logo

маориф

ДОНИШКАДАИ РАШТ: ҲОЛО ҲАМ ВОҲИДҲОИ КОРӢ ХОЛИАНД

Донишкадаи омӯзгории Тоҷикистон дар ноҳияи Рашт, ки соли 1992 ба хотири нарасидани омӯзгорони соҳавӣ дар ин минтақа  ҳамчун  шуъбаи ғоибонаи  Донишгоҳи давлатии  омӯзгории  Тоҷикистон  ба  номи           Садриддин  Айнӣ таъсис ёфта буд, соли 2006 ба филиали ҳамин донишгоҳ табдил ёфт ва соли 2013 бо ташаббуси бевоситаи Сарвари давлат  донишкадаи мустақил гардид.

Дар донишкада барои таҳсилу истироҳати донишҷӯён шароити мусоид фароҳам оварда шудааст.  Он дорои 2 бинои таълимӣ, таҷҳизоти нави замонавӣ, китобхонаҳои муқаррариву электронӣ муҷаҳҳаз бо синфхонаҳои компютериву бо  шабакаҳои  интернет пайваст мебошанд. Як хобгоҳи навтаъмири шароити мусоиддошта, метавонад донишҷӯёни аз дигар шаҳру ноҳияҳо омадаро бо ҷойи хоб таъмин намояд.  Дар донишкада толори варзишии дорои 1680 ҷойи нишаст ва бо тамоми таҷҳизоти варзишӣ муҷаҳҳаз, инчунин майдони варзиш ва истироҳатии ҷавонон вуҷуд дорад.
Сохтори донишкада устувору васеъ гардида, дар он воҳидҳои наву ба талаботи замона мувофиқ таъсис ёфта истодаанд. Ҳоло дар сохтори асосии он 4 факултет ва 14 кафедра аз рӯйи 15 ихтисосҳои гуногун фаъолият дошта, дар он зиёда аз 2000 ҷавон касбу ҳунар меомӯзанд. 
- Дар донишкада  шакли дузинагии таҳсилоти олии касбӣ (бакалавр ва магистратура) ҷорӣ карда шуда, низоми таълимии кредитӣ ба роҳ монда шудааст, иброз медорад Муродалӣ Сангов, ректори Донишкадаи омӯзгории  Тоҷикистон дар ноҳияи Рашт.  - Фаъолияти дусолаи донишкада нишон дод, ки агар имкониятҳои низоми кредитии таълим дуруст ба роҳ монда шаванд, сатҳу сифати таълим, махсусан фаъолияти мустақилонаи донишҷӯён беҳтар мешавад. Истифодаи технологияи компютерӣ, таҳияи барномаҳои идоракунӣ имкон медиҳад, ки назорату баҳодиҳии донишандӯзии донишҷӯён объективона анҷом дода шавад.
Пояи моддӣ - техникии донишкада мустаҳкам шуда истодааст. Давра ба давра харидорӣ ва насби таҷҳизоти компютерӣ бо шабакаҳои локалӣ  ва интернетӣ, инчунин 7 тахтаи электронӣ дар истифодаи донишҷӯён қарор доранд. Ҳоло донишкада  ҷиҳати дар ҳаҷми 300 ҳазор сомонӣ дастрас намудани таҷҳизоти нави замонавӣ барои озмоишгоҳи кимиёвӣ, ва мошинаҳои дарздӯзӣ кӯшиш намуда истодааст.
Ба нақша гирифта шудааст, ки моҳи июли соли равон аз ҳисоби мабалағҳои шартномавӣ музди меҳнати омӯзгорони донишкада 25 дарсад зиёд карда мешавад.
Бо вуҷуди ин, донишкада аз устодони ботаҷриба ва унвондор танқисӣ мекашад. Дар 101 воҳиди кории мавҷуда 34 омӯзгори штатӣ, 52 ҳамкори дохилӣ ва 33 омӯзгори ҳамкори беруна ба донишҷӯён таълим медиҳанд. Дар баробари ин 13 воҳиди корӣ холӣ мебошад. Дар байни устодони асосии ҳамкор 19 нафар номзад ва 10 доктори илм фаъолият доранд.
Дар ҳалли мушкилоти ҷойдошта раёсати донишкада такя ба аспирантону магистрон менамояд, ки теъдоди онҳо рӯз то рӯз афзуда истодааст. Ҳоло 20 нафар аспиранту унвонҷӯи кафедраҳои гуногуни донишкада машғули кори илмӣ буда, 4 нафари онҳо дар арафаи дифои рисолаҳояшон мебошанд.
Муродалӣ Сангов донишкадаи мазкурро арзишмандтарин туҳфа барои сокинони минтақаи Рашт  аз ҷониби Пешвои миллат арзёбӣ намуда афзуд, ки он дар ҳаёти маърифатию фарҳангии мардуми кӯҳистон тӯли садсолаҳо нақши муассир хоҳад гузошт.

Худодод ЗАЙНИДДИН,
 "Ҷумҳурият"


Баёни ақида (0)    Санаи нашр: 10.02.2016    №: 28    Мутолиа карданд: 579

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед