logo

фарҳанг

ДИНОГОҲӢ НАСЛИ ҶАВОНРО АЗ ҒОЯҲОИ ИФРОТӢ ЭМИН МЕДОРАД

Мутобиқи пажӯҳишҳои олимони дин ва фалсафа дар таърихи башарият зиёда аз 5000 дин арзи ҳастӣ кардааст. Бо вуҷуди бостонӣ ва таърихӣ будани дин, назару андеша ва гуфтугузорҳо перомуни он гуногун ва бешуморанд. Илми ҷомеашиносӣ имрӯз талаб мекунад, ки ба дин ҳамчун падидаи иҷтимоиву фарҳангӣ муносибат карда шавад. Аз назари илмиву иҷтимоии ҷаҳони муосир инсон на танҳо ба дину мазҳабе, ки пайрави он аст, балки ба тамоми дину оинҳои дигар бояд иртиботи таҳаммулпазирона дошта бошад.

Дар робита ба ин, чанде пеш аз ҷониби ходимони Институти фалсафа, сиёсатшиносӣ ва ҳуқуқи Академияи илмҳои Ҷумҳурии Тоҷикистон Шерзот Абдуллоев, Маҳмадалӣ Музаффарӣ ва Ғаффор Мирзоев китоби «Таърихи дин» (барои синфи 9) таҳия ва нашр гардид.
- Ин китоби дарсӣ бо тавсияи Вазорати маориф ва илм бо теъдоди 180 000 нусха ба табъ расид. Пеш аз чопи он, назари масъулони тамоми вазорату идораҳои дахлдор гирифта ва тақризҳои зиёде ҳам аз ҷониби мақомоти қудратӣ навишта шуд, - иттилоъ дод Ғаффор Мирзоев, мудири шуъбаи фалсафаи дини Институти фалсафа, сиёсатшиносӣ ва ҳуқуқ.
Диншиносӣ ҳамчун илми фалсафӣ дар асрҳои 18 - 19 дар кишварҳои Олмон, Фаронса ва Ҳоланд пайдо шуд ва асосгузори ин илм файласуфи маъруфи олмонӣ М. Мюллер аст. Ҳарчанд ки дар бораи он бузургони тоҷик, аз ҷумла Абурайҳони Берунӣ, Носири Хусрав, Ибни Сино даҳҳо рисолаву китобҳои илмиву назариявӣ навиштаанд.
Пажӯҳишу корҳои анҷомдодашуда нишон медиҳанд, ки кулли дину боварҳои мардуми олам  арзишҳои баланди инсониро аз ҳамдигар мерос гирифта, таҳаввулу ташаккули муайянеро аз сар гузаронда, то ба имрӯз интиқол додаанд.
Бино ба гуфтаи Ғаффор Мирзоев, масъалаи ҳамчун фан ба барномаҳои таълимӣ ворид намудани дарси таърихи дин дар байни олимон ва ҷомеашиносони мо баҳсҳои ҷиддиву тӯлониро дар пай дошт. Таълиф шудани китоби «Таърихи дин» кӯшиши нахустин набуда, аз ҷониби корманди институт Шерзот Абдуллоев соли 1994 аллакай китоби дарсии «Диншиносӣ» барои мактабҳои олӣ навишта шуда буд. Аммо бо сабабҳои муайян фанни диншиносӣ барои донишҷӯён тавсия нагардид. Мувофиқи таҳлилу баррасиҳои Вазорати маориф ва илм ва вазъи ҳассосу ноороми ҷаҳони муосир, имрӯз зарурат пайдо шудааст, ки фанни таърихи дин барои хонандагони мактабҳои миёна ва аз соли оянда дарси диншиносӣ барои донишҷӯён омӯзонда шавад. Омӯзгорон, бавижа устодони фанни таърих низ ҳангоми гузарондани такмили ихтисос аз назарияҳои асосҳои фалсафаи дин таълим дода мешаванд.
- Диншиносиро бо соҳаҳои атеизм (инкор кардани дин ҳамчун падидаи иҷтимоӣ) ва теология махлут кардан набояд.  Мутаассифона, имрӯз гурӯҳҳои динситезе меъёрҳои диниро барои расидан ба манфиатҳои сиёҳу ғайриинсонии худ истифода бурда истодаанд. Чӣ тавре ки Асосгузори сулҳу ваҳдати миллӣ – Пешвои миллат Эмомалӣ Раҳмон дар Паёми навбатии худ таъкид доштанд, «давлатҳои абарқудрат огоҳона динро барои расидан ба ҳадафҳои геополитикии худ истифода мекунанд». Онҳо медонанд, ки дин аз бузургтарин арзишҳои инсонист ва ба ин восита метавонанд аҳли эътиқодро ба осонӣ ба бозиҳои сиёсӣ кашанд. Аз ин сабаб, бераҳмона соҳибони ин арзиши муқаддасро ба хоку хун оғӯшта карда истодаанд. Навишта шудани китоби «Таърихи дин» ва иқдомҳои дигар маҳз барои ташаккули тасаввуроти дуруст доир ба дину оинҳои бостонӣ дар ҷомеаи мо пиёда мегарданд, - афзуд Ғаффор Мирзоев.
Муаллифони китоб хостори онанд, ки таълиму тадриси диншиносӣ дар мактабҳои олӣ таҳким ёбад ва омӯзгорони мо, ки оянда ба тарбияи насли наврас машғул мешаванд, дастурҳои нахустини диншиносиро дар курсҳои махсуси Вазорати маориф ва илм омӯзанд ва нагузоранд, ки хонандаи мактаб ба таблиғоти ифротии шабакаҳои интернетӣ ва шахсони алоҳида гаравад.

Бузургмеҳри БАҲОДУР, «Ҷумҳурият»  


Баёни ақида (0)    Санаи нашр: 3.02.2016    №: 23    Мутолиа карданд: 870

22.07.2019


МЕЪМОРӢ ВА СОХТМОН. Қонуншиканиҳо ҳанӯз зиёданд

ТАҲСИЛОТИ САЛОҲИЯТНОК ТАТБИҚ МЕГАРДАД

ЗАМИН. Камбуди оби полизӣ мушкили ҳалталаб боқӣ мемонад

Гилерми: «Тоҷикон соҳиби кишвари афсонавианд»

Швейтсария дар Тоҷикистон бонк мекушояд

Ҷаҳон дар як сатр

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад


Дар сомонаҳои дигари Тоҷикистон хонед