logo

иқтисод

НАТИҶАИ ХУБ МАСЪУЛИЯТРО БЕШТАР МЕГАРДОНАД

Сиҷоуддин САЛОМЗОДА,
раиси шаҳри Турсунзода

Меҳнаткашони шаҳри Турсунзода дастуру ҳидоятҳои Президенти Ҷумҳурии Тоҷикистон, Пешвои миллат Эмомалӣ Раҳмонро, ки дар Паёми имсолаашон ба Маҷлиси Олии Ҷумҳурии Тоҷикистон ироа доштанд, сармашқи кори худ намуда,  тамоми кӯшишу ғайрати хешро баҳри боз ҳам равнақу ривоҷ додани соҳаҳои саноату кишоварзӣ ва ба ин васила, боло бурдани сатҳи некуаҳволии мардум равона намуда истодаанд.

Соли гузашта дар шаҳр ҳаҷми истеҳсоли маҳсулоти саноатӣ зиёд гардида, дар маҷмӯъ 555,4 миллион сомониро ташкил дод. Дар он саҳми корхонаҳои азими саноатии ҷумҳурӣ хеле зиёд аст. Аз ҷумла, Корхонаи воҳиди давлатии «Ширкати алюминийи тоҷик»  дар ҳаҷми 431 миллион сомонӣ ва  Корхонаи фар-ъии давлатии «Алюминсохтмон» дар ҳаҷми бештар аз 22 миллион сомонӣ маҳсулот истеҳсол намуданд.
Соҳаи кишоварзӣ яке аз самтҳои асосии фаъолияти ноҳия ба шумор рафта, соли гузашта ба рушди он аҳамияти ҷиддӣ дода шуд. Дар натиҷаи меҳнати софдилонаи кишоварзон истеҳсоли ғалла ба 43315 тонна сабзавот 61359  тонна, пахта 3766 тонна, пилла 11,4 тонна, меваҷот 7898 тонна, ангур 16908 тонна, гӯшт 5658 тонна ва асал ба 33 тонна расонда шуд.
Дар хоҷагиҳо ба масъалаи баланд бардоштани ҳосилнокии маҳсулот диққати махсус дода мешавад. Натиҷаи андешидани чорабиниҳои самарабахш буд, ки ҳосилнокӣ аз ҳар як гектар 209 сентнерро ташкил дод.
Дар урфият мегӯянд, ки «деҳқон бошӣ шудгор кун». Деҳқонони мо ба васеъ намудани замини кишт ва самаранок истифода бурдан аз заминҳои корам диққати аввалиндараҷа медиҳанд. Мутобиқи нақша бояд дар 5100 гектар замин кишти такрорӣ гузаронда  мешуд. Дар натиҷаи меҳнати самарабахши деҳқонони хоҷагиҳо дар 5599 гектар кишти такрорӣ гузаронда шуд, ки аз он 2404  гектарро  кишти шолӣ ташкил дод. Айни замон, дар хоҷагиҳои шаҳр кишти тирамоҳӣ бомуваффақият ба анҷом расонда шуд. Агар дар оғози мавсим гузарондани кишти тирамоҳӣ дар майдони 8300 гектар ба нақша гирифта шуда бошад, то имрӯз дар ҳама шаклҳои хоҷагидорӣ 9206 гектар  кишт гардид.
Дар маҷмӯъ, ҳаҷми истеҳсоли мол, кор ва хизматрасонӣ соли гузашта 1 миллиарду 909 миллион сомониро ташкил дод. Буҷети маҳаллӣ ба андозаи 99,1 фоиз таъмин гардида, боназардошти андози иҷтимоии ғайрибуҷетӣ 94,1 дарсад иҷро шуд ва ба буҷет 105,5 млн сомонӣ ворид гардид.
Тибқи нақшаи амал, ки бо Қарори Ҳукумати Ҷумҳурии Тоҷикистон аз 28 феврали соли 2015 тасдиқ шудааст, 7 корхонаву коргоҳ, 5 корхона ва коргоҳҳои саноатӣ ба истифода дода шуда, зиёда аз 230 нафар шаҳрванд бо ҷойҳои кори доимӣ таъмин гаштанд. Соли гузашта дар шаҳр 1752 нафар бекор ба қайд гирифта шуд. Аз ин ҳисоб 539 нафар дар соҳаҳои гуногун бо кори доимӣ таъмин гардиданд. Ҳамчунин, дар корхонаву ташкилот ва хоҷагиҳои шаҳр 3890 ҷойҳои кории мавсимӣ таъсис дода шуд, ки дар ҳалли мушкилоти бекорӣ қадаме ба пеш мебошад.
Шаҳри Турсунзода сол аз сол ободу зебо гардида истодааст. Бо дастгирӣ ва ташаббуси мақомоти иҷроияи маҳаллии ҳокимияти давлатии шаҳр дар соли 2015 як бинои чорошёнаи истиқоматии 10 ҳуҷрадор, ду бинои панҷошёнаи 15 ва 26 ҳуҷрадор, биноҳои маркази ташхис ва томография,  филиали «Спитаменбонк”,  мактабҳои № 18 барои 400 хонанда ва № 119 барои 680 хонанда дар 1 баст,  корхонаи истеҳсоли дорувории «Вежа», 3 бунгоҳи тиббӣ  сохта ба истифода дода шуд. Ҳамчунин, азнавсозии корхонаи чинибарорӣ ба сомон расонда шуда, ду адад сардхона барои нигоҳдории зиёда аз 1000 тонна меваю сабзавот мавриди истифода қарор гирифт. Нуқтаи идоракунии мудофиаи ҳудудии шаҳри Турсунзода бо харҷи зиёда аз 100 ҳазор сомонӣ аз таъмири асосӣ бароварда шуд.
Тармими роҳҳои мавҷуда ва сохтани роҳҳои нав яке аз самтҳои асосии фаъолияти мақомоти иҷроияи шаҳр ба шумор меравад. Соли гузашта аз ҳисоби буҷети шаҳр ва соҳибкорон 155 км роҳи маҳаллӣ таъмир гардиданд.
Дар соли 2016 мақомоти иҷроияи маҳаллии ҳокимияти давлатии шаҳри Турсунзода дар ҳамкорӣ бо соҳибкорон барои  дар сатҳи баланд пешвоз гирифтани ҷашни 25 - солагии Истиқлолияти давлатӣ сохтмону баистифодадиҳии коргоҳҳои захира ва коркарди меваю сабзавот, насби таҷҳизоти технологӣ барои истеҳсоли симҳои мисин дар ҶСП «Ноқили Турсунзода», бинои Кумитаи иҷроияи Ҳизби халқии демократии Тоҷикистон,  як дидбонгоҳи сарҳадӣ, қисмати аввали бинои МТУ № 33 – ро барои 320 хонанда ба нақша гирифтааст.

 


Баёни ақида (0)    Санаи нашр: 4.02.2016    №: 24    Мутолиа карданд: 602

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй

Таъсиси гурӯҳи корӣ баҳри иҷрои «Барномаи рушди иҷтимоию иқтисодии шаҳри Душанбе барои давраи то соли 2025»

Давлаталӣ Саид дар Корея

20-умин конфронси расонаҳои Осиёи Марказӣ дар Остона баргузор шуд

«Толибон» рӯйхати иштирокдорони мушовараи Москваро интишор дод

Таърихшиноси фаронсавӣ ба Макрон нақши Россияро дар наҷоти Аврупо хотиррасон кард

Ҷаҳон дар як сатр

"TASHKENT GRAND PRIX" ИШТИРОКИ ПАҲЛАВОНОНИ ТОҶИК ДАР ОН

"Истиқлол" бори ҳафтум чемпиони Тоҷикистон шуд!

08.11.2018


ШАҲРИСТОН. Бунёди 68 иншооти нав

ГУЛИСТОН. Бунёди майдони Парчами давлатӣ ва навсозии кӯдакистони “Дилноз”

Вусъати созандагӣ дар ноҳияи Бобоҷон Ғафуров

ХУҶАНД. Ифтитоҳи маҷмааи фитнеси занона

НОҲИЯИ АБДУРАҲМОНИ ҶОМӢ. Муассисаҳои таълимӣ ба фасли сармо омодаанд

“АРБОБОНИ ИЛМИ ТОҶИК”

Бо хоҳиши Макрон вохӯрии муфассали Путин ва Трамп баргузор намешавад

Толибон нияти иштирок дар музокироти сулҳи Москваро доранд

Дар 40 соли ислоҳот савдои берунаи Чин 670 маротиба афзуд

Деҳлӣ ҳавои ифлосро бо борони сунъӣ тоза карданист

Ҷаҳон дар як сатр

МАРҲИЛАИ ИНТИХОБИИ ЧЕМПИОНАТИ ОСИЁ – 2020. Ҳарифони мунтахаби Тоҷикистон (U-23) муайян шуданд

07.11.2018


Маҷлиси тантанавӣ бахшида ба Рӯзи Конститутсия

Мулоқоти Рамазон Раҳимзода бо Абдулазиз ибни Сауд

Пулҳои миллӣ бо такмили унсурҳои ҳимоя


Дар сомонаҳои дигари Тоҷикистон хонед