logo

фарҳанг

ЗАБОНИ ТОҶИКӢ - ШИНОСНОМАИ МО БА ҶАҲОНИЁН

Дар тӯли таърих басо марҳилаҳое буданд, ки барои наҷоти халқе, қавме ва ё миллате ба пешвои дурандешу соҳибтадбир ниёз пайдо шудааст. Чунин зарурати таърих аввали солҳои 90-уми асри гузашта барои миллати куҳанбунёди мо низ пеш омад.
Марҳилае буд, ки миллати мо дар вартаи пошхӯрӣ ва Тоҷикистони азиз дар ҳолати тақсимшавӣ қарор дошт. Дар чунин марҳилаи тақдирсоз, таърих барои миллати мо шахси тавонгар - Эмомалӣ Раҳмонро эҳдо намуд. Ин танҳо бозёфти Иҷлосияи таърихии 16 Шӯрои Олии ҷумҳурӣ набуд, балки тақозои сарнавишт буд. Бузургтарин коре, ки нахуст Эмомалӣ Раҳмон анҷом дод, садоқату вафодорӣ нисбат ба савганде буд, ки дар Иҷлосияи таърихӣ ба ҳайси Раиси Шӯрои Олии Ҷумҳурии Тоҷикистон ёд карда буд. Ин аст, ки имрӯз аз баракати талошҳои хастанопазири Сарвари давлат муҳтарам Эмомалӣ Раҳмон мардуми мо дар кишвари орому осуда зиндагӣ мекунанд.
Қонуни Ҷумҳурии Тоҷикистон «Дар бораи Асосгузори сулҳу ваҳдати миллӣ-Пешвои миллат», ки Маҷлиси намояндагони Маҷлиси Олии Ҷумҳурии Тоҷикистон дар асоси пешниҳоди мардум қабул намуд, дар ҳақиқат як амри таърихӣ буд. Вале бояд гуфт, ки Эмомалӣ Раҳмон ба ин унвон кайҳо сазовор гардида, мардуми кишвар бидуни қонун ҳам, ин шахсияти таърихиро ба сифати пешво ва доҳии миллат кайҳо пазируфтаву эътироф карда буданд.
Ҳама шоҳиди онем, ки маҳз ба туфайли талошу суботкориҳои Эмомалӣ Раҳмон нақбҳои Истиқлолу Шаҳристон, ки орзуи чандинсолаи халқ буд, боз шуда, робитаи доимии самтҳои ҷанубу шимоли кишварро таъмин намуд. Бо сохта ба истифода додани нақбҳои Чормағзаку Шаршар низ рафтуои мардум дар айёми зимистону баҳор хеле осон шуд. Бунёди неругоҳҳои барқи обии Сангтӯда-1 ва Сангтӯда-2 ба татбиқи барномаҳои энергетикӣ мусоидат кард.
Дар ҳақиқат, нишондоду гуфтаҳои Президент ҳамеша сармашқи фаъолияти ҳамарӯзаи кормандони дастгоҳи кории Комиссия буданд. Воқеан ҳам, то солҳои 2003 - 2004 роҳбарони баъзе ташкилоту корхонаҳо ба санҷишҳои нақшавии кормандони дастгоҳи кории Комиссия монеа эҷод карда, ба ҷорӣ кардани забони давлатӣ дар коргузориашон розӣ намешуданд, баҳонаву далелҳо пеш меоварданд. Воқеан, дар ин гуна ҳолатҳо на фақат ба бандҳои қонуни забон, балки ба гуфтаҳои Президент низ такя менамудем. Сарвари фарҳангпарвари мо дар ҳар мулоқот бо ҷавонон, занон, зиёиён ва ҳатто ҷаласаҳои Ҳукумати ҷумҳурӣ дар бораи посдории мақоми забон пешниҳодҳои муфид ироа мекард.
Кишвари соҳибистиқлоли мо имрӯз ба ҷаҳониён маҳз бо забони тоҷикӣ ва адабиёти мондагор муаррифӣ мешавад. Суханрониҳои Эмомалӣ Раҳмон аз минбари Созмони Милали Муттаҳид, дигар созмонҳои бонуфузи ҷаҳон ва кишварҳои олам бо забони ноби тоҷикӣ ҳарф задаву мақоми онро баланд бардоштааст. Ин боис шуда, ки майлу рағбати хориҷиён ба омӯхтану донистани забони тоҷикӣ рӯз ба рӯз зиёд гашта, забони тоҷикӣ дар чандин донишгоҳҳои Амрико, Олмон ва Русия таълим дода мешавад. Дар марказҳое, ки назди Донишгоҳи миллии Тоҷикистон, Донишгоҳи давлатии омӯзгории Тоҷикистон ба номи Садриддин Айнӣ ва дигар ассотсиатсияҳо амал мекунанд, даҳҳо нафар шаҳрванди хориҷӣ аз кишварҳои Амрико, Олмон, Кореяи Ҷанубӣ, Чин ва ғайра забони тоҷикӣ меомӯзанд. Забони тоҷикӣ дар ҳамбастагӣ бо форсии Эрону дарии Афғонистон шуҳрати ҷаҳонӣ пайдо мекунад ва дар шинохти Тоҷикистони соҳибистиқлол нақши муҳим мебозад, ки дар ин бобат хидмати Сарвари давлат хеле бузург аст.

Ғаффор ҶӮРАЕВ,
сарходими илмии Институти
забон, адабиёт, шарқшиносӣ ва мероси хаттии ба номи Рӯдакии Академияи илмҳои Ҷумҳурии Тоҷикистон, профессор
 


Баёни ақида (0)    Санаи нашр: 18.02.2016    №: 34    Мутолиа карданд: 668

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед