logo

ҳуқуқ

ҲАБСИ АВҒОНОВ

СОҲИБКОРОН САРИ ИН МАСЪАЛА БОЯД АНДЕША КУНАНД

Солҳои охир дастгирии соҳибкорон дар меҳвари таваҷҷуҳи давлату Ҳукумати ҷумҳурӣ қарор гирифта, нисбат ба онҳо як қатор имтиёзҳо пешбинӣ гардидааст. Аз ҷумла, баҳри амалӣ намудани ислоҳоти андоз дар ҷумҳурӣ Кодекси андоз дар таҳрири нав таҳия ва қабул шуда, аз 1 январи соли 2013 мавриди амал қарор гирифт. Тибқи он бартариҳои зиёд, ба монанди шумораи андозҳо бо роҳи аз кодекс хориҷ намудан ва дар низомҳо муттаҳид кардани андозҳои ба ҳам алоқаманд ҷорӣ шуд. Номгӯи андозҳо аз 21 ба 10 намуд, яъне шумораи эъломияҳои андоз то 41 дарсад, теъдоди ҳисоботҳои андоз то 86 дарсад ва шумораи умумии пардохтҳои андоз то 43 дарсад кам гардид.

Бо вуҷуди ин, на ҳамаи соҳибкорон ин дастгириҳои давлату Ҳукумати ҷумҳуриро дарк карда, дар фазои озоди соҳибкорӣ уҳдадориҳои худро ба таври зарурӣ таъмин менамоянд. Чунончи шаҳрванд Сафаралӣ Авғонов аз 31 марти соли 2013 ҶДММ “Дилшод Авғонов”-и шаҳри Сарбандро таъсис дода, ба фаъолияти соҳибкорӣ машғул мешавад. Вале бо роҳи пешниҳод накардани эъломияҳои андоз оид ба даромаду хароҷоти маҳсулоти воридкардааш ё дигар ҳисоботҳои андоз манбаъҳои андозбандишавандаро ба миқдори калон пинҳон доштааст. Номбурда ба ин тартиб аз супурдани андозҳо аз шахси ҳуқуқӣ саркашӣ намуда, даст ба ҷиноят задааст.
Сафаралӣ Авғонов дар давраи моҳи январ то моҳи июни соли 2015 ба фаъолияти иқтисодӣ - хориҷӣ машғул гашта, аз Ҷумҳурии Исломии Афғонистон тавассути гумруки “Панҷи Поён” миқдори зиёди маводи хӯрока ва дигар маҳсулотро ворид намуда, бархилофи талаботи қонунгузории андоз эъломияҳои андозро пешниҳод накарда, манбаъҳои андозбандишавандаро пинҳон доштааст. Соҳибкор дар натиҷа ба маблағи 511426 сомонӣ аз пардохти андозҳо аз шахси ҳуқуқӣ, саркашӣ намуда, бо назардошти фоизҳо ба маблағи 677868 сомонӣ ба пинҳонкунии андозҳо роҳ додааст.
Ҳамчунин, номбурда ҳалномаи эътибори қонунӣ пайдокардаи  суди иқтисодии вилоятро аз 14 июли соли 2014 дар бораи рӯёнидани  маблағи 366466 сомонӣ қарзҳои андози ҶДММ “Дилшод Авғонов” - и шаҳри Сарбанд қасдан иҷро накардааст. Дар натиҷаи таъмин накардани уҳдадориҳояш қарзи андозҳои ҶДММ “Дилшод Авғонов” дар назди буҷети давлат 496439 сомонӣ расидааст. Авғонов Сафаралӣ аз пардохти маблағи қарзи андозҳо низ саркашӣ намуда, бо ин ҳаракатҳояш ба маблағи умумии 1174307 сомонӣ ба давлат зарари калони иқтисодӣ расондааст.  
Бинобар ин, 18 августи соли 2015 аз тарафи прокуратураи вилоят нисбати Авғонов Сафаралӣ Субҳонович бо моддаҳои 292 қисми 1 ва 363 - и Кодекси ҷиноятии Ҷумҳурии Тоҷикистон парвандаи ҷиноятӣ оғоз шуда, пас аз итмоми тафтишоти пешакӣ парванда барои моҳиятан баррасӣ намудан ба суд ирсол гардид.
Тибқи ҳукми суди шаҳри Сарбанд аз 29 январи соли 2016 Сафаралӣ Авғонов барои саркашӣ аз супурдани андозҳо аз шахси ҳуқуқӣ ва барқасдона иҷро накардани ҳалномаи судӣ гунаҳкор дониста шуда, бо назардошти ҳолатҳои дар рафти тафтишоти пешакӣ ва судӣ аз ҷониби номбурда барқарор накардани маблағи зарари расида, се сол аз озодӣ маҳрум карда шуд.
Бояд дигар андозсупорандагон ё соҳибкорон аз амалҳои худсаронаи Сафаралӣ Авғонов, ки барои саркашӣ аз супурдани андоз ва барқасдона иҷро накардани қарори судӣ паси панҷара рафт, хулосаи зарурӣ бароварда аз чунин кирдори ғайриқонунӣ худдорӣ намоянд.

С. Х. БОБОЗОДА, сардори шуъбаи
назорати иҷрои қонунгузории нақлиёт
ва гумруки прокуратураи вилояти Хатлон,
мушовири адлияи дараҷаи 2


Баёни ақида (0)    Санаи нашр: 16.02.2016    №: 32    Мутолиа карданд: 769

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад

Таъкиди Путин аз зарурати арҷгузории арзишҳои оилаи серфарзанд

Сарвазири Афғонистон: "Натиҷа бояд ба раъйдиҳии воқеии халқи мо асос ёфта бошад"

Чин ба шарти бастани созишномаи тиҷоратӣ бо ИМА ба мувофиқа расид

Ҷаҳон дар як сатр

САМБО. Медалҳои биринҷии гӯштигирони тоҷик

08.11.2019


Давлаталӣ Саид бо Мансур бинни Зойид оли Наҳён вохӯрд

Баргузории конференсия оид ба саҳми диаспораҳо дар рушди кишвар

Масоили ҳамкории фарҳангӣ матраҳ шуданд

МАОРИФ. Медали тиллои хонандагони точик аз Туркия

07.11.2019


Гурӯҳи мусаллаҳ безарар гардонда шуд

БОКС. Медали тиллои муштзани тоҷик дар Россия

ФОРУМИ ПАНҶУМИ МИЛЛӢ. Пойгоҳе ки ҳуқуқшиносонро ба ҳам меорад

Ба Ингушистон суриёие омад, ки аспсавор ба дидори Путин раҳсипор аст

Эрдуғон аз боздошти ҳамсари сарвари "ДИ" Ал-Бағдодӣ хабар дод

Интиқоди ҳазорҳо олим аз беэътиноии сиёсатмадорон ба тағйири иқлим

Пойтахти Тоҷикистон мизбони ҷаласаи Шӯрои ҳамкориҳои ИДМ мешавад

Ҷаҳон дар як сатр

05.11.2019


Роҳҳои баланд бардоштани ҳифзи ҳуқуқҳои истеъмолкунандагони хизматрасониҳои молиявӣ баррасӣ шуданд

Ҳамоиш доир ба нақши ҷавонон дар тарғиби арзишҳои миллӣ

ҶОМИ ТОҶИКИСТОН – 2019. «Истиқлол» ва «Регар - ТадАЗ» бори ҳафтум дар финал

Вохӯрии раҳбарони кумитаҳои амнияти Тоҷикистону Қирғизистон дар Исфара

СММ: "Дар 100 сол аз сунами беш аз 250 ҳазор нафар ҳалок гашт"

Дар Сурия хоҳари Бағдодӣ бо хонаводааш боздошт шуд

Трамп бо Россия ва Чин оид ба назорати силоҳ созишнома бастанист


Дар сомонаҳои дигари Тоҷикистон хонед