logo

ҳуқуқ

ПУРСИШ ва ПОСУХ

Ба саволҳо Ғуфрон Бойматов, узви мушовараи адвокатҳои вилояти Суғд, ҷавоб дод.
Зимнан, агар хонандагони гиромӣ пурсише доранд, метавонанд бо телефони 238 - 54 -16 ба мо муроҷиат намоянд.

- Собиқаи бефосилаи зиёда аз 50-солаи корӣ дорам. Аз он 28 солашро собиқаи кории хизмати давлатӣ ташкил мекунад. Ҳисоби миёнаи музди меҳнатам дар ду соли охир (солҳои 2012-2013) тақрибан 910 сомониро ташкил мекунад. Ҳоло 573 сомонӣ нафақа мегирам. Дафтарчаи меҳнатӣ ва маълумотнома дар бораи собиқаи кории хизмати давлатӣ (28 сол) дар парвандаи нафақавӣ мебошад. Мехоҳам фаҳмам, ки бо ҳамин миқдор собиқаи бефосилаи кории умумӣ ва хизмати давлатӣ нафақаи ман аз рӯи чанд фоизи музди меҳнати миёнаи моҳонаам ҳисоб карда мешавад?

Бегмат МАҲМАДОВ,
сокини Ҷамоати деҳоти Нушори
ноҳияи Тоҷикобод

- Тибқи муқаррароти моддаи 16 Қонуни Ҷумҳурии Тоҷикистон «Дар бораи таъмини нафақаи шаҳрвандони Ҷумҳурии Тоҷикистон» нафақаи синну сол ба андозаи 55 фоизи маош, аммо ба шахсоне, ки дар корхона, муассиса, ташкилот ё дар як соҳа собиқаи корӣ доранд (мардҳо – 25 сол ва занҳо – 20 сол), ба андозаи 60 фоиз маош таъйин карда мешавад. Ҳамзамон моддаи мазкури ҳамин қонун пешбинӣ намудааст, ки барои ҳар як соли пурраи кори зиёда аз 25-солаи мардҳо ва зиёда аз 20-солаи занон нафақа ба андозаи 1 фоизи маош меафзояд. Аз ин муқаррароти Қонун бармеояд, ки андозаи нафақаи шумо, бояд 60 фоизи маош ва барои ҳар як соли пурраи кории баъди собиқаи 25 сола (дар як соҳа) иловатан ба андозаи 1 фоизи маош муқаррар карда шавад.

 

- Киро мо собиқадори меҳнат (ветеран труда) гуфта метавонем?
Саидқул Шомалангзода, сокини шаҳри Қӯрғонтеппа

- Ветеранҳои меҳнат яке аз категорияҳои ветеранҳо, ки моддаи 13 Қонуни Ҷумҳурии Тоҷикистон «Дар бораи ветеранҳо» пешбинӣ намудааст, ба шумор рафта, онҳо шахсоне мебошанд, ки дар корхонаҳо, муассисаҳо, ташкилотҳо сарфи назар аз шакли моликият ва шароити хоҷагидорӣ дар давоми на камтар аз 25 соли тақвимӣ (барои мардҳо) ва 20 соли тақвимӣ (барои занҳо) кор кардаанд ва яке аз асосҳои зеринро доро ҳастанд:
- дода шудани унвони фахрӣ ё мукофотонида шудан бо ордену медалҳои Иттиҳоди ҶШС ё Ҷумҳурии Тоҷикистон;
- мукофотонида шудан бо се дараҷаи нишонҳои хизмати шоистаи идоравӣ;
- барои хизматҳои шоистаашон нафақа мегиранд.
Тартиб ва шарту шароити додани унвони «Ветерани меҳнат» аз тарафи Ҳукумати Ҷумҳурии Тоҷикистон муайян карда мешавад.

 

- Ман дар мактаби рақами 33-и ноҳияи Тоҷикобод ба ҳайси муҳосиб кор мекунам. Ҳамзамон тариқи шартномавӣ дар як ширкати сохтмонӣ низ фаъ-олият дорам, ки аз ҳисоби маошам дар ин ҷо 13 дарсад андоз месупорам. Баъзеҳо чунин корро ғайриқонунӣ мегӯянд, воқеан ин то куҷо қонунӣ ва ё ғайриқонунист?
Ҳусейн САИДОВ,
сокини ноҳияи Тоҷикобод

- Моддаи 281 Кодекси меҳнати Ҷумҳурии Тоҷикистон пешбинӣ намудааст, ки дар ду (якчанд) ҷой кор кардан ин – тибқи шартнома (қарордод)-и меҳнатӣ аз тарафи корманд дар баробар ва дар давраи фориғӣ аз кори (мансаби) асосӣ иҷро намудани кори дигар ё ишғол намудани дигар вазифаи доимии муздаш пардохтшаванда ба шумор меравад. Барои дар ду (якчанд) ҷой кор кардан, розигии корфармо аз ҷои кори асосӣ талаб карда намешавад, ба истиснои ҳолатҳое, ки қонунгузории Ҷумҳурии Тоҷикистон муайян намудааст.
Дар сурати тибқи шартнома (қарордод) - и меҳнатӣ дар ду ҷой кор карданатон ин фаъолияти меҳнатии шумо хилофи меъёрҳои муқаррарнамудаи Кодекси меҳнати Ҷумҳурии Тоҷикистон нест.

Шуъбаи ҳуқуқи рӯзномаи “Ҷумҳурият”


Баёни ақида (0)    Санаи нашр: 4.02.2016    №: 24    Мутолиа карданд: 471

21.01.2019


Фестивали байналмилалии «Наврӯз – мероси фарҳангии сайёҳӣ» баргузор хоҳад шуд

"Парасту - 2019" – ҷашнвораи ҷумҳуриявии театрҳои касбӣ

ҶАҲОН ДАР ЯК САТР

Баргузории ҷашнвораи байналмилалии «Рӯзи барф» дар Калуга

Дар Арабистони Саудӣ ҷалби бонувон ба корҳои ҷамъиятӣ меафзояд

Соли 2018 прокуратураи Қазоқистон ба буҷети кишвар $90 миллион талофӣ кард

Дар Тошканд хазинаи қадима ёфт шуд

Дороии 26 шахси сарватмандтарини дунё ба даромади 3,8 миллиард ниёзманд баробар аст

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар


Дар сомонаҳои дигари Тоҷикистон хонед