logo

ҳуқуқ

МО БОЯД ОГОҲ БОШЕМ

ДАР БОБИ ШИНОХТИ ВИЖАГИҲО ВА РОҲИ ЭМИН БУДАН АЗ САВДОИ ОДАМОН

Тоҷикистон дар Осиёи Марказӣ аввалин кишваре буд, ки соли 2004 «Дар бораи мубориза ба муқобили хариду фурӯши одамон» қонун қабул кард. Баъди даҳ сол дар кишвар Қонуни нави Ҷумҳурии Тоҷикистон «Дар бораи муқовимат ба савдои одамон ва расондани ёрӣ ба қурбониёни савдои одамон» ба амал ворид гардид.
Дар робита ба аҳамияти қабул ва татбиқи қонуни мазкур, инчунин мубориза алайҳи хариду фурӯши одамон Абдуманон Холиқзода, муовини аввали вазири адлияи Ҷумҳурии Тоҷикистон, дар суҳбат бо мо чунин гуфт:

- Мутаассифона, тамоюли афзоиши хариду фурӯши одамон дар тамоми олам ба мушоҳида мерасад, зеро ҷинояткорон аз ҳисоби савдои одамон суди зиёд ба даст оварда, тибқи гузоришҳо ин амали номатлуб аз рӯи даромаднокӣ дар ҷаҳон мақоми сеюмро ба худ ихтисос додааст.
Бо мақсади иҷрои уҳдадориҳои байналмилалӣ ва ташаккули доктринаи ҳуқуқии миллӣ, дар ин соҳа соли 2003 ба Кодекси ҷиноятии Ҷумҳурии Тоҷикистон моддаи 1301 «Хариду фурӯши одамон» илова шуд, ки дар он ҷазоҳо барои хариду фурӯши одамон бо мақсадҳои истисмор (истисмори шаҳвонии шахсони дигар ва намудҳои дигари истисмори шаҳвонӣ, меҳнат ё хизматрасониҳои иҷборӣ, ғуломӣ ё одатҳои шабеҳи ғуломӣ, ҳолати ғайриихтиёрӣ ё гирифтани узв ё бофтаи бадан) бо роҳи таҳдид, зӯрӣ, фиреб, суистифодаи мансаб, суистифода аз осебпазирии шахс, ришвадиҳӣ барои гирифтани ризоият, ба мардикорӣ ҷалб намудан, интиқол, таҳвил, пинҳон кардани одамон муқаррар карда шуд.
Марҳалаи баъдӣ дар соли 2004 қабул гардидани Қонуни Ҷумҳурии Тоҷикистон «Дар бораи мубориза ба муқобили хариду фурӯши одамон» буд, ки ҷиҳати татбиқи он дар ду давра (солҳои 2006-2010 ва 2011-2013) барномаҳои вижа таҳия гардиданд.
Бояд гуфт, ки хариду фурӯши одамон масъалаи фаромиллист, ки дар он ҷинояткорони кишварҳои гуногун иштирок доранд. Бинобар ин, барои муқовимати муваффақона ба хариду фурӯши одамон ҳамкории байналмилалӣ, аз ҷумла мутобиқати қонунҳои миллӣ бо қонунгузории байналмилалӣ, ниҳоят зарур аст.
Аз ин сабаб, Маҷлиси намояндагони Маҷлиси Олии Ҷумҳурии Тоҷикистон қонуни мазкурро дар таҳрири нав баррасӣ ва қабул намуд. Он бо назардошти воқеияти кишвар ва дар асоси қонуни намунавии Ассамблеяи байнипорлумонии ИДМ, ки тамоми ҷанбаҳои муосири муқовимат оид ба савдои одамонро инъикос менамояд, таҳия гардида буд.
Қонун ба таъсиси муассиса ё марказҳои махсусе  имкон медиҳад, ки ёрӣ ва дастгириро ба қурбониёни хариду фурӯши одамон амалӣ мегардонанд. Марказҳо метавонанд, ба қурбониён ба муҳлати муайян паноҳгоҳ диҳанд, онҳоро бо расмиёти маъмуриву судие, ки манфиаташонро ҳимоя мекунанд, шинос намоянд. Илова бар ин, ин санад бори аввал имконияти фаъолияти иттиҳодияҳои ҷамъиятиро дар соҳаи муқовимат ба хариду фурӯши одамон, аз ҷумла ташкили чорабиниҳои иттилоотӣ, таъсиси марказҳои ёрӣ ба қурбониёни савдои одамон, муқаррар кардааст.
Намояндагиҳои дипломатӣ ва консулгариҳои хориҷии Тоҷикистон дар доираи ваколатҳои худ ва тибқи қонунгузории кишвари будубошашон ҳимояи ҳуқуқу манфиатҳои шаҳрвандони Ҷумҳурии Тоҷикистонро, ки қурбонии хариду фурӯши одамон гардидаанд, амалӣ месозанд ва барои бозгашти онҳо ба мамлакат мусоидат мекунанд.
Дар қонун оид ба пешгирии хариду фурӯши одамон, ба сиёсати иттилоотию  маърифатӣ аҳамияти вижа дода шудааст. Давлат дар ин самт корҳои зиёдеро анҷом медиҳад, вале зарур аст, ки сокинони Тоҷикистон аз ин корҳо бохабар бошанд, ба иттилооти огоҳкунанда диққат диҳанд ва ба кӯшишҳои мақомоти ҳифзи ҳуқуқ мусоидат намоянд.
Бо истифода аз минбари «Ҷумҳурият», мехоҳам таъкид кунам, ки шаҳрвандони Ҷумҳурии Тоҷикистон, бояд хатари хариду фурӯши одамон ва шаклҳои ин фаъолияти ҷиноятиро бидонанд. Агар азми сафари хориҷа доранд, новобаста аз мақсади сафар, доираи васеи хешон ва мақомоти давлатиро огоҳ созанд. Ҳангоми сафар ба хориҷа, бо худ нишонӣ ва телефонҳои боварии сафоратҳо ва консулгариҳои Тоҷикистон, шуъбаҳои дар маҳал қарордоштаи Созмони байналмилалии муҳоҷират ва дигар созмонҳоро дошта бошанд. Қаблан, ваколатҳои миёнаравонро санҷиш ва дар бораи фаъолияти пешинаи онҳо маълумот ба даст оранд. Дар ягон маврид имкон надиҳанд, ки ҳуҷҷатҳо, аз ҷумла шиноснома, билети ҳарбӣ, шаҳодатномаи таваллуд ба дасти бегонагон афтад. Зеро агар аз ҳуҷҷатҳо маҳрум шаванд, дар ҳолати пайдо шудани вазъи хатарнок имконияти ба мақомоти маҳаллӣ барои ёрӣ муроҷиат карданро аз даст медиҳанд.

Додоҷон РӮЗИЕВ,
«Ҷумҳурият»


Баёни ақида (0)    Санаи нашр: 23.02.2016    №: 37    Мутолиа карданд: 409

13.11.2019


Дар Осетия пайкараи Абулқосим Фирдавсӣ гузошта шуд

Назарбоев: "Зеленский ба мулоқот бо Путин дар Қазоқистон ризоият дод"

Дания аз бозгашти террористони «худӣ» ба кишвар шод нест

Ҷаҳон дар як сатр

“Бункер” ба Фаронса меравад

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад

Таъкиди Путин аз зарурати арҷгузории арзишҳои оилаи серфарзанд

Сарвазири Афғонистон: "Натиҷа бояд ба раъйдиҳии воқеии халқи мо асос ёфта бошад"

Чин ба шарти бастани созишномаи тиҷоратӣ бо ИМА ба мувофиқа расид

Ҷаҳон дар як сатр

САМБО. Медалҳои биринҷии гӯштигирони тоҷик

08.11.2019


Давлаталӣ Саид бо Мансур бинни Зойид оли Наҳён вохӯрд

Баргузории конференсия оид ба саҳми диаспораҳо дар рушди кишвар

Масоили ҳамкории фарҳангӣ матраҳ шуданд

МАОРИФ. Медали тиллои хонандагони точик аз Туркия

07.11.2019


Гурӯҳи мусаллаҳ безарар гардонда шуд

БОКС. Медали тиллои муштзани тоҷик дар Россия

ФОРУМИ ПАНҶУМИ МИЛЛӢ. Пойгоҳе ки ҳуқуқшиносонро ба ҳам меорад

Ба Ингушистон суриёие омад, ки аспсавор ба дидори Путин раҳсипор аст

Эрдуғон аз боздошти ҳамсари сарвари "ДИ" Ал-Бағдодӣ хабар дод

Интиқоди ҳазорҳо олим аз беэътиноии сиёсатмадорон ба тағйири иқлим

Пойтахти Тоҷикистон мизбони ҷаласаи Шӯрои ҳамкориҳои ИДМ мешавад

Ҷаҳон дар як сатр

05.11.2019


Роҳҳои баланд бардоштани ҳифзи ҳуқуқҳои истеъмолкунандагони хизматрасониҳои молиявӣ баррасӣ шуданд

Ҳамоиш доир ба нақши ҷавонон дар тарғиби арзишҳои миллӣ


Дар сомонаҳои дигари Тоҷикистон хонед