logo

маориф

МАКТАБИ № 3. РОҲБАРОН ИВАЗ ШУДАНДУ АҲВОЛ НЕ, ЧАРО?

Мақомоти иҷроияи маҳаллии ҳокимияти давлатии вилояти Хатлон зиёда аз 10 сол аст, ки сохтмони як қатор муассисаҳои таълимиро кашол медиҳад. Ин ҳолат боиси он шудааст, ки 950 хонанда дар биноҳои садамавӣ дарс мехонанд.
 
Муассисаи таълимии миёнаи умумии № 3 Ҷамоати деҳоти Сафедоби ноҳияи Мир Сайид Алии Ҳамадонӣ, ки оид ба ҳолати садамавӣ ва ғайрисанитарӣ қарор доштанаш дар рӯзнома мавод нашр шуда буд, яке аз муассисаҳои муваффақ ба шумор мерафт. Соли 2006 мактаб бар асари зиёд шудани сатҳи оби дарёи Панҷ зери об монд. Он кӯдакони се ҷамоатро ба таълим фаро мегирифт. Баъди ин ҳодиса, ки мактаб осеби ҷиддӣ дид, дар асоси муроҷиати аҳолӣ ва дастгирии раиси ноҳия барои бинои нави мактаб аз ҳисоби заминҳои обӣ қитъаи замин ҷудо шуд.
Эҳсони Хушвахт, сардори маркази матбуоти Вазорати маориф ва илм мегӯяд: «Сохтмони муассисаи таълимии № 3 -и ноҳияи Мир Сайид Алии Ҳамадонӣ ба «Барномаи давлатии сохтмон, таъмиру азнавсозии мактабҳо барои солҳои 2008 - 2015, ки дар хонаҳои шахсӣ, вагон ва биноҳои маъмурию ҷойҳои ҷамъиятӣ ҷойгиранд» ворид гардида, сохтмони он ба мақомоти иҷроияи ҳокимияти давлатии вилояти Хатлон вогузор гардидааст».
Мақомоти иҷроияи ҳокимияти давлатии вилояти Хатлон ба мо оид ба сарнавишти мактаб посух надоданд. Тибқи ҳуҷҷатҳои лоиҳаи бинои мактаби нав, ки дастраси мо гардид, Ҳукумати ҷумҳурӣ ҳам барои сохтмони бинои нав иҷозат додааст. Муҳлати сохтмони бинои нав як солро дар бар мегирад. Мутаассифона, аз сабаби беэътиноии мақомоти иҷроияи ҳокимияти давлатии вилояти Хатлон ва раёсати маорифи вилоят бинои нави мактаб сохта нашуд. Дар ин муддат раисони вилоят, ноҳия ва раёсати маориф иваз шуданд ва то ба ҳол мақомоти мазкур ин уҳдадории иҷроношударо намедонад, ё аз баҳри сохтани бинои мактаб даст кашидааст. Ин дар ҳолест, ки 12 сол  боз хонандагон дар шароити ногувор дарс мехонанд. Бинои мактаби номбаршуда солҳои шастуми асри гузашта сохта шуда, то ҳол таъмири асосиро надидааст. Хонандагон дар мизу курсии шикаста дарс мехонанд. Ҷалол Исмоилов, роҳбари муассиса мегӯяд, ки маблағ барои харидории мизу курсии таълимиро ба кадом ширкате пардохт кардаанд, аммо маблағи 50 ҳазор сомонии барои рангу бор кардани мактаб самаранок истифода бурда нашудааст. Чаро ширкатҳои ба корҳои таъмири муассисаҳо машғул бо чунин нархи гарон корҳои рангуборро анҷом медиҳанд? Фориғболии мақомоти маҳаллӣ боиси он шудааст, ки зиёда аз 350 хонандагони синфҳои ибтидоӣ, ки дар тарафи чапи дарёи Сияҳоби ҳамин ҷамоат зиндагӣ мекунанд, дар биноҳои куҳнаву садамавӣ ба таълим фаро гирифта шаванд. Як қисми синфхонаҳои ин бино толори калонро монад, қисми дигар ба қадре кӯчак аст, ки ҳамагӣ 4 ё 5 мизи дарсиро меғунҷонад. Ҳоҷати сухан гуфтан аз майдони варзишӣ ё майдон барои бозии хонандагон нест. Зеро як қисмати ҳудуди собиқ идораи колхозро, ки хонандагони синфҳои ибтидоӣ ба таълим фаро гирифта шудаанд, ба ҳавлии истиқоматӣ табдил додаанд.
Инчунин, лоиҳакашии сохтмони муассисаи таълимии № 26 барои 640 ҷойи нишаст дар деҳаи Дӯстӣ ба нақша ворид карда шуд. Вале мақомоти иҷроияи ҳокимияти давлатии вилоят чунин вонамуд мекунад, ки ояндаи хонандагон барояш чандон муҳим нест.

Ҳ. САНГОВА, “Ҷумҳурият”


Баёни ақида (0)    Санаи нашр: 3.02.2016    №: 23    Мутолиа карданд: 900
25.11.2020


«ШАХСИЯТИ БУЗУРГИ ТАЪРИХСОЗ»

СУДИ ОЛИИ ИҚТИСОДӢ. ҲАМОИШИ ИДОНА БА ИФТИХОРИ ҶАШНИ МИЛЛӢ

ПАРЧАМИ ДАВЛАТӢ РАМЗИ БАХТУ САОДАТ

КФО. "ИСТИҚЛОЛ" 13 ЗИНА БОЛО РАФТ

ДАР ТОҶИКИСТОН ТЕЪДОДИ ШИФОЁБӢ АЗ COVID НАЗАР БА ГИРИФТОРӢ БЕШТАР ШУД

ҶАҲОН ДАР ЯК САТР

23.11.2020


НОҲИЯИ ФИРДАВСӢ. МУҚОВИМАТ БО КОРРУПСИЯРО ТАҲКИМ МЕБАХШАНД

ПУТИН АЗ МАНСУБИЯТИ КӮҲИСТОНИ ҚАРИЯБОҒ СУХАН КАРД

ҶАҲОН ДАР ЯК САТР

ЭРЛИНГ ҲОЛАНД "GOLDEN BOY" ШУД

ПАХТА. ИҶРОИ 97 ДАРСАДИ ДУРНАМО

НОҲИЯИ БОБОҶОН ҒАФУРОВ. НАҚШАИ ИСТЕҲСОЛИ ПАХТА БАРЗИЁД ИҶРО ШУД

БУҶЕТИ ДАВЛАТӢ – 2021. 27 МИЛЛИАРДУ 645,8 МИЛЛИОН СОМОНӢ ПЕШБИНӢ ГАРДИД

КӮЛОБ. ХӮРОК БАРОИ ДАРМОН АСТ, НА ЗИЁН

СУҒД. ДОРУҲОИ ПАСТСИФАТРО НОБУД КАРДАНД

АФШУРАИ АНОР АНГЕЗАИ COVID - РО ТО 80 ДАРСАД МАҲВ МЕКУНАД

«ТОҶИКИСТОН – 2020». ФОРУМИ БАЙНАЛМИЛАЛИИ САЙЁҲӢ

19.11.2020


ВАҲДАТ. ШАҲР ШУКУФТАН ДОРАД

16 – НОЯБР. ИН РӮЗРО ДАР СУДИ ОЛИИ ИҚТИСОДӢ БОТАНТАНА ҶАШН ГИРИФТАНД

НУРОБОД. 30-СОЛАГИИ ИСТИҚЛОЛИЯТРО САЗОВОР ИСТИҚБОЛ МЕГИРЕМ

18.11.2020


НОҲИЯИ СПИТАМЕН. НАҚШАИ ИСТЕҲСОЛИ ПАХТА 100,1 ДАРСАД ИҶРО ГАРДИД

ҶАЙҲУН. САРВАЗИР БА ДАСТРАНҶИ КИШОВАРЗОН БАҲОИ БАЛАНД ДОД

КӮЛОБ. БУНЁДИ МАЙДОНЧАИ ВАРЗИШ

ТАШРИФИ САРМОЯГУЗОРОНИ КОРЕЯ БА МОИ «КӮЛОБ»

ХИЗМАТИ ҲАРБӢ. НАҚШАИ ДАЪВАТИ ТИРАМОҲӢ ПЕШ АЗ МУҲЛАТ ИҶРО ШУД

ҶОИЗАИ НАВБАТИИ СИНАМОГАРОНИ ТОҶИК

ДЗЮДО

КИШВАРҲОИ ОСИЁ ОИД БА КАЛОНТАРИН ДАР ҶАҲОН МИНТАҚАИ ТИҶОРАТИ ОЗОД ПАЙМОН БАСТАНД

ҶАҲОН ДАР ЯК САТР

«АМОНАТБОНК». РАИСӢ ДАР ИТТИҲОДИ БАЙНИБОНКИИ СҲШ

ДДЗТ. ТАНТАНАИ РӮЗИ ПРЕЗИДЕНТ

12.11.2020


КФО

МОСКВА БАРОИ ЁРӢ БА СУРИЯ БЕШ АЗ $1 МИЛЛИАРД ҶУДО НАМУД

ҶАҲОН ДАР ЯК САТР

11.11.2020


БУНЁДИ 532 ИНШООТИ ТИББӢ


Дар сомонаҳои дигари Тоҷикистон хонед