logo

сиёсат

ХУРОСОН. БУНЁДИ БОҒИ БА НОМИ АСОСГУЗОРИ СУЛҲУ ВАҲДАТИ МИЛЛӢ - ПЕШВОИ МИЛЛАТ

23 феврал Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба мавзеи Фахрободи ноҳияи Хуросон ташриф овард ва бо ҳолати боғу токзори намунавӣ шинос шуда, дар маъракаи ҳашари умумӣ барои бунёди Боғи ба номи Асосгузори сулҳу ваҳдати миллӣ - Пешвои миллат дар майдони 160 гектар иштирок кард.

Меҳнаткашони вилояти Хатлон соли 2015 беш аз 2 миллион тонна сабзавот, полезиҳо, картошка ва меваю ангур истеҳсол карданд ва нисбат ба соли 2014 ҳаҷми содироти маҳсулоти кишоварзӣ ду баробар афзоиш ёфт. Соли ҷорӣ дар вилоят 1147 гектар боғу токзори нав бунёд мегардад. Дар 5 соли оянда бошад, бунёди 5720 гектар боғу токзор ба нақша гирифта шудааст.
Президенти мамлакат Эмомалӣ Раҳмон бо Рустами Эмомалӣ дар боғи навбунёд ниҳоли себ шинонд.
Барои саҳм гузоштан дар ин маъракаи муҳим, ки ташаббускори асосиаш Президенти мамлакат Эмомалӣ Раҳмон мебошад, сокинони ноҳияи Хуросон ва аъзои Хоҷагии фермерии "Асадулло" ҷамъ омаданд.
Дар ин хоҷагӣ давоми шаш соли охир беш аз 1700 гектар боғу токзори нав бунёд гардид. Дар боғи интенсивии себ 30 намуди он, аз ҷумла Новелла, Даря, Эрлимак, Редфрӣ, Дейтон, Прима, Флорина, Либертӣ, Голдраш, Чемпион, Пинова, Фуджӣ, Грани Смит ва ғайра шинонда шудааст. Дар маҷмӯъ боғу токзори хоҷагӣ 2017 гектарро ташкил медиҳад. Акнун бо бунёди боғи нав беш аз 300 нафар соҳиби ҷойи кор гардид. Таваҷҷуҳ ба боғи интенсивӣ бештар буда, дар маҷмӯъ боғи интенсивии себ дар ин хоҷагӣ 114,5 гектарро ташкил медиҳад. Дар 5 соли оянда меҳнаткашони хоҷагӣ мақсад доранд боз 500 гектар боғ бунёд намоянд.
Дар ин ҷо бо ҳидояту маслиҳатҳои муфиди Президенти мамлакат беш аз 10 намуди ангур ва дар ҳазорҳо гектар навъҳои содиротии себ, нок, зардолу, шафтолу, гелос, олу, олуболу, олуча, чормағз, бодом, анҷир, анор, тут, писта, биҳӣ ва лиму ва дарахтони сояафкану ороишӣ шинонда шудаанд.
Мавзеи Фахрободи ноҳияи Хуросони вилояти Хатлон солҳои пеш бо иқтидори азими истеҳсолӣ ва фаъолияти намунавии худ хеле машҳуру овозадор буд ва тайи солҳои охир бо супоришу раҳнамоии бевоситаи Сарвари давлат Эмомалӣ Раҳмон барқарорсозии боғу токзори харобгаштаи он дубора оғоз ёфта, боғу токзори нави намунавӣ бунёд меёбанд.
Яке аз тадбирҳои муҳиме, ки Президенти мамлакат бо амалӣ кардани он ба беҳдошти сатҳи зиндагии сокинони ин минтақа заминаи мусоид фароҳам оварданд, бунёди ҳазорон гектар боғи нав ва таъсиси ҳазорҳо ҷойи корӣ мебошад. Танҳо дар заминҳои Хоҷагии фермерии "Асадулло" солҳои охир бо афзоиши майдони боғу токзор зиёда аз ҳазор нафар бо кор таъмин шудааст.
Хоҷагӣ дар ихтиёри худ ҳамчунин қитъаи ниҳолпарварӣ дорад ва имкон аст, ки худ ва дигар хоҷагиҳои боғутокпарвариро бо навниҳолҳои хушсифат таъмин намояд. Боғу токзор ва зироатҳои ин мавзеъ бо истифода аз технологияҳои муосир ба тариқи қатрагӣ обёрӣ мешаванд. Барои ин 2 миллиону 200 ҳазор метр лӯлаи махсуси обёрии қатрагӣ дастрас карда шудааст.
Бо дастури Сарвари давлат Эмомалӣ Раҳмон дар хоҷагии фермерии мазкур парвариши чорво ба роҳ монда шудааст ва кишти зироатҳои гуногуни гандум, ҷав, наску нахӯд, зағир, кунҷит, мушунг, картошка, каду ва полезиҳо барои рушди ин соҳа имкони хубро фароҳам овардааст.
Дар ҳашари умумӣ ҳазорҳо адад навъҳои гуногуни ниҳолҳои мевадиҳандаю ороишӣ шинонда шуданд.
Президенти мамлакат Эмомалӣ Раҳмон ба сокинони ноҳия оид ба рушди соҳаи боғу токпарварӣ ва аҳамияти он маслиҳатҳои муфид дод. Бунёди боғҳои нави меваҳои содиротӣ барои пешрафти иқтисодиёти кишвар ва беҳдошти сатҳи зиндагии мардум манфиатбахш маънидод гардид.
Ҳукумати мамлакат барномаи нави рушди  соҳаи боғутокпарварӣ барои солҳои 2016 – 2020 -ро қабул намуда, мавриди амал қарор дод, ки тибқи он дар майдони беш аз 20 ҳазор гектар боғу токзори нав бунёд хоҳад ёфт.
Таҷрибаи боғпарварони Хоҷагии фермерии "Асадулло" дар ҷумҳурӣ намунаи ибрат буда, он ба як мактаби хуби таҷрибавии олимону мутахассисони соҳа ва ҳунаромӯзии донишҷӯёну мактаббачагон табдил ёфтааст.
Бино ба таъкиди Сарвари давлат Эмомалӣ Раҳмон, ниҳолпарварону боғпарварони кишвар аз ҳар рӯзи мусоид  пурсамар истифода бурда, дар бунёди боғу токзори наву барқарорсозии боғоти куҳна, кабудизорсозии муҳити зист ва ободу зебо намудани ҳар ваҷаби хоки сарзамини зархези Тоҷикистони азиз бояд саҳмгузор бошад.
 


Баёни ақида (0)    Санаи нашр: 25.02.2016    №: 39    Мутолиа карданд: 498

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед