logo

иқтисод

БОҒ БИСЁР ШУДУ МЕВА КАМ. ЧӢ БОЯД КАРД?

Боғдорию картошкапарварӣ соҳаҳои асосии иқтисодиёти Рашт мебошанд. Сокинони ноҳия солҳои шӯравӣ на танҳо бозорҳои кишвар, балки берун аз он - бозорҳои Осиёи Миёнаро  ҳам бо себу нок таъмин менамуданд. Ба қавле бозоргузар буду харидор дошт он солҳо меваи Ғарм. Қисми зиёди аҳолӣ аз ҳисоби фурӯши меваҳои замини наздиҳавлигиашон яксола озуқавории оилаашонро таъмин намуда метавонистанд. Дар боғот нуриҳои маъданӣ фаровон истифода гардида, ҳар сол чанд маротиба ба муқобили зараррасонҳо заҳрхимикатҳо истифода бурда мешуданд. Боғдорон аз ҳар гектар ба ҳисоби миёна то 70 сентнер мева ба даст меоварданд.

Баъди фурӯпошии Иттиҳоди Шӯравӣ на  танҳо дар бозорҳои ҷумҳурӣ, балки дар фурӯшгоҳҳои ноҳия себу ноки маҳаллӣ камчин шуд. Ҳатто дастархони мардуми меҳмоннавози ноҳияро ба ҷойи меваи маҳаллӣ себу ноки хориҷӣ оро медод. Шуҳрати боғпарварони Рашт ба деҳқонони минтақаҳои дигар, ки бештар сокинони пойтахтро  бо меваи тар таъмин менамоянд, гузашт.
Аҷиб ин аст, ки ба гуфтаи мутахассисони раёсати кишоварзӣ, дар ноҳия ҳаҷми умумии боғҳои мевадиҳанда ба 4000 гектар расида, дар қиёси солҳои шӯравӣ 1000 гектар зиёд гардидааст. Пас, чаро  боғ бисёр шудаасту мева кам?
Ба андешаи сармутахассиси раёсати кишоварзии мақомоти иҷроияи  маҳаллии ҳокимияти давлатии ноҳия Маҳмадамин Ҷомидов, солҳои нооромӣ шароити танги иқтисодӣ имкон намедод, ки ба муқобили касалию зараррасонҳо дар майдони боғот нуриҳои органикию минералӣ ва заҳрхимикатҳо дарёфт ва истифода гарданд. Ҳамчунин,  заминҳои боғот обёрию нигоҳубин намешуданд. Ҳамаи ин боиси хушк ва нест шудани дарахтони мевадиҳанда гардид.
Солҳои охир дар ноҳия ҷиҳати барқарорсозии боғҳои куҳна ва бунёди боғҳои нав чораҳои мушаххас андешида мешаванд. Дар асоси Фармони Президенти Ҷумҳурии Тоҷикистон аз 27 августи соли 2009, № 683 “Дар бораи тадбирҳои иловагӣ доир ба рушди соҳаи боғу токпарварӣ дар Ҷумҳурии Тоҷикистон барои солҳои 2010 - 2014” дар ноҳия 742 гектар боғи куҳна решакан карда,  боғҳои нав бунёд шуданд. Сабаби кам будани мева дар он аст, ки ҳанӯз боғҳои навбунёд ва аз сари нав барқароршуда ба ҳосил надаромадаанд. Бо зиёд шудани майдони боғот зараррасонҳою касалиҳо зиёд гардида истодаанд ва қудрати молиявии хоҷагиҳои кишоварзӣ барои хариди нурию заҳрхимикатҳо намерасад, ки ин омил нигаронкунанда аст.
Ҳоло нуриҳои минералӣ дар майдони боғот кам истифода шуда, соле ҳамагӣ як - ду маротиба бар зидди ҳашаротҳои зараррасон ва бемориҳо заҳрхимикат мепошанд. Ҳамчунин, ниҳолҳое, ки аз дигар минтақаҳо оварда шинонда мешаванд, ба муҳити Рашт ва касалиҳо тобовар нестанд.
Пас месазад, ки дар доираи Барномаи рушди соҳаи боғу токпарварӣ дар Ҷумҳурии Тоҷикистон барои солҳои 2016 - 2020 ҷиҳати ҳалли мушкилиҳои  мазкур низ аз ҷониби масъулон  тадбирҳои судманд андешида шаванд.   
Худодод ЗАЙНИДДИН, “Ҷумҳурият”


Баёни ақида (0)    Санаи нашр: 4.02.2016    №: 24    Мутолиа карданд: 512

21.01.2019


Фестивали байналмилалии «Наврӯз – мероси фарҳангии сайёҳӣ» баргузор хоҳад шуд

"Парасту - 2019" – ҷашнвораи ҷумҳуриявии театрҳои касбӣ

ҶАҲОН ДАР ЯК САТР

Баргузории ҷашнвораи байналмилалии «Рӯзи барф» дар Калуга

Дар Арабистони Саудӣ ҷалби бонувон ба корҳои ҷамъиятӣ меафзояд

Соли 2018 прокуратураи Қазоқистон ба буҷети кишвар $90 миллион талофӣ кард

Дар Тошканд хазинаи қадима ёфт шуд

Дороии 26 шахси сарватмандтарини дунё ба даромади 3,8 миллиард ниёзманд баробар аст

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар


Дар сомонаҳои дигари Тоҷикистон хонед