logo

иқтисод

ФАЙЗОБОД. ОБ, ОБ, ОБ…

Бетаъмир мондани  канали  «50 – солагии Тоҷикистон» - манбаи асосии оби кишоварзон муҷиби камҳосилӣ ва бекорхобии заминҳои корами ноҳия гардидааст.

Обу ободӣ мегӯянд. Об аст, ки табиат ҷомаи сабз ба бар мекунад ва инсон биёбонро ба гулистон табдил медиҳад. Ҳарчанд баҳри нашъунамои хуби рустаниҳо ва боғу токзор  кишоварзон  кӯшанд,  замини ҳосилхез дошта бошанд ва  доруҳои минералӣ пошанд, вале бо рӯ задани норасоии об ҳамаи заҳматҳо барабас мераванд. 
Бо назардошти аҳамияти об дар парвариши зироатҳои кишоварзӣ Пешвои миллат - Президенти кишвар Эмомалӣ Раҳмон зимни сафарҳои корӣ ба шаҳру навоҳии мамлакат ҳамеша барқарорсозии шабакаҳои обёрии мавҷуда ва сохтани каналҳои навро таъкид мекунанд. Роҳбари давлат соли 2014 ҳангоми сафари корӣ ба ноҳияи Файзобод навсозии шабакаи обёрии «50 – солагии Тоҷикистон»  - ро, ки аз дарёи Кофарниҳон ба майдонҳои кишти ноҳия об мерасонад, барқарорсозии силсилачоҳҳо  ва ба 1000 гектар расондани заминҳои кишти картошкаро ба масъулон дастур дода буданд. Аммо 2 сол мегузараду канал ҳанӯз барқарор нагардидааст.   Бо  сабаби  камобӣ  майдони кишти картошка ба 800 гектар ҳам нарасидааст. 
 Миралӣ Раҷабзода, раиси ноҳия, изҳор дошт, ки барқарорсозии қисматҳои фарсудаи шабакаи обёрии номбурда  идома дорад. Соли гузашта  ба воситаи он  наздик ба 60 гектар замини кишт бо об таъмин гардид. Вале ин натиҷа хеле паст аст. Чунки канали «50 – солагии Тоҷикистон»   манбаи асосии оби полезии ноҳия буда, дар сурати комилан барқарор сохтани он наздик ба 50 дарсади заминҳои кишти ноҳия   бо об  пурра таъмин мешаванд.
Сайдалӣ Шамсов, сардори раёсати кишоварзии ноҳия, гуфт, ки    аз заминҳои киште,  ки дучори норасоии об гардидаанд,  обёрии қариб  1700 гектари онҳо  ба канали «50 – солагии Тоҷикистон»  рост меояд. Агар шабакаи обёрии номбурда пурра барқарор гардад, ҳаҷми майдони кишти картошка низ меафзояд. Айни замон, беобӣ муҷиби камҳосилӣ  ва бекор мондани заминҳои корам гардидааст. Инчунин, хатҳои  обе, ки шаҳрвандон худсарона кашидаанд, боиси камчинии об дар қитъаҳои дигар мебошад. Чунки дар як мавзеъ сокинон бо истифодаи лӯлаҳои қутрашон 200 милиметр об мегиранд, дар қитъаҳои дигар кишоварзон аз беобӣ танқисӣ мекашанд. Пас, тасаввур кунед, ки ҳол чӣ гуна  аст.
Ба гуфтаи Нусрат Саймуродов, сардори агентии беҳдошти замин ва обёрии ноҳия,  сабаби кашол ёфтани таъмири канал ва чоҳҳо сари вақт ҷудо нашудани  маблағи даркорӣ буда, айни замон мушкилии мазкур ба пардохти  маоши коргарон  низ таъсир расондааст.
Аз гуфтаҳои боло бармеояд, ки навсозии канали номбурда ҳамчун манбаи оби заминҳои корами ноҳияи Файзобод  аҳамияти калон дорад. Вале масъулони вазорату идораҳои марбута  дар кори барқарорсозии  саривақтии шабакаи обёрӣ ва чоҳҳои амудӣ ба саҳлангорӣ роҳ додаанд. Агар таъмиру барқарорсозии  қисматҳои харобшудаи канал ва ба кор даровардани муҳаррикони обкаши он сари вақт анҷом меёфт, зиёда аз 1,6 ҳазор  гекар замин бо оби даркорӣ таъмин ва ҳазорҳо нафар соҳиби ҷойи кору даромад мешуданд. Мутаассифона,  ҳоло низ маълум нест, ки имсол хоҷагидорони кишоварзии ноҳияи Файзобод аз оби канали «50 – солагии Тоҷикистон» баҳраманд мешаванд  ё  на? 
Ташрифулло САЪДУЛЛОЕВ, «Ҷумҳурият»


Баёни ақида (0)    Санаи нашр: 16.02.2016    №: 32    Мутолиа карданд: 568

21.11.2018


Аз таркиш дар Кобул беш аз 50 нафар ҳалок шуд

Ӯзбекистон нахустин намоишгоҳ-ярмаркаи байналмилалии содиротӣ мегузаронад

Могерини: «Иттиҳоди Аврупо «артиши аврупоӣ» ташкил карданӣ нест»

Табобати гепатити С дар Беларус аз арзонтарин дар Аврупост

Ҷаҳон дар як сатр

ДУШАНБЕ. Таҷлили нахустин ҷашни занони соҳибкор

ДЕВАШТИЧ. Тантанаи Рӯзи Президент

Иштироки мунтахаби футболи бонувон дар CAFA

20.11.2018


СУҒД. Оғози сохтмони раёсати маориф

ЛЕВАКАНТ. Конфронси илмӣ - назариявӣ ба ифтихори Иҷлосияи XVI

"Парасту" дар Тоҷикобод

Сарони кишварҳои Осиёи Марказӣ барои машварат дар Тошканд ҷамъ меоянд

Финляндия ҷонибдори ҳузури Россия дар Шӯрои Аврупо

Вазорати маорифи Афғонистон 30 ҳазор занро ба кор мегирад

Баррасии рушди инклюзивии иқтисоди қитъа дар Гвинея Папуаи Нав

Ҷаҳон дар як сатр

АНВАР ЮНУСОВ СОҲИБИ КАМАРБАНДИ WBF

"СОРО КОМПАНИЯ" ҒОЛИБИ ЛИГАИ КАСБИИ ФУТЗАЛИ ТОҶИКИСТОН

19.11.2018


ДЕВАШТИЧ. Авҷи созандагиҳо дар Ҷамоати деҳоти Яхтан

Артиши Сурия охирин истеҳкоми «ДИ» дар ҷануби кишварро зери назорат гирифт

Дар ҳама минтақаҳои Ӯзбекистон «мактаби президентӣ» месозанд

Роҳандозии барномаи махсуси давлатии ипотекӣ барои дӯзандагони Қирғизистон

Киштии зериобии «Сан Хуан» - ро дар уқёнуси Атлантика ёфтанд

Ҷаҳон дар як сатр

Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд


Дар сомонаҳои дигари Тоҷикистон хонед