logo

иқтисод

АМВОЛИ ДАВЛАТӢ

ДАР ИСТИФОДАИ ОН ҲАНӮЗ ҲАМ КАМБУДИҲО ЗИЁДАНД
Кумитаи давлатии сармоягузорӣ ва идораи амволи давлатии ҷумҳурӣ ҳамчунин вазифадор аст, ки истифодаи дуруст ва  риояи тартиби  муқарраршудаи  амволи давлатиро дар корхонаю муассисаҳо назорат кунад.
Ин вазифаи пурмасъулиятро Хадамоти назорати давлатии истифодаи  амволи давлатӣ ба зимма дорад.
Саид Зуҳурзода, сардори хадамоти мазкур дар суҳбат бо хабарнигори рӯзнома аз бурду бохти он чунин гуфт:

- Истифодабарии моликияти дав-латӣ дар корхонаю муассисаҳо, таъмини иҷрои шартномаҳои иҷораи басташуда бо субъектҳои хоҷагидор, самаранок истифода бурдани  масоҳатҳои ишғолнамудаи вазорату идораҳо ва корхонаҳои давлатӣ аз тарафи кормандони хадамот мавриди санҷиш ва таҳлил қарор мегиранд. Соли гузашта ҳолати нигоҳдорӣ ва истифодабарӣ, инчунин риояи тартиби ба иҷора додан ва аз эътибор соқит намудани воситаҳои асосӣ дар 440 субъекти хоҷагидор санҷида  шуда, дар 420 субъекти он санҷишҳо ба итмом расиданд.
Дар рафти санҷиш маълум гардид, ки дар баъзе корхона ва ташкилотҳо баҳисобгирии амволи давлатӣ аз рӯи рақамҳои инвентарӣ ташкил нашуда, барӯйхатгирии амволи давлатӣ (воситаҳои асосӣ) тибқи тартиби муқарраргардида гузаронда нашудааст. Чунин камбудиҳо дар Корхонаи воҳиди давлатии Аэрогеодезии шаҳри Душанбе, Муассисаи давлатии таълимии Литсейи касбии техникии ноҳияи Ҳисор, Муассисаи давлатии зотпарварии ба номи Туйчӣ Эрйигитови ноҳияи Ашт, Мактаби муттаҳидаи техникии “Ташкилоти ҷамъиятии мададгори мудофиаи Ҷумҳурии Тоҷикистон” дар шаҳри Хуҷанд, Корхонаи давлатии фаръии обтаъминкунӣ ва канализатсияи шаҳри Қайроққум, КФД “Хоҷагии манзилию коммуналӣ”-и ноҳияи Рӯдакӣ ва Литсейи касбӣ муҳандисию омӯзгории шаҳри Душанбе ошкор гардиданд.
Воситаҳои асосие, ки дар тавозуни корхонаҳо ба қайд гирифта нашуда буданд, мувофиқи муқаррароти Қонуни Ҷумҳурии Тоҷикистон  “Дар бораи баҳисобгирии муҳосибӣ ва ҳисоботи молиявӣ” бо нархҳои бозорӣ арзёбӣ гардида, дар баланси корхонаҳо ба қайд гирифта шуданд, ки номгӯйи онҳо 1238 адад ва арзиши умумиашон 14,7 миллион сомониро ташкил дод. Ҳамзамон муқаррар гардид, ки дар баланси корхонаҳои санҷидашуда амволи давлатӣ (воситаҳои асосӣ ва асбобҳои камарзишу тезхӯрдашаванда) аз рӯи таъйинот ва мазмуни иқтисодиашон нодуруст ба қайд гирифта шудаанд. Дар рафти санҷиш ин камбудиҳо бартараф  гардида, 6670 амволи давлатӣ ба маблағи зиёда аз 2,6 миллион сомонӣ ба гурӯҳи воситаҳои асосӣ гузаронда шуданд.
Чунончи ҳангоми гузарондани санҷиш дар Ҷамъияти саҳомии кушодаи “Агроинвестбонк” маълум гардид, ки 27 ҳолати фурӯши амволи ҷамъият бе розигии саҳмдорон амалӣ гардидааст ва бо мақсади ба танзим даровардани ҳолати фурӯши амволи ҷамъият, ки дар он ҳиссаи давлат мавҷуд аст, инчунин барои ворид гардидани маблағҳои иловагӣ ба буҷет бо дастури хадамот фарқияти фурӯш ба маблағи зиёда аз 1 миллион сомонӣ ва аз ҳисоби ғайриқонунӣ истифодабарии амволи давлатӣ 36,8 ҳазор сомонӣ ба буҷети ҷумҳуриявӣ пардохт карда шуд.
Дар корхонаҳои санҷидашуда бо назардошти Кодекси ҳуқуқвайронкунии маъмурии ҷумҳурӣ барои риоя накардани қоидаҳое, ки назорати онҳо мутобиқи Кодекси мурофиаи ҳуқуқвайронкунии маъмурии ҷумҳурӣ ба зиммаи хадамот вогузор гардидааст, аз 50 протоколи ҳуқуқвайронкунии маъмурӣ, 46 парванда баррасӣ  гардида,  43960  сомонӣ ҷаримаи таъйиншуда аз ҳисоби ҳуқуқвайронкунандагон ба буҷети давлат интиқол гардид.
Имрӯз ҳам баҳри он саъю талош дорем, ки сиёсати давлатиро дар самти нигоҳдорӣ ва истифодаи пурсамари амволи давлатӣ хубтару беҳтар роҳандозӣ кунем.

М. УБАЙДУЛЛО,
“Ҷумҳурият”


Баёни ақида (0)    Санаи нашр: 25.02.2016    №: 39    Мутолиа карданд: 522

10.12.2018


Вохӯрии Сироҷиддин Муҳриддин бо Томас Гремингер

Ҷамъомади тантанавӣ бахшида ба таъсиси воҳидҳои таъйиноти махсуси ВКД

Ба ифтихори солгарди Сайидои Насафӣ Конфронси байналмилалӣ доир мегардад

Вориси Ангела Меркел дар мақоми сарвари ҲНД Аннегрет Крамп-Карренбауэр шуд

Дар ОПЕК+доир ба маҳдудсозии истихроҷи нафт ба мувофиқа расиданд

Боздошти беш аз 1700 нафар дар намоишҳои эътирозӣ дар Фаронса

Беш аз нисфи аҳолии сайёра ба интернет дастрасӣ ёфт

Ҷаҳон дар як сатр

МАСТЧОҲ. Деҳаҳо симои нав мегиранд

Путин: «Дар ИИАО бозори ягонаи газ, нафт ва маҳсулоти нафтӣ мешавад»

Нахустин ҳамоиши сарони манотиқи кишварҳои СҲШ дар Челябинск гузашт

Медведев: «Россия мушкили амнияти озуқавориро ҳал намуд»

Дар Олмон кӣ Ангела Меркелро иваз мекунад?

Нақлиёти ройгони ҷамъиятӣ дар Люксембург

Ҷаҳон дар як сатр

Кишоварзӣ бахши муҳим дар ноҳияи Деваштич

06.12.2018


74 варзишгар ба Ҷоизаи Президенти Ҷумҳурии Тоҷикистон пешниҳод шуд

Иштироки муовини вазири рушди иқтисод ва савдо дар мулоқоти сатҳи баланд

Баррасии масъалаи содироти маҳсулот ба бозорҳои Аврупо

ПАНҶАКЕНТ. Ифтитоҳи 63 иншоот

Бунёди роҳи танобӣ дар шаҳри Хуҷанд

“ГАНҶИ ҲИЛОЛ”. Тадбирҳо самар медиҳанд

05.12.2018


Баррасии масоили сиёсати хориҷии кишвар

Мулоқоти Шамсиддин Орумбекзода бо Мерилин Йосефсон

Баргузории конференсияи «Нақши сайёҳӣ дар ташаккули тарзи ҳаёти солим»

Путин ва Назарбоев ҳамкориро дар доираи Иттиҳоди иқтисодии АвруОсиё баррасӣ карданд

Куртс ҳамкорӣ бо Россияро шарти сулҳу субот дар Аврупо номид

Вашингтон дар Покистон муколамаи Кобул бо "Толибон"-ро муҳокима мекунад

Трамп дар фикри баррасии мушкили мусаллаҳшавии бошитоб бо Путин ва Си Ҷинпин шуд

Ҳонконгро матлубтарин кишвари дидании сайёҳон дар соли равон хонданд

Ҷаҳон дар як сатр

ЛУКА МОДРИЧ - барандаи "Тӯби тиллоӣ"

5 медали теннисбозони тоҷик

04.12.2018


Ҳамоиш оид ба татбиқи самтҳои асосии сиёсати хориҷии Тоҷикистон


Дар сомонаҳои дигари Тоҷикистон хонед