвар қарор дорад. Сокинони ноҳияи Дарвоз боварии комил доранд, ки кӯшишу иқдомҳои Сарвари давлат Тоҷикистони азизро боз ҳам оботар месозад.
Бонуи соҳибкори муваффақ Қумушай Таҷаллиева дар қатори дигар сокинони ноҳияи Мурғоби баландкӯҳ изҳори қаноатмандӣ намуд, ки дар Паёми имсолаи Президенти Ҷумҳурии Тоҷикистон ба Маҷлиси Олии кишвар, дар хусуси солҳои 2016 - 2017 муҳайё намудани 300 ҳазор ҷойи нави корӣ хабар дода шуд. Тавассути бунёди корхонаҳои саноатӣ, муассисаҳои хизматрасонӣ, коргоҳҳои хурди истеҳсолӣ боз садҳо нафар бонувон соҳиби ҷои кор мегарданд. Ҳамчунин, Пешвои миллат дар Паёми худ оид ба бунёди иншооти нави энергетикӣ ва зиёд кардани иқтидори онҳо сухан ронд. Ҳоло корҳои лоиҳакашӣ дар бунёди неругоҳи барқи обии «Оқсу-2» ба анҷом расидаанд. Бонувони ин минтақаи дурдасти мамлакат бовар доранд, ки аз рӯи нишондодҳо ва ҳидоятҳои дар Паём зикршуда сохтмони ин неругоҳи барқи обӣ дар соли ҷашни 25 - солагии Истиқлолияти давлатии Ҷумҳурии Тоҷикистон оғоз мегардад. Дар Мурғоб низ корхонаҳои истеҳсолии бо барқ коркунанда сохта мешавад ва даҳҳо нафар занону духтарон соҳиби ҷои кор мегарданд.
- Ба ман муяссар гардид, ки меҳмонхонаи замонавии сеошёнаи дорои қариб ҳамаи шароит ва имкониятҳоро барои ронандагону мусофирон, меҳмонон ва сайёҳони хориҷие, ки аз тариқи шоҳроҳи байналхалқии автомобилгарди Душанбе - Кӯлоб - Дарвоз - Хоруғ - Мурғоб - Қулма сафар мекунанд бо маркази хизматрасонӣ бунёд кунам. Муваффақ шудам, ки понздаҳ нафар бонуи хонанишини тоҷик ва қирғизро дар ин қисмати шарқии Бадахшон бо ҷои кори доимӣ таъмин намоям. Бо раиси ҷамъияти матлуботи ноҳия Майрам Ҷӯраева ба ҷавондухтарон касбу ҳунари коркарди пашму пӯст, дӯзандагӣ, ошпазӣ, қаннодӣ ва дар муҳити сарди Бадахшони Шарқӣ пешаи гулпарвариро омӯзондем. Ҳоло ҷавондухтарон дар бозор, маркази тиҷоратӣ ва хизматрасонии «Сари кӯл»-и соҳилҳои рӯди Оқсу кор карда истодаанд, - гуфт Қумушай Таҷаллиева.
Аз ҷониби Президенти кишвар ба Вазорати меҳнат, муҳоҷират ва шуғли аҳолӣ ва масъулони дигар супориш дода шуд, ки баҳри ба омӯзиши касбу ҳунар фаро гирифтани занону духтарон ба пешаи соҳибкорӣ ва дигар касбу кор чораҷӯӣ намоянд. Бисёр занони Бадахшон чун Қумушай Таҷаллиева, Майрам Ҷӯраева ва Васила Ғафурова исбот хоҳанд намуд, ки бонувони кордони баландкӯҳ, бавижа музофоти Бадахшони Шарқӣ бунёдкору созандаанд.
Паёми имсолаи Пешвои миллат ба тану ҷони занону бонувони ин минтақаи баландкӯҳ рӯҳу равони тоза бахшида, онҳоро беш аз пеш ба меҳнати фаъол ва муфиди ҷамъиятӣ ҷалбу дилгарм месозад.

Сироншоҳи ДИЛОВАР, «Ҷумҳурият»


Баёни ақида (0)    Санаи нашр: 27.01.2016    №: 18    Мутолиа карданд: 515

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд

Дар Чин кӯдак аз ошёнаи 26 – ум афтода зинда монд

Аксаков бо сенаторони амрикоӣ зарурати муколамаи фаъолро баррасӣ намуд

Ҳамкории Москва ва Рейкявик дар Арктика тақвият меёбад

ФР ва Тоҷикистон конфронси ҳамкории байниминтақавӣ доир мекунанд

ИМА омодаи тамдид намудани созишномаи ССҲ бо Россия аст

Ҷаҳон дар як сатр


Дар сомонаҳои дигари Тоҷикистон хонед