logo

иқтисод

ИЛОҶИ ВОҚЕА ПЕШ АЗ ВУҚӮЪ

ДАР НУРОБОД КОҲИШИ ҲОСИЛНОКИИ ЗАМИН НИГАРОНКУНАНДА АСТ

Ноҳияи Нуробод, ки минтақаи рушдёфтаи гидроэнергетикаи хурд, маркази савдо ва логистикии аҳамияти минтақавидошта аст, дорои имкониятҳои пешниҳоди хизматрасониҳои хушсифати маишӣ, истеҳсоли маҳсулоти кишоварзии аз ҷиҳати экологӣ тоза ва мавзеи  ҷолиби сайёҳӣ мебошад.

Кишоварзӣ соҳаи асосии хоҷагии халқ аст ва дар ҳаёти иқтисодии ноҳия нақши аввалиндараҷа мебозад. 85,9 дарсади аҳолии қобили меҳнат маҳз дар соҳаи кишоварзӣ  фаъолият менамояд. Заминҳои корами ноҳия барои кишти сабзавоту картошка ва рушди боғдорӣ ниҳоят мувофиқанд.
 Дӯстзода Ҳасан Тағдир, раиси ноҳия, ҳангоми суҳбат изҳор намуд, ки солҳои охир ҳиссаи хоҷагиҳои деҳқонӣ ва корхонаҳои хурду миёна дар истеҳсоли маҳсулот ва хизматрасониҳо афзудааст.
Омилҳои муҳимтарини боз ҳам беҳтар намудани рушди иқтисодию иҷтимоии ноҳия истифодаи самараноки заминҳои корам, бунёди иншооти нав, корхонаҳои хурду миёнаи истеҳсолӣ, нуқтаҳои гуногуни хизматрасонӣ ва ба ин васила таъсиси ҷойҳои нави корӣ, таҷдиди хоҷагиҳои деҳқонӣ ва дастгирии соҳибкорон ба шумор мераванд. 
Дар ноҳия ҷиҳати васеъ намудани майдонҳои кишт, обёрӣ намудани заминҳои лалмӣ, ҳосилнокии заминҳои кишоварзӣ, умуман ислоҳоти соҳаи кишоварзӣ тадбирҳои судманд роҳандозӣ мешаванд. Танҳо соли сипаришуда 17 хоҷагии оилавию инфиродии дехқонӣ тасис ёфт. Соли равон  дар назар аст, ки майдони кишти картошка ба 670 гектар расонда шавад.
Сабзавоткорӣ дар ноҳия баъд аз  картошкапарварӣ яке аз соҳаҳои афзалиятнок ба шумор меравад. Сабзавоткорон асосан ба истеҳсоли пиёз, бодиринг ва помидор машғуланд. Мутаассифона, ҳосилнокии сабзавот  сол то сол коҳиш ёфта истодааст. Чунончи, соли  2014   4529 тонна ва соли гузашта 3904 тонна сабзавот истеҳсол шудааст. Мутахассисон мушкилоти асосии соҳаи рустанипарвариро дар набудани низоми ягонаи муборизаи кимиёвӣ дар сатҳи минтақа бар зидди ҳашароти зараррасон, фарсуда гадидани низоми ирригатсионӣ ва эрозияи заминҳо медонанд.
Обу ҳавои ноҳия барои парвариши дарахтони мевадиҳанда хусусан себ ва нок мусоид аст, вале солҳои охир ҳосилнокии боғ ҳам кам шуда истодааст.
Умуман бо сабабҳои номбаршуда ҳам  майдони боғ ва ҳам  заминҳои кишти ғалла ба сабзавоту полезӣ коҳиш меёбанд, ки боиси нигаронист.
Мушкили асосии соҳаи мазкур бо роҳи мутамарказонида ташкил накардани коркарди агрохимиявии боғҳо бар зидди касалиҳо  ва ҳашароти зараррасон, нарасидани техникаи махсус барои коркарди кимиёвии боғҳо, набудани корхонаҳои коркарди мева ва ҳолати мелиоративии боғҳо ба шумор меравад.

Худодод ЗАЙНИДДИН,
«Ҷумҳурият»


Баёни ақида (0)    Санаи нашр: 5.02.2016    №: 25    Мутолиа карданд: 481

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд

Дар Чин кӯдак аз ошёнаи 26 – ум афтода зинда монд

Аксаков бо сенаторони амрикоӣ зарурати муколамаи фаъолро баррасӣ намуд

Ҳамкории Москва ва Рейкявик дар Арктика тақвият меёбад

ФР ва Тоҷикистон конфронси ҳамкории байниминтақавӣ доир мекунанд

ИМА омодаи тамдид намудани созишномаи ССҲ бо Россия аст

Ҷаҳон дар як сатр


Дар сомонаҳои дигари Тоҷикистон хонед