logo

сиёсат

МАРЗБОНОНИ ТОҶИК БА САВГАНДИ ҲАРБӢ СОДИҚ ХОҲАНД БУД

Раҷабалӣ РАҲМОНАЛӢ,
муовини аввали раиси КДАМ - и Ҷумҳурии Тоҷикистон,
Фармондеҳи Қӯшунҳои сарҳадӣ,
генерал-лейтенант


Дар Паёми Президенти Ҷумҳурии Тоҷикистон, Сарфармондеҳи Олии Қувваҳои Муссалаҳ, муҳтарам Эмомалӣ Раҳмон ба Маҷлиси Олӣ дар баробари дигар соҳаҳо фаъолияти мақомоти ҳифзи ҳуқуқ ва  сохторҳои низомӣ низ мавриди таваҷҷуҳ қарор гирифт.
Дар ин робита, Асосгузори сулҳу ваҳдати миллӣ-Пешвои миллат доир ба пешгирии хатару таҳдидҳои террористиву экстремистии ҷаҳони муосир дар назди хизматчиёни ҳарбӣ вазифаҳои нав гузоштанд. Аз ин рӯ, роҳбарон ва ҳайати шахсии мақомоти ҳифзи ҳуқуқ, сохторҳои низомӣ бояд дар иҷрои вазифаву уҳдадориҳои хизматиашон доимо ҳушёру зирак бошанд, барои таъмини волоияти қонун, тартиботи ҳуқуқӣ,  ҳифзи  суботу оромии ҷомеа талош намуда, бар зидди таҳдиду  хатарҳои муосир - терроризм ва экстремизми байналмилалӣ, гурӯҳҳои ифротгароӣ, гардиши ғайриқонунии маводи мухаддир ва дигар ҷиноятҳои муташаккили  фаромарзӣ қотеона мубориза баранд. Зеро дар Паём ҷойгоҳ ва мавқею манзалати кормандони мақомоти ҳифзи ҳуқуқ, амнияти миллӣ ва дар маҷмӯъ хизматчиёни ҳарбии Қувваҳои  Муссалаҳи Ҷумҳурии Тоҷикистон дар таъмини амният ва ҳифзи марзу буми кишвар муҳим арзёбӣ гардид.
Сарвари давлат бо таваҷҷуҳ ба он ки аз соли 1994 инҷониб мақомоти ҳифзи ҳуқуқ ва сохторҳои низомии Тоҷикистон беш аз 113 тонна маводи мухаддир, аз ҷумла 34 тонна маводи сахттаъсири героинро мусодира намудаанд, аз фаъолияти низомиёни кишвар дар ин самт изҳори қаноат карданд. Ин бовару самимияти Сарфармондеҳи  Олии Қувваҳои Муссалаҳи Ҷумҳурии Тоҷикистон, генерали артиш Эмомалӣ Раҳмон водор месозад, ки тамоми хизматчиёни ҳарбӣ, аз сарбози қаторӣ то афсари олирутба дар иҷрои вазифаҳои низомии хеш боз ҳам масъулиятноктар бошанд.
Чуноне ки Пешвои миллат қайд карданд: «Дар шароити ташаннуҷи рӯзафзуни авзои сиёсии ҷаҳон ва тағйиру таҳаввулоти босуръати он, торафт вусъат гирифтани низоъҳои байнидавлативу байнимазҳабӣ ва авҷи ҷиноятҳои муташаккили фаромарзӣ ҳимояи марзу буми кишвар ва ҳифзи амнияти давлату миллат барои мо масъалаи аввалиндараҷа ва ҳаётан муҳим ба шумор меравад».
Дар раванди таъмини амният, сулҳу суботи ҷомеа ва марзу буми кишвари азизамон саҳми марзбонони тоҷик хело назаррас мебошад. Бояд қайд кард, ки дар баробари дигар сохторҳои мақомотҳои қудратӣ ҳимоятгарони марзу буми кишвар саъй доранд, оромии мардумро таъмин намуда, ҳамагуна кӯшишҳои марзшикании ғайриқонуниро ҷилавгирӣ кунанд.
Марзбонон суханони пурмуҳтавои Пешвои миллат - «Сарҳад яке аз рукнҳои муҳими давлатдорӣ ва ҳимояи он қарзи шаҳрвандӣ ва фарзандии ҳар як фарди кишвар аст» - ро шиори худ қарор дода, имрӯзҳо бо дарки баланди ватанпарастӣ хизмати худро софдилона адо менамоянд.
Фаъолияти ҳамешагии Қӯшунҳои сарҳадӣ зери таваҷҷуҳи доимии Сарфармондеҳи Олии Қувваҳои Мусаллаҳ муҳтарам Эмомалӣ Раҳмон қарор дошта,  шароити хизматӣ ва маданию маишии хизматчиёни ҳарбии Қӯшунҳои сарҳадии КДАМ - и Ҷумҳурии Тоҷикистон дар сатҳи баланд қарор гирифтааст. Аз ҷониби Сарвари давлат ҳамеша ин нукта таъкид мегардад, ки омодагии баланди ҷангӣ, обу тоби ҷисмониву маънавии сарбозону афсарон дар қисму воҳидҳои низомӣ, таълиму тарбияи онҳо дар меҳвари таваҷҷуҳи масъулон қарор дода шавад.
Ҳодисаву воқеаҳои сиёсии марбут ба терроризму ифротгароӣ, ки соли 2015 дар дохилу хориҷи мамлакат ба вуқӯъ пайвастанд, бори дигар мо хизматчиёни ҳарбии Қувваҳои Муссалаҳ, бахусус марзбонони шуҷои Ватанро водор месозад, ки зиракиву ҳушёрии сиёсиро аз даст надода, бо истифода аз донишу малакаи баланди касбии хеш амну суботро дар сарҳад ва осоиштагии комилро дар тамомияти  арзии  Тоҷикистон  ҳифз  намоем. Дар ҳамин ҳол, Пешвои миллат дар Паём таъкид карданд, ки “авзои ҷомеаи ҷаҳонӣ ва зарурати таъмини амнияту суботи кишвар, баланд бардоштани сатҳи таъминоти моддиву техникӣ ва маблағгузории мақомоти ҳифзи ҳуқуқ ва сохторҳои низомии кишварро ҷиҳати боз ҳам беҳтар намудани тайёрии касбӣ ва омодабошии ҷангии онҳо тақозо менамояд”.
Вобаста ба талошу заҳматҳо ва таваҷҷуҳи доимии Сарфармондеҳи Олии Қувваҳои Муссалаҳи Ҷумҳурии Тоҷикистон Эмомалӣ Раҳмон нисбат ба хизматчиёни ҳарбӣ ва кормандони дигар мақомоти қудратӣ, мо - муҳофизони Ватан ваъда медиҳем, ки дар доираи иҷрои савганди ҳарбӣ ба халқу Ватан содиқ монда, ҳифзи арзишҳои истиқлолият, таъмини ҳуқуқу тартибот дар ҷомеа, муҳофизати ҳар як ваҷаб хоки ин сарзамин ва дар ин замина баланд бардоштани иқтидори мудофиавии мамлакатро кафолат медиҳем.
 


Баёни ақида (0)    Санаи нашр: 6.02.2016    №: 26    Мутолиа карданд: 338

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед