logo

сиёсат

НИШОНИ ЭҲТИРОМ

Дар партави ҷашни 25 - солагии Истиқлолияти давлатӣ қабули Қонуни Ҷумҳурии Тоҷикистон «Дар бораи Асосгузори сулҳу ваҳдати миллӣ - Пешвои миллат» бори дигар муҳаббату қадршиносии мардумро ба Президенти кишвар муҳтарам Эмомалӣ Раҳмон нишон дод. Ин санади муҳим баёнгари эҳсоси худшиносии милливу ифтихори ватандорӣ ва самимияти беандозаи ҳар фарди худогоҳи кишвар ба Сарвари давлат мебошад.

Агар ба таърих рӯй оварем, аз рӯзҳои аввал Сарвари давлат бо иқдому амалҳои шоистаи хеш баҳри барқарор намудани сулҳ ва таъмини зиндагии шоиста барои сокинони мамлакат иқдомоти тақдирсозеро татбиқ намуда, ба боварию маҳбубияти мардум соҳиб гардидааст. Солҳои мураккаби оғози истиқлолият бо роҳбарии Раиси Шӯрои Олӣ Сарвари давлат муҳтарам Эмомалӣ Раҳмон 74 санади меъёрии ҳуқуқӣ, аз он ҷумла 15 қонун, ба монанди қонунҳои Ҷумҳурии Тоҷикистон «Дар бораи гурезаҳо», «Дар бораи Парчами давлатӣ», «Дар бораи аз ҷавобгарии ҷиноятӣ, интизомӣ ва маъмурӣ озод кардани шахсоне, ки дар давраи аз 27 март то 25 ноябри соли 1992 ҷиноят ва амалҳои ғайриқонунӣ содир кардаанд» қабул гаштанд. Сиёсати сулҳпарваронаи Сарвари давлат ва тасвиби ин қонунҳо ба барқарор намудани сулҳ ва ризоияти миллӣ дар кишварамон мусоидат намуд. Бо ин тадбирҳои амалисохтааш, Президенти кишвар ба фаъолияти қонунгузории Тоҷикистони соҳибистиқлол ибтидо гузошт.
Муҳимтарин дастоварди таърихии Эмомалӣ Раҳмон, ки аз ҷониби ҷомеаи ҷаҳонӣ эътироф гардид, дар кӯтоҳтарин муддат оташи ҷанги хонумонсӯзи дохилиро дар Тоҷикистон хомӯш ва давлати тозаистиқлоли тоҷиконро аз фаношавӣ раҳо додан буд.
Ҳамзамон, бояд қайд намуд, ки то имрӯз аз ҷониби Президенти кишвар Эмомалӣ Раҳмон зиёда аз 350 қонун ва 20 кодекс, аз ҷумла кодексҳои гражданӣ, мурофиаи гражданӣ, ҷиноятӣ, мурофиаи ҷиноятӣ, иҷрои ҷазои ҷиноятӣ, меҳнат, оила, манзил, андоз, гумрук, замин ва ғайраҳо ба тасвиб расидааст.
Таҳия ва қабули қонунҳо, кодексҳо ва дигар санадҳои меъёрии ҳуқуқӣ заҳмати бениҳоят зиёдро тақозо мекунад ва чунин заҳматро танҳо нафаре дарк карда метавонад, ки худ дар таҳияи санади меъёрии ҳуқуқие саҳм гузоштааст ва ба фаъолияти ҳуқуқэҷодкунӣ машғул аст. Боиси қайд аст, ки тамоми санадҳои меъёрии ҳуқуқие, ки аз ҷониби Эмомалӣ Раҳмон ба тасвиб мерасанд, ифодагари манфиатҳои мардум, ҳифзи ҳуқуқу озодиҳои инсон ва шаҳрванд, амнияти кишвар, тақвият бахшидани қонун, рушди иқтисодиёт ва соҳибкорӣ дар ҷумҳурӣ мебошанд.
Барои дастгириву ҳавасмандгардонии ҷавонон бошад, аз ҷониби Президенти кишвар як қатор имтиёзҳо, аз қабили стипендияҳои президентӣ, квотаи президентӣ , стипендияи байналмилалии президентии “Дурахшандагон”, грантҳои Ҳукумати Тоҷикистон барои ташкилотҳои ҷамъиятӣ дар соҳаи тарбияи ватанпарастии ҷавонон, ҷоизаи ба номи Исмоили Сомонӣ, қарорҳои давлатӣ оид ба ҷудо кардани манзил, қитъаи замин муқаррар гардидааст, ки моро водор месозад, тамоми неру ва донишамонро баҳри ободии кишвар равона созем.
  
Барно САИДВАЛИЗОДА,
муовини сардори Раёсати ҳуқуқи
Дастгоҳи иҷроияи Президенти
Ҷумҳурии Тоҷикистон,
номзади илми ҳуқуқ, дотсент


Баёни ақида (0)    Санаи нашр: 4.02.2016    №: 24    Мутолиа карданд: 932

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй


Дар сомонаҳои дигари Тоҷикистон хонед