logo

иқтисод

БОҒҲОИ ИНТЕНСИВӢ АКНУН БО УСУЛИ НАВ БУНЁД МЕШАВАНД

Бо қарори мақомоти иҷроияи ҳокимияти давлатии вилояти Суғд ҷиҳати бунёди боғҳои интенсивӣ бо истифода аз навгониҳои илму техника дар мавзеи Сомғор ба 110 нафар соҳибкори маҳаллӣ аз шаҳри Хуҷанд ва ноҳияи Бобоҷон Ғафуров дар масоҳати 765 гектар қитъаҳои замин ҷудо карда шуд. Тибқи барномаи таҳияшудаи вилоятӣ « Оид ба обёрии қатравӣ ва бунёди боғҳои интенсивӣ» дар ин ҷо бояд боғҳои нави зардолуву олу, шафтолу ва ангур бунёд гашта, нашъунамо ва парвариши ниҳолҳо бо истифода аз таҷрибаи мамолики пешрафтаи Аврупову Амрико ва обёрӣ бо усули қатравӣ ба роҳ монда шавад.
Абдураҳмон Қодирӣ, раиси вилояти Суғд, ҳини ширкат дар ин маросим аз соҳибкорон даъват ба амал овард, ки аз қитъаҳои замин самаранок истифода бурда, муваффақ шаванд, ки аллакай дар соли панҷуми нашъунамо ниҳолҳо ба ҳосил дароянд.
- Гузаштан ба шаклу усулҳои ҷадиду муосир дар ҷодаи бунёди боғу токзор, рӯёндани ҳосили фаровон ва дар баробари таъмини бозори дохиливу коркарди маҳсулоти ниҳоӣ содироти онро ба кишварҳои хориҷи дуру наздик ба роҳ мондан талаботи рӯз ва аз муҳимтарин дастуру супоришҳои Пешвои миллат, Президенти кишвар Эмомалӣ Раҳмон ҷиҳати таъмини амнияти ғизоии мамлакат маҳсуб меёбад. Баъдан шароити низоми бозоргонӣ низ инро ҷиддан тақозо мекунад. Бо назардошти манфиати муҳими иқтисодии ҷумҳурӣ, бо мушоҳида аз он ки талаботи бозори ҷаҳонӣ ба меваҳои хушку тару аз лиҳози экологӣ тоза, аз қабили зардолу, шафтолу, махсусан олуи сиёҳ сол то сол меафзояду барои рушди иқтисодиёти вилояту ҷумҳурӣ аз имкониятҳои хеле мувофиқу дастрас арзёбӣ мешавад, мо бунёди чунин боғҳои интенсивиро дар мавзеи Сомғор шурӯъ кардем, - гуфт Абдураҳмон Қодирӣ.
Анвар Яъқубӣ, муовини раиси вилоят, иттилоъ дод, ки татбиқи барномаи мазкур барои сокинони вилояти Суғд аҳамияти муҳими иқтисодиву иҷтимоӣ дорад, зеро ба ин восита ҳам дар ин мавзеъ шаҳри нави замонавии Сайҳун бунёд меёбаду ҳам ҳазорҳо гектар дашти асрҳои аср бекорхобида ба гулистон табдил меёбад, муҳимтар аз ҳама, дар ояндаи начандон дур ҳазорҳо нафар сокинони вилоят соҳиби ҷойи кор хоҳанд шуд. Дар марҳилаи нахуст, яъне то 1 марти соли равон дар ин мавзеъ зиёда аз 1000 гектар боғҳои нави интенсивӣ бунёд ва бо оби доимӣ таъмин шуда, мутахассисон ба заминагузории моддиву техникии навбати дувуми обёрии даштҳои мавзеъ ва сохтмони ҳавзи замонавӣ шурӯъ мекунанд.
Умедҷон Шарифов, директори ширкати «Қатра», оид ба бартариҳои усули нави обёрии қатравӣ иброз дошт, ки дар шароити имрӯза аз ин усул аз ҳама хубтар бо технологияи пешқадам дар Исроил, Амрико, Олмон ва Хитой самаранок баҳрабардорӣ мекунанд. Дар Исроил баъди ҳар панҷ сол тамоми лӯлаҳои обравро ҷиҳати аз лою рег тоза шудан иваз мекунанд. Дар шабакаҳои имрӯзаи мо чунин нест, зеро аз таҷрибаи Олмону Амрико истифода бурда мешавад, яъне ҷумакҳои обрезиро худи деҳқон бо осонӣ аз регу лой тоза мекунад. Албатта, бартарии нахустини усули обёрии қатравӣ, ин сарфаи об аст, ки дар шароити Тоҷикистон басо муҳим мебошад. Бо ин усули парваришу обёрии зироату боғу токдорӣ об то панҷ маротиба сарфа мешавад. Табиист, ки дар масъалаи сарфаи неруи барқ низ бартарии обёрии қатравӣ ба мушоҳида мерасад, дар як сол барои як гектар 16 сомонӣ сарф мешавад, барои обёрии ҷӯйборӣ бошад, 69 сомонӣ.
Дурнамои рушди боғдорӣ дар даштҳои беканор, талу теппаҳои ноҳияҳои Ашт, Ғончӣ ва Мастчоҳу Бобоҷон Ғафуров маҳз ба татбиқи ҳамин усули обёрӣ вобаста аст.

Ҷовиди АШТӢ, «Ҷумҳурият»


Баёни ақида (0)    Санаи нашр: 17.02.2016    №: 33    Мутолиа карданд: 548

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"


Дар сомонаҳои дигари Тоҷикистон хонед