logo

сиёсат

ФИРОРИЁНИ НАҲЗАТ ҲАНӮЗ ҲАМ ТАХРИБКОРӢ МЕКУНАНД

Гуфтугузорҳои охир дар шабакаҳои иҷтимоӣ ва пойгоҳҳои хабарӣ нишон медиҳанд, ки бархе аз пайравони ҳизби мамнуи наҳзати исломи Тоҷикистон ҳанӯз ҳам аз тафриқаву амалҳои хиёнаткоронаи хеш даст набардоштаанд. Ин бадхоҳони миллат, ки дар хориҷи кишвар паноҳ бурдаанд, бо нишондоди хоҷагони берунаашон аъмоли нанговари худро нисбат ба давлату миллати тоҷик идома медиҳанд.

Гумон мерафт, ки онҳо баъд аз нокомии барномаҳои таҳиянамудаашон дар мисоли ҳаводиси моҳи сентябри соли 2015, ки чеҳраи аслии наҳзатиҳоро ба ҷомеа муаррифӣ кард, хиҷолат мешаванд. Аммо баръакси ин имрӯз бо ташкили сомонаву пойгоҳҳои вижаи таблиғотӣ дар интернет, даст доштани худ дар ҳаводиси хунини  моҳи сентябрро рад мекунанд. Талош доранд, ҳаводиси кишварро муғризона пӯшиш дода, дигарбора ба мағзшӯии бархе табақаҳои ноогоҳи ҷомеа муваффақ шаванд. Вале ин ҳама “об дар ҳован куфтан” хоҳад буд. Зеро мардуми шарафманди тоҷик бо таҷрибаи талхе, ки аз ҷанги шаҳрвандӣ бардоштааст, бо ҳама гуна зуҳуроти бегонапарастӣ муқовимат хоҳад кард. Мо мисоли равшани инро дар иштироки фаъолонаи мардуми мулкӣ зимни саркӯби гурӯҳи мусаллаҳу террористии Абдуҳалим Назарзода, собиқ муовини вазири мудофиаи кишвар, дида будем.
Дар ҳоле, ки ҳамаи далелҳо оид ба ташкилоти экстремистӣ (ифротгароӣ)-террористӣ эътироф шудани собиқ ҲНИТ рӯи дастанд, роҳбарияти он дар хориҷи мамлакат ғайриқонунӣ амал намуда, алайҳи манфиатҳои давлату миллати тоҷик баромад мекунад. Дар ин робита, хабари “ҲНИТ хостори муҳокимаи мақомоти тоҷик дар додгоҳҳои байналмиалӣ шуд”, ки аз ҷониби пойгоҳи ба ном “сиёсӣ - фарҳангӣ”-и “Кимиёи саодат” интишор шудааст, боз як ғараз ва дасисаи душманони халқи тоҷик мебошад. Ин дасисакорон чун дар Ватан ба халалдор кардани иттиҳоди мардум ва ба ҳам задани суботи сиёсӣ муваффақ нашуданд, имрӯз талош доранд, зери чатри пуштибонони хориҷиашон тахрибкориҳои худро аз беруни кишвар идома диҳанд. Тааҷҷубовар аст, ки ҷонибдорони наҳзат бо чӣ далел мақомоти Тоҷикистонро ба қавли худашон “додгоҳҳои байналмилалӣ” мекашонда бошанд? Бо он ки дар интихоботи порлумонӣ мардум ба ҷонибдориашон овоз надод. Аз нокомии ошӯби Абдуҳалим Назарзода, ки ба қасди табаддулоти давлатӣ тарҳрезӣ шуда буд ва ё чандин нақшаҳои дигари хокхӯрдаашон!
Боиси нигаронист, ки пайравони собиқ ҲНИТ бо шумули роҳбари фирориаш то кунун бозичаи дасти кадом як гурӯҳи манфиатҷӯ будани худро эҳсос накардаанд. Бар ивази чанд пайсаи аз хоҷагон дарёфтаашон алайҳи давлату миллат иқдом мекунанд, ки хиёнат ба Ватан аст. Вале дар ҳеҷ давру замон хоинон ба мақсад нарасидаву халқ онҳоро набахшидааст.
Муборизаҳои ахири иттилоотии наҳзатиён нишон медиҳанд, ки онҳо бо асабоният ин ҳақиқатро қабул намудаанд, ки дигар дар Тоҷикистон касе аз онҳо ҷонибдорӣ нахоҳад кард. Аз ин ҷиҳат, рӯ ба пуштибонони хориҷӣ оварда, ҷалби таваҷҷуҳи созмонҳои байналмилалӣ ба қазияи худро доранд. Вале ин ҳама кӯшишҳо бесамар хоҳанд буд, зеро:
Ҳар кӣ бо душмании  халқ равон аст чу баҳр,  
Зуд бошад, ки сари хеш чу гирдоб хӯрад.
Итминон дорем, ки кӯшиши пиёдасозии ҳадафҳои бебунёди наҳзатиён ва амалкардҳои ғаразноки онҳо ба нуфузи Тоҷикистон дар арсаи байналмилалӣ осеб нахоҳанд расонд. Дар ҳамин асос, мардуми шарафманди тоҷик ба хилофкориҳои ин тоифа мутаваҷҷеҳ нестанд. Зеро дар арафаи ҷашнҳои бузург - Ваҳдати миллӣ ва 25 - солагии Истиқлолияти давлатии Ҷумҳурии Тоҷикистон зери ливои сулҳу оромӣ дар партави сиёсати бунёдгарои Пешвои миллат Эмомалӣ Раҳмон машғули ободонии ҳар гӯшаи Ватани азиз ҳастанд.

Раёсати Донишгоҳи
давлатии Кӯлоб ба номи Абуабдуллоҳи Рӯдакӣ


Баёни ақида (0)    Санаи нашр: 4.02.2016    №: 24    Мутолиа карданд: 454

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед