logo

сиёсат

Ӯ, ВОҚЕАН, АРЗАНДА АСТ

Пешвоёни асили миллатҳои ҷаҳонро истеъдодҳои фитрие ниҳон аст, ки дарку фаҳми он на ҳамаро даст медиҳад. Ҳамзамон онҳо бо фарогирии тамоми соҳаҳо ва ҳалли муаммову мушкилоти мавҷуда дар рушди кишвар, беҳбудии зиндагии шаҳрвандон, бешак, саҳми чашмрас мегиранд. Ин ҳама то ҷое сурат мегирад, ки нигоҳҳо ва фаҳмҳо ба нуқтаи ниҳоии он намерасанд. Аз ин рӯст, ки бархе дар ҳоли тааҷҷубу ҳайрат мепурсанд: «Оқибати ин иқдому корҳо ба чӣ меанҷомад?».

Агар ба гузаштаи начандон дури ин кишвари ҷангзадаву хароб бинигарем ва аз фаъолияти густурдаву ғамхоронаи Сарвари давлат Эмомалӣ Раҳмон дуруст бияндешему онро мавриди таҳқиқу тадқиқ қарор бидиҳем, ҳароина маълум мегардад, ки ӯ, воқеан, Пешвои арзандаи ин миллат аст. Ин унвону мақоми баланду шоиста танҳо бар ӯ созгор мебошад.
Дар он рӯзгори басо вазнин аксар шаҳрвандон ҳатто наметавонистанд ба ояндаи нек умед бубанданд. Аҳли ҷоҳ ва бисёре аз сарварон ба барқарории  сулҳу шукуфоии кишвар ҳеҷ бовар надоштанд. Ҳатто бархе мепиндоштанд, ки кишваре бо номи Тоҷикистон аз харитаи ҷаҳон маҳв мегардад. Бо тасаввуру ба ёд овардани ин ҳолатҳои ногувор қимати суханону раҳнамоиҳои дурусту хирадмандонаи Сарвари давлат Эмомалӣ Раҳмон боз бештар аз пештар ва беҳтар дарк мешавад.
Дар ҳоле ки ба хомӯш намудани оташи ҷанги шаҳрвандӣ, даъвати гурезаҳо, рафъи кинаву адоват ва дигар корҳои басо муҳим машғул буду тамоми неруву донишашро сарф мекард, бемориҳои гуногуни сироятиву хуруҷкунанда дар мамлакат доман паҳн карданд. Ин ҳама, албатта, хусусияти ҷангҳои шаҳрвандӣ дар ҳар кишвар аст. Аммо дар мамлакати мо баъзе аз ин бемориҳои сироятӣ чун ҷанги шаҳрвандӣ таҳмилӣ буданд. Чӣ бояд кард? Мо – мутахассисон бояд рӯирост иқрор бишавем, ки ба ин пурсиш ҷавоб надоштем. Ба ҷуз ин бовар намекардем, ки дар он рӯзгор бе мавҷудияти маблағҳои зиёд бо ин бемориҳои паҳнгардида дар як вақт мубориза бурда метавонем. Роҳҳову усулҳои табобати баъзе аз онҳо барои аксар мутахассисон як муддати муайян маълум набуд. Ба ҷуз ин доруву ваксинаҳои зарурӣ намерасиданд. Даҳшати ин ҳама аз даҳшати ҷанги шаҳрвандӣ камтар маҳсуб намеёфт. Бемороне, ки зуд ба табобат фаро гиифта намешуданд, фавҷ - фавҷ аз дунё дармегузаштанд. Хавфи қатъи робитаҳо вуҷуд дошт.
Сарвари давлат Эмомалӣ Раҳмон ба соҳаи тандурустӣ низ дар он вазъи душвору мураккаб таваҷҷуҳи махсус зоҳир кард. Бо дастгирӣ, дастуру роҳнамоиҳои ӯ тавонистем, ки аз мушкилоту ҳолати ногувор раҳоӣ биёбем ва соҳаро ба соҳаи пешрафта табдил бидиҳем.
Президенти мамлакат аз оғози фаъолияти пурсамараш ҳамасола барои рушди соҳаи тандурустӣ маблағҳои заруриро ҷудо месозад. Ҳолиё дигар ҳатто он бузургтарину пешрафтатарин муассисаҳои тандурустиро, ки танҳо дар замони сарварии ӯ бунёд ёфтаанд, бо ангушт шумурдан мумкин нест. Ин муассисаҳо бо технологияи ҳозиразамон ва мутахассисон таъминанд.
Бо тамоми масъулият ва ҳамзамон ба шукргузорӣ мо – табибон гуфта метавонем, ки дар ин пеш аз ҳама ҳиссаи бузургу бевоситаи Сарвари давлат Эмомалӣ Раҳмон аст.
Воқеан, солҳои охир дар муассисаҳои тиббӣ таҷҳизоти замонавӣ васеъ ворид мешавад. Ин имкон фароҳам меоварад, ки сатҳи ташхису табобати беморон беҳтар гардад. Аз ҷумла, чанде пеш дар пажӯҳишгоҳи мо бо таъсиси шуъбаи ҷарроҳии ҷоғу рӯй чунин таҷҳизотро ворид намудем ва он мавриди истифода қарор гирифт.
Мувофиқи раҳнамоии Сарвари давлат яке аз ҳадафҳои Ҳукумати ҷумҳурӣ дар хизмати соҳаи тиб қарор додани технологияҳои инноватсионӣ мебошад. Дар баробари ин, Президенти мамлакат аз он изҳори нигаронӣ мекунад, ки ҳанӯз ҳам мутахассисони таҷҳизоту технологияҳои муосири тиббиро пурраву самаранок истифода мебурда хеле каманд. Барои рафъи ин мушкилот моро зарур аст, ки дуруст ва сари вақт бо ҳисси масъулиятшиносӣ ва сипосгузорӣ ҷавобан ба ғамхориҳои Пешвои миллат тадбирҳо бияндешем.

Маҳмадулло ҚОСИМОВ,
директори Пажӯҳишгоҳи
илмию клиникии стоматология ва ҷарроҳии ҷоғу рӯй,
Сафовиддин ҲАҚНАЗАРОВ,
табиб – ортопед-импантолог


Баёни ақида (0)    Санаи нашр: 24.02.2016    №: 38    Мутолиа карданд: 364

25.09.2018


Тавсеаи равобити байнипарлумонии Тоҷикистону Корея

Баргузории ҷамъомад оид ба пешгирии ҷинояткорӣ

Анҷоми марҳилаи якуми амалиёти «Кӯкнор-2018»

Гутерриш ба муборизаи фаъолтар алайҳи маводи мухаддир даъват сохт

Теъдоди қурбониёни садамаи киштӣ дар Танзания ба 225 нафар расид

Сеул барои дучандсозии теъдоди сайёҳон $640 миллион харҷ карданист

Фаронса қатораи дуошёнаи тезгард месозад

Ҷаҳон дар як сатр

Ҷом насиби кӣ мешавад?

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД


Дар сомонаҳои дигари Тоҷикистон хонед