logo

ҳуқуқ

ТОҶИКИСТОН ДАР МАСИРИ БАРҲАМ ДОДАНИ МЕҲНАТИ КӮДАК

Истифодаи меҳнати кӯдакон, хусусан шаклҳои бадтарини он, кулли мардуми соҳибхиради сайёраро нигарон намудааст. Ҳамин аст, ки сохтори махсуси Созмони Милали Муттаҳид - Ташкилоти байналмилалии меҳнат (ТБМ) мубориза алайҳи меҳнати кӯдакон, хусусан шаклҳои бадтарини онро дар сархати фаъолияти худ ҷой додааст. Конвенсияҳои ТБМ «Дар бораи ҳадди ақалли синни қабул ба кор» (соли 1973, № 138), «Дар бораи шаклҳои бадтарини меҳнати кӯдак» (соли 1999, № 182), санад «Дар бораи ҷалб накардани кӯдакон ба муноқишаҳои мусаллаҳона» (соли 2000) ва конвенсияи СММ «Дар бораи ҳуқуқи кӯдак» (соли 1989) аз ҷумлаи муҳимтарин санадҳои меъёрию ҳуқуқии байналмилалӣ дар ҷодаи ҳифзи ҳуқуқи кӯдаканд. Ҷумҳурии Тоҷикистон пас аз ноил шудан ба Истиқлолияти давлатӣ ба конвенсияҳои ҳифзи ҳуқуқи кӯдак (аз ҷумла 26 октябри соли 1993 ба конвенсияи СММ, 26 ноябри соли 1993 ба конвенсияи № 138,  8 июни соли 2005 ба конвенсияи № 182) ҳамроҳ гардид ва Ҳукумати Ҷумҳурии Тоҷикистон уҳдадории дар сатҳи миллӣ роҳандозӣ намудани тадбирҳои зарурӣ барои барҳам додани  меҳнати кӯдакро бар дӯш гирифт. Тибқи Конститутсияи (Сарқонуни) Ҷумҳурии Тоҷикистон модарон ва кӯдакон зери ҳимоя ва ғамхории махсуси давлат қарор доранд. Ҳамчунин қонунҳои Ҷумҳурии Тоҷикистон «Дар бораи маориф», «Дар бораи ҳифзи меҳнат», Кодекси меҳнат, Кодекси оила ва Кодекси ҷиноятии  Тоҷикистон таъмини  ҳуқуқи кӯдакро ба таҳсил, таълиму тарбия, ғамхорӣ, ҳимояи махсуси онҳо аз зуҳуроти номатлуб, зиндагӣ дар хавфу хатар, киро барои истисмор, фурӯхтан ва ҷалб намудан ба ҷиноятро кафолат  додаанд. Соли 2007 дар кишвар Гурӯҳи  миллии корӣ оид ба барҳам  додани меҳнати кӯдак ба фаъолият пардохт. Минбаъд дар пояи он Шӯрои  ҳамоҳангсози байниидорӣ оид ба барҳам  додани шаклҳои бадтарини меҳнати  кӯдак (с. 2012) таъсис ёфт, ки фаъолияти худро бар асоси сиёсати миллӣ ва муқаррароти  конвенсияҳои ТБМ (№ 138 ва 182) ба роҳ мондааст. Ҳамкориҳои густурдаи Тоҷикистон бо ТБМ, бавижа Барномаи байналмилалии ТБМ оид ба  барҳам додани  меҳнати кӯдак (ТБМ -  ИПЕК) соли 2005 оғоз гардиданд. Тайи 10 соли ҳамкории муваффақ нақшаю стратегияҳои  алоҳидаи миллию минтақавӣ оид ба барҳам додани  меҳнати кӯдак таҳия  ва татбиқ гардидаанд. Натиҷаи ҳамкориҳои  босамари шарикони сеҷониба – Ҳукумати мамлакат, Федератсияи иттифоқҳои касабаи мустақил ва Иттиҳоди корфармоёни Тоҷикистон бо ТБМ буд, ки 31 октябри соли 2014 Қарори Ҳукумати Ҷумҳурии Тоҷикистон «Дар бораи Барномаи миллӣ оид ба барҳамдиҳии  шаклҳои бадтарини меҳнати кӯдакон дар Ҷумҳурии Тоҷикистон барои солҳои 2015 – 2020» ба тасвиб расид. Аз байн бурдани шаклҳои бадтарини меҳнати кӯдакон, ки яке аз самтҳои  афзали сиёсати давлат ба шумор  меравад, фароҳам овардани шароити мусоид барои таъмини зиндагии босаодат ва саломатии кӯдакону  наврасон, пешгирӣ намудани осебпазирии  истеҳсолӣ, беморӣ ва хатарҳои касбӣ ҳадафҳои асосии ин  барномаанд.
Раванди татбиқи  барнома тайи соли аввал, мушкилоту проблемаҳое, ки   амалисозии  барномаро душвор месозанд, ҷустуҷӯ ва пешниҳоди роҳҳои босамари ҳамкории шарикони иҷтимоӣ бо ТБМ ва созмонҳои дигари байналмилалию ҷамъиятӣ мавзӯи меҳварии мизи гирд, ки дар  толори намояндагии ТБМ дар Тоҷикистон баргузор гардид, қарор гирифт. Зикр шуд, ки тайи 10 соли  амалисозии Барномаи  байналмилалии ТБМ оид ба барҳам додани меҳнати кӯдак аз ҷониби шарикони иҷтимоӣ, мақомоти мутасаддӣ, созмонҳои ҷамъиятӣ дар ҳамкорӣ бо ТБМ ва сохторҳои  марбутаи СММ корҳои зиёде ба сомон расонда шудаанд, ки таҳия ва татбиқсозии «Барномаи миллӣ оид ба барҳамдиҳии шаклҳои бадтарини меҳнати кӯдакон дар Ҷумҳурии Тоҷикистон барои  солҳои 2015 – 2020» муҳимтарини онҳо  маҳсуб меёбад. Ҳалли мушкилоти меҳнати кӯдакон дар доираи таҳия ва амалисозии сиёсати  миллӣ, васеъ намудани дараҷаи  дониши  корфармоён, кормандони масъули бахш ва созмонҳои ҷамъиятӣ оид ба ин масъала, таҳкими иқтидори  мақомоти давлатӣ, тақвият бахшидан ба фаъолияти иттилоотонии қишрҳои гуногуни ҷомеа ва хизматрасонӣ ба кӯдакони коргар ҳадафи асосии  ин барнома мебошад. Татбиқи босамари  барномаи миллӣ барои солҳои 2015 – 2020 ба решакан кардани  шаклҳои бадтарини меҳнати кӯдакон ва рушди иҷтимоию иқтисодии  кишвар мусоидат намуда, ояндаи  хушбахтонаи кӯдаконро  таъмин месозад.

Сайвалӣ АЗИЗОВ, «Ҷумҳурият»


Баёни ақида (0)    Санаи нашр: 17.02.2016    №: 33    Мутолиа карданд: 545

22.02.2019


Ҷаласаи Комиссияи сетарафаи танзими муносибатҳои иҷтимоию меҳнатӣ

Забони тоҷикӣ таърихи зиёда аз чорҳазорсолаи хату алифбо дорад

ББТ барои фаъолияти оператори низоми пардохтии “Осон” иҷозатнома гирифт

МАВСИМИ НАВИ ЛИГАИ ОЛӢ МОҲИ АПРЕЛ ОҒОЗ МЕГАРДАД

Путин самтҳои асосии сиёсати хориҷии Россияро тавзеҳ дод

Хадамоти вижаи 7 кишвари ИДМ машқи "Арарат-Антитеррор" мегузаронанд

Чин дар кайҳон неругоҳи барқи офтобӣ месозад

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид


Дар сомонаҳои дигари Тоҷикистон хонед